قصة جبل - نورسين ( بالدارجة المغربية )

💛 الفصل 51 💛

جبل نورسين الجزء 237 :نورسين طرطقات عينيها فسارة بينما الآخرين كلهم غلباتهم الضحكة ما قدروش يستروها حتى جبل ضحك من قلبو على كلام سارة اللي جاه على قلبو بإستثناء جوهرة اللي دايرة رجل على رجل ما حاملاهمش حيت دايرين هادشي كامل على نورسين و كيف كيهضرو معاها و يضحكو معاها باينة عليهم مفاهمين حتى من جبل كايبغيها غاتموت بالحقد و الحسد ما كرهاتش لو كانت مكانها و تحضى حتى هي بهاد الإهتمام من طرفهم كاملين غريب امر بعض البشر كيحسدوك و يغيرو منك على حوايج بسيطة حتى من داك شوية ديال الضو اللي عندك فحياتك ما عارفينش نتا شنو كتقاسي و السواد اللي عايش فيه حتى ديك الشعلة ديال الفرحة المؤقتة اللي كتظهر فحياتك ما يكرهوش يطفيوها مع الأسف هدا هو حال الكثير من البشر ...يعقوب جاوب سارة بمرح ...يعقوب : أحضي عمك جبل لا تطير ليك بيه راه سيدة باغا تزوجسارة : اللي قربات لعمو جبل تموت و أصلن هو ما غايبغيش يتزوج بيها ما يقدرش يخونيسلمى جاوبات سارة بطريقة ماكرة ...سلمى : و دابا يعجبك الحال تخلي عمك جبل سينغل مسكين ؟يعقوب : دابا نتي خاصك سنين طويلة باش تكبري و هو مسكين ديجا كبير و الا بقى كيتسنا فيك حتى تكبري غايشرف و تقدري نتي فاش تكبري يبان ليك ما أحسن منو و تصدقي نتي مكركباه و تخونيه اللهم خلي سيد يتزوجسارة : [ هزات كتافها ] لا ما غانتخلاش عليه واخا يشرف و en plus de tous ça هو ما شكاش عليكمسلمى : انا فنظري غير تخلاي عليه و خلي نورسين تخطفو ليكسارة التافتت عند سلمى مصغرة عينيها و جاوباتها بدكاء ...سارة : إلا كنتي باغا تضبري لصاحبتك على راجل شوفي ليها مع حد أخور انا راه ما غانتخلاش على عمو جبلنورسين بقات غير مصدومة من كلام سارة و كيف كتهضر و تفكرات المقولة ديال ماماها فاش كانت تقولها هاد جيل جيل قيمش ما يحشم ما يرمش و الله ماكدبات مزال لاصقة فالأرض و الهضور ديالها تسكت بيهم دوار ....بينما جبل غير ساكت و كيسمع لكلام سارة حتى هو مستمتع كتعجبو سارة واخا عارفها هضيراتها اكبر من عمرها و لكن عارفها دكية بزااف ما تديرهاش بيها طالعة ماضية و من فوق هادشي كامل كاتجيه غير نورسين فاش كانت صغيرة حتى هي كانت بحالها كيتشابهو فشكل و شخصية و اي حاجة كتدكرو بيها كتجيه على قلبو كي العسيلة جنونو بيها خلاه يتعلق بأي حاجة بحالها ...نورسين شافت فسلمى و نطقات بعفوية باغا تفقص سارة ...نورسين: لا صافي انا غانتخلى ليها على جبل غانشوف مع شي واحد اخور نخطفويعقوب : هههه صافي دغيا إستسلمتينورسين جاوبات يعقوب رافعة يديها للفوق كدليل على إستسلامها ...نورسين: انا كنحط سلاحي صافيجبل شاف فنورسين و جاوبها أخيرا بصوتو الرجولي بمزاح ...جبل : نوغمالمون خاصك تقاتلي معاها حتى لتالي ماضنيتكش هاكا دغيا كطيحي من اول ضربةنورسين تلفتات و شافت فيه و ببراءة فعيونها آسرات قلبو جاوباتو مع إبتسامة ...نورسين: سارة عندها الفرادى و أنا ما عندي والو كي ندير نخطفك دابا ؟؟جبل غمزها و قال بصوتو الأجش الحنون ...جبل : أنا نعاونك