قصة جبل - نورسين ( بالدارجة المغربية )

💛 الفصل التاسع💛

جبل نورسين الفصل 2: هوسي أنت يا حبيبتيالجزء 50 :نورسين ربعات يديها و شافت فيه واحد الشوفة ديال التحدي و قالت بغرور ..نورسين: شنو زعما يصحابلك غادي نرجع ليك بهاد تصرفات ولا كيفاش كتحاول زعما تؤثر عليا بكلامكجبل ابتاسم و قال ببرودة ....جبل: نتي ديالي من اللول علاش غادي نرجعك ؟؟؟نورسين نطقات سميتو تحت سنانها بقوة الاعصاب ...نورسين : جببببببلجبل حط يدو على خدها و كيمرر اناملو عليه بحنان و قال ...جبل: نعام أروح جبل و قلبو و حياتو كاملة كتعجبك سميتي بزااف ياك عاوديها نسمعهاحنى راسو و حشاه فعنقها قبلها ببطئ حتى بورش لحمها و رجع بعد عليها و شاف ليها فعويناتها و قال بصوت خافت و عيون نايمة بحر الإشتياق ...جبل: توحشتك ابنت قلبي و الله العلي العظيم حتى توحشتك بزاف علاش ما باغاش ترحمينينورسين بقات كتشوف فيه مدة حتى تغرغروا عينيها بدموع سرطات ريقها بصعوبة ولكن حاولات ما تنزل حتى دمعة تجرأت و دفعتوا بصبعانها وقالت بصوت متقطع ....نورسين: ب... باركة ما تعدب فيا و فراسك صافي ما بقيتش باغاك اجبل و ما بقيتش كنبغيك شنو ما فهمتيش فهاد الجملةجبل: ولكن عينيك كيكدبو نتي باغاني كيفما انا باغيكنورسين طال سكاتها و فالأخير طلقات عليه رصاصة قاتلة بكلامها الجارح ....نورسين: واخا يقتلوني ما غاديش نرجع ليك سمعتيعلى اثر جملتها الاخيرة قلبو تزير عليه كتخنقو بكلامها لدرجة ما كيبقاش قادر يطلع النفس ضرو خاطرو بزاف من هادشي اللي وصلو ليه علاش كتبغي ديما تعدبوا معاها هو مايستاهلش هادشي اللي كدير فيه...جبل بغا يجاوبها و هي تعطس عطسة مورا عطسة و سعلات بقوة و فالاخير حطات يديها على راسها كتحس بيه كيعطيها الحريقنورسين: اييي ...جبل تخلع عليها و حط يدو على درعانها بجوج بسرعة و قال بإهتمام ...جبل: نورسين مالك ؟نورسين: ضربني البرد سير نتا دابا خليني بوحديجبل حط جبينو على جبينها غمض عينو و قال بحزن ممزوج بحنان ....جبل : مرضات ليا بنتي ما نقدرش نمشي و نخليك بهاد الحالةنورسين انفاسها تسارعوا اكثر و اكثر على اثر هاد الجملة الاخيرة و قلبها نبض بسرعة كبيرة هزات راسها و شافت فعينيه مباشرة و دلات شنيفاتها و سالت دمعة من عينيها ما يمكنش يكون جبل وحش هو عمرو ما كان وحش هو من ديما حنين فيها و خصوصا هاد الجملة الاخيرة اللي قالها حسات بشي صوت فداخل ديالها كيقولها بلي كلشي كدوب هو ما عمرو ما كان قبيح و مااايمكنش يرجع قبيح ...ما كدخلش ليها لدماغها ولكن غير كتفكر الهضرة ديال كاميليا و الادلة اللي جابت ليها كتراجع على كلامها و تقول بلي بصح هو احمق و مريض و هادشي كامل غير كدوب لذلك بعدات عليه و حسات بضبابة نزلات على عينيها و كأنها بدات كتفقد توازنها كانت غا طيح لارض و لكن سرعان ما مسكها جبل من خصرها ....قلبو غادي يسكت بالخوف ، تخلع عليها بزاااف النفس ما بقاش قادر يطلعوا و عضلاتو تزيرو عليه لذلك وضع يدو على خدها كيمرر صبعو الابهام عليه برفق و قالجبل: باش كتحسي أ حبييي جاوبينينورسين استسلمات و حطات راسها اللي كتحس بيه ثقيل على كتفو و قالت بتعب ...نورسين: دوخة ، فيا الدوخة و راسي كيضرني بزافجبل مرر يدو على ضهرها برفق و قال بخوف ...جبل : غانبقى معاك حتى تبراينورسين نطقات بتعب ...نورسين: ما تخلينيش عفاكجبل باسها فراسها و قال بابتسامة.....جبل : و فين عمري تخليت عليك