قصة جبل - نورسين ( بالدارجة المغربية )

💛 الفصل 64💛

جبل نورسين الجزء 315 :حل الباب و خرج بغا يهبط فالدروج و هو يحس بنورسين من موراه التافت شاف فيها و هي تنطق ...نورسين: غانهبط عند سلمىجبل خوا ليها طريق و هبطات هي الأولى و هو تبعها كيتأمل فيها من جديد كي المجنون حبو ليها غايسطيه كايبان ليه غير يكاليها مع شي حيط ما يطلقش منها يبرد شوقو اتجاهها غير شوية ما قادرش يغادر و ما يضمهاش و الله ما قادر قدما بقا غايحماق مع نورسين فوقاش تفك العقدة ديال لسانو و يعتارف ليها فوقاش تطيح فغرامو و يعيش معاها فالحلال فوقاش يلامس ثغرو ثغرها فوقاش يلمس جسمها و يمارس عليها طقوس الحب كاتبقى اماني باغي يوصل ليها و كأنه حلم مستحيل بالنسبة ليه واخا فالأصل شي حاجة اللي غايقدر يديرها بسهولة و لكن هو ما كيشوفش الأشياء بمنظور ناس عندو منظور خاص بيه متؤثر بعقد نفسية و طفولتو لاعبة عليه مزيان ...حتى وصلو لطابق السفلي لقاو سلمى جالسة مع يعقوب حاطيين صينية ديال اتاي مع الفاكية مدوزين بيها جلستهم ...نورسين وقفات عليهم هي الاولى و قالت بصوتها الانثوي بعفوية ..نورسين: سلام عليكميعقوب تلفت لعندها هو و سلمى و قال ...يعقوب : أهلن أ هلن بلالا نورسين جابك الله تسكتي هاد صاحبتكنورسين جلسات فوق الفوتوي اونفاص لسلمى و يعقوب و قالت بتفاجئ...نورسين: مالكم ياك لابسدخل جبل و جلس حدا نورسين و قال بصوتو الرجولي الأجش ...جبل: من دابا شوية خاصنا نمشيو وجد راسك أ يعقوبسلمى غير سمعات كلام جبل تحشات فيعقوب معنقاه و قالت بحزن ...سلمى : حرام عليك أجبل غاتدي ليا حبي غانتوحشو و الله ؛ semaine كاملة غاتغبرو فيها اااو ما قالوش ليك الحب صعيب و الربطة زغبية و نتا زعما مجرب الحب و عارفو شحال قاصح خلي ليا يعقوب و سير نتابغاو يجاوبها جبل و هي تنطق نورسين فعوطو كمحاولة منها تهدن صديقتها ...نورسين: راه أ سلمى ما غايمشيش يلعب غايمشي غير الخدمة و يقادو أمورو و يرجع الله يهديكسلمى مسحات دمعة اللي نزلات من عينيها و جاوباتها و هي محشية فيعقوب ...سلمى : عقلي على هضرتك أ شنيولة نهار تحبي ديال بصح و يبغي يمشي راجلك لشي قنت و يخليك و نشوفو ديك ساعة و الله حتى نتشفى فيك و عقلي على هضرتييعقوب : [شاف فنورسين ] ما تديش عليها مسكينة راه غير الهرمونات لاعبين عليها [ مرر يدو على دراع سلمى ] وااا الحمقة اللي سمعك يقول غير نتي اللي مخطوبة الله يهديك ما غانمشيش نلعب خلاتها نورسين غانمشي نخدم و نرجع مالك ديما خاصك ديري لينا العصا فالرويضة مالك ...ما خلاتوش حتى يكمل كلامو و هي تنوض من حضنو كتغوت كي المجنونة ....سلمى : يااك انا نيت اللي مدلولة جالسة نبكي عليك حيت غانتوحشك اما نتا فرحان حيت غاتمشي تخضر ليا عويناتك فشهبات و سمرات و طويلات و رقيقاتيعقوب : [حط يدو على صدرو ] دابا ما كثيقيش فيا أ حبيبةسلمى : [بعصبية ] لا ثقة فولاد عتيقةيعقوب حرك راسو راسو بنفي و قال مطلع عليها طوبية كيعجبو يجننها باش يشوف غيرتها عليه ...يعقوب : انا مي الله يرحمها ما سميتهاش عتيقةسلمى هزات صبعها سبابة فوجه يعقوب بتحدير و قالت بصوتها الانثوي الرقيق اللي فاش كتصرخ كيولي مزعج مضر بالادنين ...سلمى : شوف اللولة و الله و الثانية و الله و الثالثة و الله و نسمع عليك درتي هاه و لا هاه يا حتى نقتلكيعقوب : و ترضاي تدخلي للحبس على قبل خائن غدار أناني جبار هههههسلمى : الواحد يموت على ولادو و على بلادويعقوب : و دابا واش نتي بعقلك ڭاع الا مشيت حتى درت هاه و لا هاه نتي تبارك الله غزالة و فنيونة و قطيوطة تجيبي ما احسن مني أ الكبيدة دياليجرها من حنكها و هي تضرب ليه يديه و قالت بعصبية ...سلمى : شحال من وحدة كتخوني معاه غير ڭر قدام الشهود نتا من هضرتك باين داير ما عليكيعقوب : بصراحة و الله ما كنحسبسلمى غلباتها الضحكة و طولات الشوفة فيعقوب حيت عارفة يعقوب عمرو يخونها و لا يفكر حتى فيها حتى بالضحك غير هي مشكاكة و صافي كتجنن عليه حيت كتبرد فيه الحر ديال انه غايمشي و يخليها غلبوها دموعها و هو يعنقها عندو و مرر يدو على ضهرها و قال بحب ...يعقوب : و صافي أ حبيبي و ما غانتعطلوش بزاف غير semaine ماشي شي حاجةيعقوب هز عينو شاف فجبل و نورسين اللي اونفاص معاهم كيشوفو فيهم مساكن كي اليتامى أصلن جبل مولف كيديرو ليه هاد الفيلم فوقتما كيبغيو يسافرو بينما نورسين مسكينة كتمنى حتى هي تحظى بشي شخص بحال يعقوب و تعيش هاد اللحظات ....يعقوب نطق مطلع عليهم طوبيةيعقوب : سمحو لينا كنخربشو ليكم المشاعر حياة سيلباطير صعيبة غايكونو مشاعركم غملو هههه