قصة جبل - نورسين ( بالدارجة المغربية )

💛 الفصل 123💛

جبل نورسين الجزء 663 :نورسين ربعات يديها و قالت بهدوء عكس البركان الداخلي اللي كتحس بيه فروحها و بداخلها بالخصوص فقلبها ....نورسين: قولي شنو عندككامليا التافتت عند نورسين و قالت بملامح حزن طاغية على وجهها ....كاميليا : انا ماشي باغا نحرمك من هاد السعادة اللي كتحسي بيها معاه و لكن كوني أكيدة أن هاد سعادة اللي نتي فيها مؤقتة و فالقريب العاجل غاتزول و غاتلقاي راسك مدمرة نفسيا و عاطفيانورسين قرنات حجبانها و نطقات باستغراب ...نورسين: شنو باغا توصلي ليا بلا ما تبقاي ضوري عليا فالهضرة و جيني نيشان شنو كاتعرفي على جبل و علاش كاتقولي هاد الهضرة و من فوق هادشي كامل الا ما كان عندك حتى دليل على كلامك راني ما غانثيق بيك لا نتي لا غيرك و كنقسم ليك الا كنتي باغا تفرقي بيناتنا غاندمككامليا حركات راسها بنفي و قالت بتعب ...كامليا : آخر حاجة غانتمنى نديرها هي نخرب سعادة انسانة اخرى بيدي انا ماشي بهاد الحقارة كلها انورسين ثيقي بيا و كن ما كنتش خايفة عليك يوقع ليك ما وقع ليا مع داك السيد ما كنتش غادي نجي عندكنورسين نطقات بعصبية ...نورسين: كامليا انا اصلن على اعصابي و ما تزيديش تكملي عليا قولي شنو عندك و سيريكامليا قربات مجددا لعند نورسين مسكات يديها و قالت بحزن طاغي على صوتها ...كاميليا : بصراحة هادشي اللي غانقول ليك قاصح عليك حيت باين كتبغيه بزاف بحالي و ما كاينش شي وحدة اللي ما غاتبغيش واحد بحالو زوين لابس عليه ضريف و حنين و لكن ثيقي بيا ماشي كيفما كايبان ليك و كيفما كيقول المثل ماشي اي حاجة كتلمع ذهب و هادشي اللي وقع ليا مع جبل... قصتي معاه بدات من العائلة نتي عارفة بلي هو ولد عمتي و انا بنت خالو صراحة كان كيعجبني بزاف قبل ما نرتابطو و حتى هو كنت كانعجبو و لكن ما كنتش عارفة بلي سيد مريض نفسي انسان نرجسي و سادي عزيز عليه يعدب الواحد اللي كيبغي يرفعك حتى لسما و يرجع يخبطك مع الارضبمجرد ما أنهات كامليا كلامها نورسين جلسات فوق الفوتوي واضعة يديها على فمها كلها كترعد ما قادراش تستوعب قلبها كيتسارعو نبضاتو كأنه غايتوقف طاحت ضبابة على عينيها و لكن حاولت انها تبقى قوية و ثابتة ...كامليا حنات جلسات امامها على ركابيها و قالت باهتمام مزيف ...كاميليا : واش تشربي ؟؟؟ كتحسي براسك مزيان أ ختي ؟؟؟نورسين نطقات بصعوبة كأنها طفلة لا تفقه الكلام ...نورسين: ك..كملي ك. كملي ...كلامككاميليا : واخا غانبدا معاك علاش هو مريض نفسي جبل منين كان صغير ماتت ماماه و هادشي خلاه يحقد على دراري لوخرين اللي عندهم ماماهم و هو ما عندوش ما بقاش كيحمل يشوف الولاد مع مواتهم كره كلشي و رجع باغي ينتاقم من البنات و هادشي ماشي كلام من راسي و انما كلام صاحبتي اللي طبيبة نفسية كان كيتعالج عندها... جبل تولدو عندو عقد نفسية لدرجة بغا ينتاقم من البنات بواحد الطريقة خايبة و انا كنت من اوائل الضحايا ديالو كان مغرقني بلي كادو و قالي غانتزوجك و لكن بشرط واحد حتى واحد ما يسيق الخبار انا من حبي ليه وافقت و لكن هو كان غرضو غير ينعس معايا فالحلال و صافي تصوري كان كايعاملني بحال شي بيبي ديما الورد المفاجآت لدرجة عطاني فالصداق رانج روفر فالحمرهنا نورسين هزات عينيها شافت فكامليا و زيرات على حواف الفوتوي بيديها دموعها سالو بلا ما تشعر أفكار كثيرة تراكمو على بالها دقة وحدة لدرجة ما قدراتش تصدقهم كيفاش جبل عطاها فالصداق رانج روفر فالاحمر يعني سيد كايتعامل مع البنات اللي كايبغي يعدبهم بنفس الطريقة و هي عارفة ان كاميليا ما عارفاش بأمر سيارة اللي تعطات ليها من طرفو يعني كاميليا ما كتكدبش و ها دليل الاول على صدق كلامها بان فحين كاميليا كملات ....كاميليا : كان مغرقني بلي كادو و الكلام الحلو كيكتب عليا أشعار حيت هو أصلن عزيز عليه الكتب الرومانسية كيقويني ديما بكلامو و كيشجعني و بقوة حبو ليا دابز مع بابا على قبلينورسين شهقات بلا ما تشعر فور ما سمعات كلام كامليا اللي كيبين أنه كان كيتعامل معاها بنفس طريقة تعاملو مع نورسين الشيئ اللي خلاها تصدق كلامها لانها ما عارفاش هي علاقتهم كيفاش دايرة و مادامها انها كتكلم عليه بهاد الشكل الا و انه بصح تعامل معاها بنفس الطريقة من قبل ....نورسين حطات يديها بجوج على راسها و بقات شاده و جميع المشاهد اللي عاشت معاه كيبانو امام عينيها من اول نهار تلاقاتو فالعمارة حتى ليوم اللي هي فيه و كتكرر كلمة وحدة ....نورسين: جبل ما يديرهاش ...جبل ما يديرهاشهزات راسها شافت فكاميليا عينيها حومر و نطقات بتلعثم ...نورسين: ب..بغيت دل...دليل على هادشي اللي قلتي