قصة جبل - نورسين ( بالدارجة المغربية )

💛 الفصل 26💛

جبل نورسين الجزء 106:بمجرد ما سمعو صوت يعقوب إتسعو حدقتي نورسين بصدمة و طلقات من شعر سلمى؛ بالهزة باش كتهز راسها كيبان ليها يعقوب و جبل ؛ جبل اللي كانت كتهضر فيه مع سلمى تمنات الارض تشق و تبلعها فهاد اللحظة تمنات ما يكونش سمعها؛ فين غاتدير وجهها معاه واش هي ديما غاتبقى تشوه المرة الاولى شاف دم فحوايجها و دابا الا كان سمع كلامها عليه صافي غير تدير ما دار طوم و جيري فاش كيحفر قبرو تحشيمة سانك سانك و المشكل عايش معاهم فالعمارة و ديما كتضرب فيه حسات بالبكية غاتنزل ليها فهاد اللحظة ...أما سلمى اللي غير سمعات صوت يعقوب التافتت كتضحك ...سلمى: يعقوبيعقوب دخل و تمشى بخطوات باتجاه سلمى و الضحكة مزينة وجهو الوسيم ...يعقوب: ياك أودي لابس اش واقع هنا ؟؟؟سلمى هزات يديها كتوريه الحنة و قالت ..سلمى : حنيت كيف جاتني ؟؟يعقوب : [خسر ملامح وجهو ] علاش محنية أ زمر تفووسلمى قربات ليه و هو يبعد عليها ...يعقوب : بعدي لهيه و لا نوكل ليك ديك الحنة ؛ بسالة كيف دايرة عارفاني ما كنحملهاشسلمى : يا على بشر كيف داير قولي غير جاتك زوينةيعقوب حول نظراتو اتجاه نورسين اللي باينة فيها مصدومة و كتشوف فجبل اللي واقف فالباب بقات مسروطة الصدمة كانت قوية عليها ؛ يعقوب بمجرد ما تفكر شنو كانت كتقول نورسين على جبل غلباتو ضحكة تاني و ضور وجهو كيشوف جيهة الباب اللي كان واقف حداه جبل اللي داير يديه فجيابو و مصدوم هو الآخر و كلام نورسين كيتكرر فودنيه داخل ديالو كيبتاسم و لكن وجهو باين عليه جمود مش طبيعي ...يعقوب : بس بس جبلفاق جبل من سهوتو و شاف فيعقوب ...يعقوب: تا فين مشيتي أ العشيرجبل بقا ساكت و كيشوف فيعقوب مرفوع ما هواش فهاد العالم كلام نورسين اللي نطقات بعفوية حيت كانت معصبة خدر ليه دماغو يا الله شحال تمنى تقول ليه داك الكلام من قلبها و تكون كتعنيه شنو غايبغي أكثر من هادشي ما طالب والو باغي غير يسمع منها "كنبغيك " كلمة مكونة من ستة د الحروف كتزعزع كيانو كرجل و كتخلي قلبو ينبض بقوة كأنه عامل احتفال بداخل جسدو فاش كتجي من فم نورسين و لو عن طريق الخطأ ...نورسين حسات براسها غاتبكي فهاد اللحظة بغات غير تهرب من هاد المكان اللي كيتواجد فيه جبل حيت وجودو كيوترها خاصة منين قالت ديك الكلام و مية فالمية غايكون سمعها ...نورسين : سلمى انا غانهبط لتحتخطات بخطوات باتجاه الباب و كتحس براسها كتزيد توتر كلما كتخطي خطوة و كتقرب ليه كتحس بمعدتها عاطياها الحريق؛ بقوة الحشمة وجهها طلعاتو تزنيكة غزالة طيحات عليها سر أكثر ما راها كتبان فنة فعويناتو شي نهار تعقد ليه نقشة مع ختها قدما بقى غاتسكت ليه القلب ....وصلات لحداه باغا تخرج ساعة جبل كان واقف فالوسط و مع هو جثة نيت طول و العرض و الارتفاع تبارك الله شاد الباب كامل بغات تدوز ما لقات كيف تدير ...نطقات بهمس و عينيها فالارض ...نورسين: سمح ليا ندوزيصحاب ليها غايتحرك بهاد السهولة هايهات ثم هايهات جبل خاصو غير الفرصة اللي طيح ما بين يدو و تكون قريبة ليه ؛ بان ليها ما تحركش الشيئ اللي خلاها تهز عويناتها فيه لقاتو كيبتاسم ما عرفاتش سبب و لكن ديك الابتسامة ديالو كتحس بيها بريئة بزاف كتعجبها ....جبل : علاش كاتهضري و عينيك فالارض انا ماشي وحش و الله ما كنعضسكت فاش شافها كتشوف فيه بديك البراءة اللي كتهد قلبو كيبغي غير يشدها يحشيها فحضنو ما يطلقش منها بقوة الكيوتنس اللي فيها حنحن و كمل كلامو بنبرة حنونة ..جبل: تعلمي فاش تبغي طلبي من اي واحد شي حاجة شوفي فعينوحركات راسها بالايجاب و كتحس بروحها غاتزهق من قوة الحشمة خاصة فاش كاتشوف فعينيه من ديما جبل عندو واحد الهيبة خاصة بيه من عند الله كتزعزع من لداخل الرجال فما بالك انثى خجولة بحال نورسين ..نورسين : واخاجبل : [ربع يدو ] عقلي على نصائح اللي كنعطيك ممكن ندير ليك امتحان فأي لحظة كوني ديما على إستعدادنورسين ابتاسمت بطريقة جدابة زلزلات قلبو من جديد نورسين من ديما كتخلق اعاصير بداخل فؤادو و هي ما حاساش بهاد العبد الضعيف اللي كيموت على أصغر تفصيل فيها اللي هي و ما كتردش ليه البال ...جبل لمح الحنة فيد نورسين و ابتاسم مد يدو فالفراغ و قال بابتسامة حنونة ...جبل: أنشوف الحنة واش ممكن ؟؟نورسين حركات راسها بالايجاب و حطات يديها اللي فيها الحنة فوق من يدو اللي مطلوقة و كتصرط فريقها غير بزز هو خاصو غير اللي فرصة باش يلمسها و يتحسس الجسد ديالها ...جبل: جاتك زوينة بزاف بصحتكنورسين خطفات يديها من يديه بسرعة و ابتاسمت ...نورسين: شكرا الله يعطيك صحةجبل حس بيها باغا تغادر و هو يخوي ليها طريق و قال مع ابتسامة حنونة ...جبل : تفضلي