قصة جبل - نورسين ( بالدارجة المغربية )

💛 الفصل 81💛

جبل نورسينالجزء 405 :بينما على طاولة الإفطار جبل رشف من القهوة و ضور وجهو كيشوف فالباب لعل و عسى تجي نورسين بعدما مشات تغسل وجهها ساعة ما بان عليها حتى خبار الشيئ اللي شغل بالو فإضطر أنه ينوض من بلاصتو باش يطمئن عليها و يرتاح قلبو و لكن صوت ياسمين وقفو ...ياسمين : فين غادي أولدي جلس تكمل فطوركجبل: نورسين تعطلتعبد المالك: خلي البنت على خاطرها ماشي وحدة صغيرة باش تبقا تابعها فاش غاتحس براسها مرتاحة هي غاتجي رخف عليها اولدي و رخف على راسك شوية الله يرضي عليكجبل رجع جلس و كيسمع لكلام جدو و دخلات فالحوار ياسمين ...ياسمين : غير قولي أولدي علاش ما باغيش تفركع رمانة و ترتاح بغيت غير نفهم واش صعيب تقولها انا باغيك للحلال أبنت ناس واش تقبلي تزوجي بيا شي حاجة بسيطة زعما ما غاتاخدش ليك حتى جوج دقايق منها ترتاح و منها ترتاح ديك البنت اللي ما عارفة راسها من رجليها على الأقل على الأقل قولها بلي جدي و جداتي عجبتيهم و بغاوك ليا هدا أضعف الإيمان ديك البنت غاتخليها معلقة ما عارفة لا واش كتبغيها لا واش كتعجبك لا واش حتى حاجة حتى تنفر منك ديال بصح و ديك ساعة فكها يا من وحلتيها متافقة معاك داكشي اللي عشتي ماشي ساهل و لكن الماضي ديالك راه ما عندو فاش يآديها ...جبل قاطع ياسمين بحدة فصوتو طالع ليه دم ما كيحملش يهضر فهاد الموضوع ديال الاعتراف حيت عارف عقلية نورسين الحالية ماصالحاش فأنها تبغيه حيت مزال ما كتبغيه ديال بصح مزال عندها الفراق بحال جغيمة د الما و فاش غاتعرف الماضي ديالو و ديك ساعة ما غاترحموش خاصة أنها نص عقل بلا ما ندخلو فالتفاصيل ديال أن هو مطبوع ليه فبالو صورة القاتل الشيطان و هي صورة الملاك ...جبل: مريض عندي عقد نفسية متافق معاكم ابتلاء من عند الله انا هاكا داير عارف راسي و لكن باش نعتارف ليها بلي كانبغيها ماشي وقتو و هي كلمة جوج تقولك الله يعاون بلا ما ندخل فتفاصيل الا عرفاتني قتلت و انا فعمري عشر سنين برب الكعبة حتى تقولي الله يعاون نورسين عاجنها بيدي و عارف كيفاش كتفكر دغيا كاتاخد موقف دغيا كتسمح و تخلى و انا هادشي ما مسلكنيش معاها الا ما رجعاتش مريضة بيا كيفما انا مريض بيها و الله بالحلوف حتى تفارق معايا و انا هاد الكلمة بالضبط غير كنسمعها كنمرض فما بالك الا خلاتني انا عارف شنو كندير عارف كيفاش نخليها توصل لدرجة الحب اللي انا باغيها توصلها نهار نشوفها رجعات مريضة بيا كيفما انا مريض بيها و نهار غانعرف بلي هي ما غاتجيش و تقولي جبل الله يعاون ديك ساعة غانعتارف ليها على راس و العين اما حاليا ماشي وقتويعقوب قاطعو بجدية ...يعقوب : و برب الجليل حتى نتا مسوطي و غاتسوطينا معاك عندك شي أفكار غابرين نتا باش عرفتيها غاتخلى عليك مالك كتعلم الغيب استغفر الله العلي العظيم ما تبقاش توهم راسك بشي حوايج ما كاينينش الله يرحم الواليدين حنا كنشوفوك معدب ما بغيناكش تبقى هاكاجبل : بقوة ما انا كنبغيها و كنعشق التراب اللي كتمشي عليه عرفتها حفظتها و ماغاتجيوش نتوما توريوني شنو غاندير الأمور اللي ما كتشوفوهمش نتوما انا كنشوفهم و عارفهم و ساليناناض وقف و انصارف من صال أمونجي معصب خرج من الفيلا و زدح الباب جبد ڭارو شعلو و هو يقشع كاميليا مزالها واقفة حدا طوموبيلتها كتكمي و هازة تيليفونها اتاجه لعندها ببطئ هاز السيجارة فيدو حتى وقف اونفاص معاها ...حسات بالظل ديالو الشيئ اللي خلاها تهز راسها بمجرد ما شافتو اتاسعت ابتاسمتها و قالت بصوتها الأنثوي المحلون ...كاميليا :جبلجبل : شنو مزال كاديري هنا ؟؟كاميليا ربعات يديها و جاوباتو مع نظرات إغراءكاميليا : كنظن هادي دار ديال جدي و جداتي حتى انا و من حقي نجي نشوفهم أو لا ؟؟جبل بقا ساكت كيشوف فيها مدة من زمن حتى نطق بكل برودة مع نظرات عصبية فعينيه...جبل: من اللخر ما عيتيش من هاد الدل اللي نتي فيه هضرت معاك بالخاطر هضرت معاك بالغوات الا كنتي كتبغيني ديال بصح نساي عليك شي حاجة سميتها جبل أنا كنشوفك ختي لحد الآن داير بوجه الصحبة اللي كانت بيناتنا و بوجه العائلة خلينا زوينين بلا ما تخليني نخسر معاك حيت لعبي خايب و ما يصالحش ليككاميليا خطات خطوة أمامو حتى تقابل وجهها مع وجهو و ابتاسمت بحقد و تجرأت و حطات يديها من ورا عنقو و قالت بنظرات أنثوية مغرية جدا مع صوتها المحلون ...كاميليا : نتا دابا بحال كتقولي ما تنفسيشفنفس الأثناء كانت واقفة نورسين حدا نافدة البيت و شافت المنظر اللي زاد على ما بيها يد كاميليا اللي محطوطة ورا عنق جبل و نظراتها ليه حرقاتها و عصرات قلبها تعصار صرطات ريقها بصعوبة كأنها كتصرط سم ماشي ريق غصة فحلقها ألم رهيب كتحس بيه فكامل جسدها كأنها كتحرق و هي حية زدحات السرجم و اتاجهت لسريرها جلسات و غمضات عينيها كتحس بدموعها سايلين من خدها لعل و عسى يطفيو هاد نار الحارقة اللي اجتاحت كامل جسدها ....