قصة جبل - نورسين ( بالدارجة المغربية )

💛 الفصل 102💛

جبل نورسينالجزء 529:جوري قالت برقة فصوتها ...جوري: الماكلة حارة بزاف و فاش شربت الما جاني مالح زاد ضرني فحلقي انا براسي ما فهمتشيعقوب و جبل شافو فالبلاصة دقة وحدة فنورسين و سلمى بنظرات فهمات سلمى و نورسين مغزاها عرفوهم عاقو بيهم لذلك ابتاسمو ابتسامة مزيفة فنفس اللحظة و حناو راسهم كايكلو فطباسلهم فحين جبل مرر يدو على لحيتو و دوز لسانو على شفايفو و ابتاسم على أفعالهم الشيطانية الواضح وضوح الشمس أنهم عملوها بدافع الغيرة الشيئ اللي دخل البهجة و السعادة على قلبو ما عرف شنو يقول ليهم باش يحاسبهم على فعلتهم كتبقى الغيرة مبرر قوي لافعالهم الصبيانية لذلك قال جبل بهدوء موجه نظراتو ليعقوب ..جبل: يعقوب غادي نخرجوا نتغداو برا انا وجوري و انت و منها نمشيو نقديو شغالناجوري قالت موجهة نظراتها لجبل ..جوري: ياك قلتي حتى لغدا ؟جبل مرر يدو على شعرها برفق و قال بابتسامة ...جبل: بدلت رأيينورسين نغزات سلمى بمرفقها لذلك قالت ..سلمى: وحنا غادي تخليونا بوحدنا ما نخرجوش نتغداو معاكم زعما ؟؟؟جبل شاف فسلمى بنظرات مستفزة مع ابتسامة هادئة نطق ...جبل: جوري ما وافقاتهاش الماكلة ديال دار وهي ضيفة عندنا و من الواجب عليا اكرام ضيفنورسين استجمعات شجعتها و نطقات مع ابتسامة ...نورسين: ولكن خلاوها ماليها ضيف ما يتشرط و مول دار ما يفرط حرام تسمحو فنعمة د سيدي ربي و تخليوها منزلة فوق طبلة و تمشيو تخسرو فلوسكم فزنقة هادشي ما يبغيه لا ربي و لا عبدو و زيد عليها ماكلة زنقة خايبة ما تعرف باش كيطيبو داكشي شحال من مرة مرضاتني انا بعدايعقوب : [بابتسامة ] واش اختي نورسين يصحاب ليك غادي نشريو الماكلة من عند مول بوكاديوس و لا شنو ؟؟جبل حنى راسو لارض حابس الضحكة فحين سلمى حنات على ودن نورسين و قالت بهمس ...سلمى : شوهتينا يا المصيبة عارت الله لا ما سدي حلقكنورسين حنحات و كملات كلامها غير مبالية بكلام سلمى ...نورسين: و شوف جوري مسكينة ما مولفاش على الغبرة د المغرب هي بيضة كتشقشق غادي توسخ برايعقوب قهقه بصوت رجولي و نطق مجاوبها ...يعقوب: ختي نورسين جيتيني ماشي هي هاديك ماشربتيش دواك واقيلة ؟؟؟نورسين: [بابتسامة ] تقاد ليا يا خويا دوايا شوف مع صاحبك يشريه ليا و لا عرفتي شنو هانتوما خارجين خارجين جيبوه ليا فطريقكميعقوب قرب لنورسين و حط يدو على جبهتها و شاف فجبل و قال بمزاح ...يعقوب: لا سخانة ما طالعالكش ابنت عمي بلاتي واش كتعطيها شي حاجة فالما البنت كانت ما كتهزش راسها من الارض شنو وقعلك اختي نورسين ؟؟؟نورسين هزات كتافها و جاوبات يعقوب بابتسامةنورسين: تفورماطيت اخويا [ نقلات نظراتها لجبل ] دابا يعطيكم خاطركم تخرجو و تخليوني انا و سلمى فدار و نتوما تمشيو تفوجو برا [ شافت فسلمى ] عاونيني فيهمسلمى حاطة يديها على خدها و نطقات ...سلمى : الله يخلف عليك راك قايمة بالواجبجبل اكتفى بالنظر الى نورسين و الابتسامة على كلماتها الطفولية و على غيرتها كلماتها كتطرب قلبو قبل ودنيه بل كلماتها بمثابة ايقاع جميل كيدخل لجوارحو كلها و كأنها تنقله الى عالم اخر فرح بزاف اللي شخصيتها تبدلات و رجعات كتشاركهم الكلام و كتكشف على شخصيتها المرحة الحنونة الطفولية اللي كترجعو للماضي ...جبل : ما نقدرش نديكم عندنا شي شغال كنعتادر [ نقل نظراتو ليعقوب ] عشرة دقايق و نجي