قصة جبل - نورسين ( بالدارجة المغربية )

💛 الفصل 121💛

جبل نورسين الجزء 657 :نورسين هزات راسها بالايجاب فحين جبل قال بصوت رجولي هادئ خلاها تتبع معاه بلا ما تشعر ....جبل: أنـا عارف انك أصلا مخنوقة و معصبة انك ماكاتصليش و ماكرهتيش تحافظي على الصلاة ديالك و اكبر دليل انك دابا مزال كتسمعينيابتاسمت ليه نورسين و قالت بحب ...نورسين: ما كرهتش نرتابط بالصلاة و عمري نقطعهاجبل هز يدها قبلها بحب نابع من قلبو و قال مكمل كلامو بصوت حنون كينصحها بحب لانه فعلا باغي ليها الخير ....جبل: ف الداخل ديالك نتي انسانة طيبة و كتبغي الله الحمد لله ضميرك مزال حي و كيعذبك.... حيث كاين بزااف ديال الناس ماكايصليوش و مكايفكروش حتا ف الموضوع بالنسبة ليهم الامر عااادي و نتي العكس لأنك انسانة كتبغي الله، لأنك انسانة مزيانة و ماكرهتيش تتبدلي ماكرهتيش تقربي من الله اكثر..... غادي نسولك واحد السؤال، حنا علاش كانصليو ؟ غادي تقولي لان الصلاة فرض و ربي امرنا بيها وااخا انا معاك هذا سبب ولكن عمرك فكرتي فيها ب طريقة أخرى؟؟؟نورسين: كيفاش ؟؟؟جبل : الواحد ملي كايصمم شي آلة .. و هاد الالة تنزلت ف شي مصنع، و هو كل نهار كايجي 5 د المرات يجلس يصلح ف هاد الالة و يصلح الاغلاط لي فيها، و يتابع كلشي عليها، هاد الآلة غادي تتخسر؟؟؟؟ أكيد لا و حتى اذا خسرت شكون اكثر واحد غادي يكون فاهم فيها؟؟؟ اكيد لـي صممها ياك؟ و هو لي غادي يعاود يصلحها ولله المثل الاعلى ..نورسين عجبها كلامو و كيفاش كيتكلم برزانة ما عمرها لمساتها فشخص قبل منو ...نورسين: ربي كايعيط علينا 5 مـرات علاااش ؟ واش كايحساب ليك ان الصلاة ديالك غادي تزيد من ملك الله شي حاجة؟؟ و عدم الصلاة غادي ينقص شي حاجة من الملك دياله سبحانه و تعالى؟؟؟ .. لا بطبيعة الحال الله عزوجل كايعرض عليك الصلاة 5 مـرات فالنهار باش يصلحك لانه تبارك و تعالى ملي كايكون قدامك ف الصلاة النور ديالو عزوجل كايوصلك، فكايطهر الروح ديالك و قلبك و النور ديالوا غادي يعاونك على الدنيا، اذن علاش تحرمي راسك من نوره عزوجل ..؟؟ شنو هي هاد الحاجة من الحوايج ديال الدنيا اللي تسوى نور من الانوار ديال الله عزوجل ..؟؟ يعني ملي الاذان يقول الله اكبر ربي كايعيطلك كايقولك: اجي بغيتك توقفي قدامي، بغيت نشوفك شنو محتاجة و نعطيك، و بغيت نشوفك ساجدة بين يديا و كاتقولي " يـارب" ونقولك لبيك عبدي ملي الاذان كاياذن الشيطان كايوقف قدامك و كايقولك ( يا أنا يـا ربك، يا تتسجيب لـ ندائي يا تسجيب لـ نداء ربـك تخيل معايا راسك يوم القيامة و نتي واقفة قدام الله عز وجل و جاب هاد اللحظة: ملي الاذان أذن و الشيطـان وقف قدامك و قـالك يا أنا يـاربك، و سمعتي الكلام ديال الشيطان، كيفاش غادي يكون المنظر ديالك قدام الله؟؟؟ شنو غادي تقولي ليه ديك الساعة؟؟؟ الله رزقك الصحة باش تقدري تصلي و غيرك كان محروم منها رزقك الدار اللي تصلي فيها و غيرك محروم من سقفها رزقك الماء اللي تتوضاي بيه و غيرك ما عندوش و ايلا ماعندكش الصحة صلي و نتي جالسة و الا مالقيتيش الماء باش تتوضاي تيممي ربي سهل لك كل شي باش تقدري تصلي، باش يشوفك و تهضري معاه و تطلبي منو داكشي لي بغبتي ولكن نتي بخلتي عليهكلام جبل خلا دموع نورسين تنساب على خدها لانها عارفة راسها مقصرة بزاف من جهة اللي خلقها لذلك ضمها لعندو و همس فودنها ...جبل: انا قلت ليك هاد الهدرة ماشي باش نبكيك انا باغيك ديما تكوني فالقمة اولا مع الله سبحانه و تعالى بغيتك تقربي منو و ان شاء الله فاش نموتو نتلاقاو فجنةنورسين بعدات عليه و مسحات دموعها فحين جبل قال بمزاح باش يشوف ضحكتها ...جبل : بقاي تصلي باش ما نتزوجش بالحور العين نقولهم جيبو ليا مراتينورسين ضحكات على كلامو و قالت مجاوباه بغيرة بريئة ....نورسين: و الله لا خليت لشي وحدةجبل : المراة الصالحة كتكون أفضل من حور العين بمية ألف مرةنورسين: و الله يجمعنا على طاعة الله و رسولوجبل : اللهم أمين و ما تنسايش كولشي عندو دنوب و لكن الانسان المزيان هو اللي كيتوب قبل ما يفوت الفوت ربي عارفنا غانعصاو حيت كن ما بغناش نعصاوها غايخلقنا ملائكة و لكن هو خلقنا هاكا بطبعنا و الا ختاريناه و تقربنا منو كتكون المرتبة ديالنا أحسن منهم حيت ربي خلق الملائكة هداك هو طبعها ما كتعصاهش و لكن حنا عندنا الاختيارنورسين: يا خويا على بو لحية ديالي و الله حتى عندك مع نصيحة ما عندي ما يتسالكجبل عض على شنايفو و ضحك على كلامها و قال بمكر ...جبل : عندي حتى مع حاجة أخرى غاتكتاشفيها من مور ما غانصليونورسين هبطات راسها بخجل فحين جبل ناض و قام الصلاة و بدا يقرا القرآن بصوت رائع جدا ونورسين مخشعة معاه عجبها صوتو فرحانة حيت عرفات بلي ربي بصح كيبغيها منين حط قدامها مثل هاد الشخص دعات ربي من قلبها باش ما يحرمهاش منو و باش يبقاو ديما مع بعضياتهم سالا الصلاة و هز كفوفو لسما و قال بصوت خشن و جميل فنفس الوقت ...جبل: اللهم اجعلني لزوجتي أباً في الحنان، وأخاً في الطاعة، واجعلها لي أماً في الحنان، وأختاً في الطاعة. اللهم حببني إلى قلب زوجتي وجمّلني في عينها، واجعلنا هداة مهتدين ومن عبادك الصالحين. اللهم إني أسألك أن تجعلني دائماً نوراً في عين زوجتي، وأن ترزقني حبها، وأن تعصم قلبها من الآثام والذنوب