قصة جبل - نورسين ( بالدارجة المغربية )

💛 الفصل 63💛

جبل نورسين الجزء 310 :نورسين حيدات الكأس من فمها والتافتت شافت فياسمين بقات ثابتة مكانها ماكتحركش الكلام تلف ليها مابقات عارفة لا ماتقدم لا ماتوخر كتحس بمغص فكرشها ودوخة و ضبابة طاحت على عينيها مامثيقاش هادشي اللي كتسمع واش بصح جداتو كتبان ليها نورسين الانسانة المناسبة لجبل و لا غير كيشفقو عليها حيت عائلتها تخلاو عليها و بغاو يستروها و الله ماعارفة شي لعبة حياتها ترونات لدرجة رجعات شاكة بلي هاد الحياة اللي كتعيش فيها مجرد حلم وغاتستيقظ منو فأي لحظة ...بلا ماتشعر ناضت وقفات من مكانها كلهم تلفتو شافو فيها وهي تنطق بتلعثم كأنها طفلة عاد كتعلم الكلام ..نورسين: انا ..انا شبعت الله يخلف غانطلع للفوقعطاتهم بالضهر وغادرات المكان بسرعة خلاتهم كيبتاسمو على تصرفاتها اللي كيبينو قداش هي إنسانة خجولة ...يعقوب:اوا شفتي دابا أ الحاجة هانتي حشمتي لينا درية نوضتيها بلا هواهاعبد المالك شاف فجبل اللي غير ساكت و ساهي ...عبد المالك:ماعوالش نتا تخطب من عندنا البنت شفتك ضارب الطمجبل نقل بصرو لعند جدو وجاوبو بهدوء ...جبل:على ما نرجع من سفر و نخطبها إن شاء اللهياسمين:إينا سفر ؟؟جبل:غانمشي ل Espagne نشوف شركة و نقاد شي امور و نرجعياسمين:الله يسر ليك أ حبيبي ولكن واش اعتارفتي ليها بالحب ديالك و لا مزال ؟؟جبل شاف فجداتو و تنهد بألم بقا ساكت لبضع ثواني عاد جاوبها ...جبل:مزال ماقادرش نعتارف ماغانخرج كلمة كنبغيك من فمي حتى نحس بيها كتبغيني ديال بصح و ماتقدرش تخلى عليا حيت الا مشات من حياتي بعدما لقيتها غانموت و الا طول ربي العمر غانعيش احمق حيت مابقيتش قادر نتحمل هاد الهوس اللي هازو من جيهتها و الله ما بقيت قادر نتحملوياسمين دمعو عينيها حيت حسات بيه مجروح ديال بصح وكيهضر بألم خارج من قلبو لدرجة تخلعات عليه ...ياسمين : أنا خايفة عليك اولدي من هاد الحب باش نجيك لصراحة تعلق ديالك بيها ماشي طبيعي فهاد الحياة ا حبيبي حتى حاجة ما مضمونة تقدر تموت تقدر ما تكونش مكتبة ليك ما تربطش سعداتك بإنسانة سعادتك خاصك تربطها بنفسك فقط باش تعيش مرتاح كلامك خلعني أ ولدي خايفة تطرا ليك شي حاجة بسبابها و نخسرك بما انك خايف تعتارف ليها بالحب ديالك حتى تضمنها بلي ما عمرها تخليك هادشي راه الهبال أ ولدي خاصك تعرف بلي ما كاينة حتى حاجة مضمونة فهاد الحياة و الحب براسو ماشي ثابتعينو حمارو و حاول ما يبينش حيت ماكيحملش يهضر فنقطة ضعفو ...جبل : حاولت نتعالج و لكن العلاج ديالي ما كاينش دوايا هو نورسين عارف راسي ماشي طبيعي و لكن شنو غاندير ابتلاء من عند الله عارف الحب ماشي ثابت و هضرتك كلها عندك فيها صح و لكن بنسبة ليا انا الحب هو الضمانة الوحيدة اللي غاتخليها معايا و حدايا و بجنبي كنخاف عليها من كلشي كنخاف عليها من الموت تخطفها مني كنخاف تكون مامكتابش ليا داكشي علاش كندعي كل ليلة باش ربي يجمعني معاها و يطولنا فالعمر باش نتجمعو مع بعضياتناعبد المالك: و هي غاتقبل تزوج بواحد مامعتارفش ليها بالحب ديالو فنظرك الا تقدمتي ليها غاتقبل عليك ؟؟نطقات سلمى مجاوبة عبد المالك على سؤالو ..سلمى : انا نقنعها أ الحاج و أصلن راه جبل كايعجبها و ماشي بعيد تكون كتبغيه غير هي مزال مؤثرة بالمشكل اللي وقع ليها مع عائلتهاجبل : نهار غانبغي نخطبها غاتوافق حيت عارف شنو كانديرعبد المالك: مادا بينا تزوجها اولدي و نشوفوك هاني معاها و فدارك حتى حنا بغينا نشوفو حفايدكجبل حرك راسو بالايجاب و جاوبو ...جبل: إن شاء غير بصبر كلشي كايتحلناض جبل من فوق الكرسي و حط سارة فبلاصتو حيت كان هازها وعطاهم بالضهر وغادر المكان تارك وراءو عائلتو كايتحسرو على الحالة اللي واصل ليها بسباب العشق ديالو ؛ عبد المالك شاف فيعقوب و قال ...عبد المالك: واش أ يعقوب داك طب نفسي مانفعو فوالو ؟؟يعقوب : [بجدية ] لا مالوغزمون ما نفعو فوالوعبدالمالك : و شنو تشخيص اللي كيديرو لحالتو ؟؟يعقوب : آخر مرة مشا عند طبيبة نفسانية قالت ليه بلي عدم الاعتراف بالحب هو مجرد خوف حيت عندو عقدة نفسية كتسمى عدم الاستحقاق هاد عدم الاستحقاق كيخليه يشعر بلي هو ماكيستحقش نورسين تبغيه حيت هو عند بالو هي ملاك و هو شيطان حيت هو مامتصالحش مع داتو بكل بساطة مازال كيشوف راسو قتال نهار غايتخلص من هاد العقدة وغايعرف بلي هو مجرد إنسان طبيعي ماشي شيطان وماشي قتال و لا ممكن نهار يشوف نورسين كتبغيه بنفس درجة اللي كيحبها بيها يعني نهار الملاك غايحب شيطان ديك ساعة ممكن يعتارف أما دابا ما كنظنشياسمين : [تنهدات ] الله ياخد الحق فسعيد و عائلتو هما سبابو حتى وصل لهاد الحالة كن كان معانا ماكانش غايوصل لهادشيعبد المالك : [طبطب على يد ياسمين ] مكتاب الله كيتصرف ما عندنا ما نديرو