قصة جبل - نورسين ( بالدارجة المغربية )

💛 الفصل 61💛

جبل نورسين الجزء 300 :جبل جلس من فوق سرير كيفكر شنو يدير من بعدما تلقى هاد الإتصال اللي كيحتم عليه يسافر و يبقى على الأقل يوماين و بما انه غايسافر فغايستغل سفر ديالو و ضروري خاصو يمشي يطمن على الشركة ديالو فإسبانيا حضورو مهم و يكفي غير هاد الايام اللي كان غابر عليهم خاصو ضروري يبرم صفقات جداد و يشوف الانتاج كيف غادي واش كلشي هو هداك و المبيعات طالعة و لا هابطة واش العمال مرتاحين و لا كاين مشاكل داخل شركة المهم تابعينو بزاف ديال الضغوطات و لكن الضغط الكبير هو انه غايبقى بعيد على نورسين تقريبا أسبوع و كيف غايدير يصبر على فراقها طيلة هاد المدة و هو اللي ما بقاش كايدوز عندو نهار من غير الا ماشافها قدامو و هضر معاها و شاف ضحيكتها اللي سالبة ليه عقلو و قلبو معا ....خرجات تنهيدة حزن من اعماق قلبو بلا ما يحس هز تيليفونو و دوز نمرة يعقوب و حطو فودنو . حتى تطلق الخط ..يعقوب : جبل بغيتي شي حاجة ؟؟؟جبل بقا ساكت مدة ثواني عاد نطق بألم ...جبل : تسناني فالبيرو على ما نجي محتاج نهضر معاكيعقوب : واخا أ خوياقطع جبل الخط و لاح تيليفونو فوق سرير و ناض بتثاقل دخل للحمام يدوش لعل و عسى يرتاح شوية ...بينما فطابق السفلي و بالضبط فحديقة الفيلا صوت نباح اوليفر كيتسمع فالمكان حيت كان كيلعب مع نورسين اللي بدات كتبان راحة على وجهها ، كانت هازة كرة فيديها و كتلوحها فالأرض و أوليفر كيجيبها ليها و هي كتبتاسم بكل راحة حتى عيات و مشات جلسات فوق الفوطوي المتواجد فالجردة و جلس حداها اوليفر فالأرض طالق لسانو كيلهث عيا بجرا ....نورسين رجعات كسدتها للور و غمضات عينيها مستمتعة بنسمات الهواء الباردة اللي كتلفح وجهها طلعات نفس و رجعات هبطاتو بطريقة منتظمة كأنها كتطرد جميع المشاعر سلبية و الحزينة العالقة فقلبها و فداكرتها و فماضيها الأسود كأنها كتستاعد تفتح صفحة جديدة فيها نورسين الواثقة بنفسها نورسين المرحة نورسين اللي باغا تحقق أحلامها و أهدافها باغا تبني شخصية جديدة انطلاقا من اليوم عنوانها نورسين المتجددة المتمردة القوية الثابتة ....حسات بظل شي حد واقف على راسها بالحلة باش حلات عينيها بانت ليها سلمى واقفة كتبتاسم ليها ...سلمى : أ فين أ بنتي كتحسي براسك مزيان دابا ؟؟ناضت نورسين من فوق الفوتوي و التافتت شافت فسلمى ببريق فعينيها و بعد مدة صمت نطقات بصوتها الانثوي ....نورسين : شكرا بزاف أ ختي سلمى منين سمعت كلامك ارتاحيت بزاف عطيتيني واحد طاقة زوينة بزاف لا نتي لا جبل فاش كاتهضرو معايا كتبينو ليا شحال مشاكلي صغار و ما نستاهلش نحزن عليهم و كترجعو كلشي زوين بكلامكمقبطات نورسين فيد سلمى و مع ابتسامة امتنان كملات كلامها...نورسين : كلامكم زوين بحالكم بصح كنحس براسي عندي زهر حيت حطكم ربي فطريقي لقيتكم فوقت شدة و عاونتوني بزاف الله يجازيكم بالخير و الله يجعلها فميزان حسناتكمسلمى حطات يديها على كتف نورسين و جاوباتها مع ابتسامة ...سلمى : نتي راك وحدة من العائلة دابا ما تهزي هم لحتى حاجة كلشي غايكون مزيان غير نتي خاصك تكوني باغا تزيدي بحياتك القدام و تفكري بعقلك و تعرفي بلي مصلحتك كاينة هنا و ربي سهل عليك طريق و حطك فدار جبل الابراهيمي اللي غير سميتو كترعف باش يكون راجلكنورسين : [قطبات حجبانها ] عاوتاني جبل أ سلمىسلمى : مال مك لقيتيه جالسة تنفخي غير نتي و عظامك فوقتما نجبدو ليك تبداي تلوني غير نتي و راسك تقول فيك شي جن ما كيحملوش مالنا ياك لابسنورسين : سلمى ماشي هاكاك راك عارفة و ديجا هضرنا فهاد الموضوع و ...سلمى : [بعصبية ] شوفي ديك لواه جبل ما يستاهلنيش لواه هو خاصو ملكة جمال لواه خاصو مراة كتبول البيترول و مراة كتخرا لويز غير نسايها ..نورسين غلباتها الضحكة بينما سلمى زادت تعصبات و نطقات بلا وعي منها ...سلمى : نتي ضحكي هنا و خلي سيد كيعاني لهيهعم الصمت بيناتهم سلمى فاش وعات على راسها بلي زڭمات صرطات ريقها بصعوبة كتسنى ردة فعل نورسين اللي قطبات حجبانها و نطقات بشك ...نورسين : شكون هدا اللي كيعاني ؟؟؟سلمى بقات ساكتة كتشوف فعيون نورسين و دماغها كيفكر كيفاش تجبد راسها من هاد الحصلة اللي تحطات فيها تاني و الا ساق ليها جبل الخبر غايدبحها هو محلفهم باش ما يخرجو حتى حاجة و لو تكون بسيطة باش ما يدخلوش ليها شك ...