قصة جبل - نورسين ( بالدارجة المغربية )

💛 الفصل 91💛

جبل نورسينالجزء 460:ختم جبل دعاء هز القرآن اللي كان بجنبو فتحو و ربع رجلو بدا يقرا آيات القرآن جهرا بتمعن كبير و بخشوع بتلاوة رائعة صوتو خطير جدا خاصة فقراءة القرآن الكريم...بعدما قرا ماتيسر من آيات القرآن الكريم حطوا وناض خرج طلع فالدروج حتى وصل لبيتو حيد حوايجو و دخل لدوش طلق عليه الما بارد و صورة نورسين بإطلالتها الرائعة سلبات قلبو قبل عقلو ما قادرش يمحيها من بالو عرف بلي تصرف بطريقة خايبة فظة و ممكن تنويها نورسين فشكل و لكن ماشي لخاطرو ما كانش قادر يشوف فوجهها حيت أكيد كان غادي يتهور خاصة ان غريزتو دكورية ما قادرش يسيطر عليها...خرج من الدوش مكره اتاجه لدريسنغ روم لبس كيطمة فلون الرمادي مكتوب فضهرها king بينات عضلاتو بشكل واضح لبس ساعة يدوية فخمة راقية جدا من تصميمو فلون الأسود لاح كاسيكط على راسو فالكحل رش عطرو رجولي و هز مفاتيح سيارتو جاتو لبسة رياضية خطيرة و عطاتو مظهر شبابي أكثر .....حل الباب ديال بيتو و هبط فالدروج جبد التيليفون من جيبو دوز رقم سلمى و حطو فودنو حتى سمع صوتها ....سلمى:وي جبل ؟؟جبل: أجي عندي محتاجك ؟؟سلمى:ياك لابس أ خويا ؟؟جبل: ما كاين والو غير طلعي عندي لدوزيام ايطاجسلمى : داكوغقطعات سلمى على جبل و شافت فيعقوب اللي كان جالس حداها و قالت ...سلمى:هانا غا نطلع عند جبل ما عرف شنو بغانييعقوب: غادي يكون بغاك غير على ود نورسين سيري هضري معاهناضت سلمى من مكانها طلعات فالدروج حتى وصلات لطابق الثاني و لمحات جبل واقف و مهبط راسو كيخندش فتيليفونو ....سلمى: جبلبمجرد ما سمع صوتها هز راسو شاف فيها و نطق ....جبل:سلمى بغيت نطلب منك واحد الطلب و ما ترديهش فوجهي الله يرضي عليكسلمى حركات راسها بمعنى شنو كاين و قالت بتفاجئ...سلمى: على راس و العين فاش بغيتني ؟؟؟جبل رد تيليفونو لجيبو و قال بهدوء رجولي ...جبل:كيفما كاتعرفي نورسين ما عندهاش عائلتها و انا ما نبغيش نشوفها مخصوصة ولا تحس بنقص عارف البنات بحال هاد نهار كيكون مميز فحياتهم و كيتفكروه عمرهم كامل انا بغيت هاد زواج يكون حقيقي داكشي علاش ....جبد بزطام أسود من جيبو فتحو و جبد منو كارط بونكير مدها لسلمى ، فنفس الأثناء كانت طالعة نورسين باش تبدل الكسوة حيت صهداتها و ما تجي غير مع صوت جبل قال ....جبل: غادي نقول ل chauffeur يديكم فينما بغيتو شري لنورسين اللي بغات تهلاي فيها عارف دوقك زوينسلمى: راني قلت ليها قبيلة نخرجو باش نشري ليها اللي بغات و لكن رفضات قالتلك عندها الحوايج ما كاين لاشجبل شاف فساعتو اليدوية و قال ...جبل: من دابا 2heures خاصكم تمشيو لمطار المهم حاولي معاها انا عارفها مقربة ليك بزاف و نتي قادرة تقنعيها واخا تشري حوايج بساط المهم ما تبقاش بلاش و ما تعطلوش بزاف باش ما تمشيش عليك طيارة اه و قبل ما نسى كنشكرك على المايكاب اللي درتيه لنورسينجاها زوين بزافسلمى: [بابتسامة ] اوا شنو يصحاب ليك حنا ساهلين و لكن علاش تعصبتي قبيلة غير نتا و راسك و نضتي بزربة نورسين ما عجبهاش الحال و الله خاصك طلب منها سماحةجبل مرر يدو على لحيتو و قال ...جبل: ماشي لخاطري و الله ما لخاطري شي حاجة أقوى مني المهم ما باغيش ندخل فتفاصيل ديري داكشي اللي قلتلك و ما تخسريلهاش خاطرها الله يرضي عليكسلمى: واخا غادي نحاول معاهاجبل: شكراانصارف جبل هبط فالدروج و سلمى بقات متبعاه بعويناتها و انتابهت لكيطمة اللي لابس جاتها فكرة زوينة و ابتاسمات ....بينما جبل فاش هبط بضع درجات طاحت عينو على نورسين واقفة حابسة عليه طريق و واضح أنها سمعات حوارو مع سلمى ما قدرش يكبح نظراتو و سرح فتفاصيلها مجددا و روادوه نفس الأحاسيس و رغبتو ذكورية سيطرات عليه من جديد خاصة فاش وقع بصرو على شفايف نورسين اللي كتبري بفضل ملمع شفاه كلما كايبان ليه فهاد اللحظة يكاليها مع الحيط و يبرد فيها هاد نار الحارقة اللي سببات ليه عن غير قصد منها ....فاضطر انه ينزل عينو مجددا بغا يهبط و هي تحبس عليه نورسين الطريق ما خلاتوش يدوز و قالت بنرفزة فصوتها ...نورسين: طلعت ليك فراسك قبل حتى ما نسكنو بجوج هادي هي صداقة اللي غاتكون بيناتنا ؟؟؟كلامها خلاه يهز عينو من الارض و شاف فعينيها بعدما صرط ريقو بصعوبة كيحس بدقات قلبو مخربقين لدرجة ما قادر لا يتنفس و لا يتكلم غاينفاجر و لكن مظطر انه يجاوبها و يكبح راسو على قد ما قدر باش ما يطيرش عليها نطق بصوت حنون هادئ ....جبل : نو ما تفهمينيش غلط عندي شي حاجة شاغلاني و هي سباب نتي عمرك طلعتي فراسي حرام تقولي هاد الهضرة حتى بالضحكنورسين تشوشات عليه فإضطرت أنها تسولو على سبب...نورسين: واش عندك شي مشكل ؟؟جبل: [بحزن] مشكل كبيرنورسين حطات يديها على فمها مصدومة و قالت بقلق ...نورسين: واش نقدر نعاونك فشي حاجة ؟؟؟جبل حرك راسو بنفي و قال مهبط راسو ...جبل : اوليفر مريض و ممكن يموت