قصة جبل - نورسين ( بالدارجة المغربية )

💛💛الموسم الأول - الفصل الأول 💛💛

الموسم الأول : جبل نورسين الجزء: 12019تحلات واحد الطوموبيل من نوع مرسيدس بان واحد الحداء أسود باين من مارك غالية جات الصحافة كتجري لعندو و هادشي إن دل على شيئ ف كيدل على مدى شهرة هاد الشخص ومدى ثراءو فالبلاصة و فلمحة بصر جاو لكارد کيطيرو ما خلاوش الصحافة تقرب ليه ...نزل داك الشخص اللي كان بكامل اناقتو كان لابس كوستيم اسود مع أزرار فأكمام البدلة ديالو حل الصدایف اللولة د القاميجة بان صدرو اللي كان كيملؤو شعيرات خفاف زادو عطاوه جادبية كبيرة و من القامیجة اللي مزيرة عليه باین هاد الشخص عندو عضلات فلادية وهادشي واضح كدلك من الكوستيم اللي غادي يطرطق على صحتو اما البشرة ديالو فهي مبرونزية الشيء اللي عطاه وسامة خطيرةعندو لحية مطراسية مقادة كان لابس نظارات شمسية حيدهوم وطواهوم و علقهم فصدرو بانو عينيه اللي كانو مارون عسلیین وكبار حجبانو معقودين ملامحو صارمة وقف و بدا کیدور عینیه على دوك الصحافة اللي كانت كتهاتف باغی توصلو وهازين لي ميكرو باغيين يهدرو معاه ولكارد کيدفعوهم...صحافي الأول:سي جبل شنو هو سر نجاح ديالك؟صحافي الثاني:واش هادشي راجع لدكائك أو الحظ ديالك؟صحافي الثالت : شنو هو السر اللي خلاك تكون من اشهر رجال الاعمال فالبلاد؟صحافية الرابعة : علاش حياتك العاطفية مخبيها على الناس واش بصح ما عمرك ارتبطتي؟صحافية الخامسة: : السي جبل الإشاعات کیقولو بلي حبيبتك سمحات فيك ممكن تعطينا سبب مقنع؟على إثر هاد الجملة الأخيرة التافت جبل وشاف فيها ربما فکراتو فشي حاجة اللي زعزعات قلبو وکیانو هاد الشخص اللي داير کي الجبل اسم على مسمى اللي كلشي کيضرببيه المثل فنجاحو وقوتو ونفودو اللي ناس كلها كتعتابرو مثال فالنجاح و رجال الأعمال کیشوفوه بمثابة قدوة فمجال البيزنس اما الناس اللي ثأثرو بقصة نجاحو ولاو کیکتبوا عليه فالمجلات والصحف وديما أساتذة علم النفس و دكاترة التنمية البشرية كيعطيو قصة نجاحو كمثال باش يؤثرو إيجابيا على الطلبة أو الجيل الصاعد من خلالها ،معقول تكون كلمة حب کتزعزوا وكتحرك کیانو لهاد الدرجة علاش فاش سمع جملة*حبيبتك سمحت فيك * بدات تتكرر فودنو علاش حسبالعرق کینزل على وجهو علاش حس بالخنقة وصدرو بدا كيطلع وینزل و عضلات صدرو تزيروا عليه والغريب فالامر عينيه حمارو و بداو كيلمعو كأن سحابة دموع تشكلات فعينو معقول يكون كايبكي على بنت ؟؟ دیما کیسولوه هاد السؤال اللي كيألمو و کيفكروا فيها علاش؟؟؟ واش ممکن تكون سمحات فيه بصح ولا غير إشاعات وهوما ما عارفينش الحقيقة ؟ يا اسفاه شحال من مرة الإنسان كيجرح الآخر بلا ما يحس...جبل: حياتي الشخصية والعاطفية ما سوق حتى واحد فيها خليكم غير فحياتي المهنية وآخر مرة تبعوني وتوقفوا حدا داري إلا بغيتوني نجاوبكم على أسئلتكم نظموا ملتقى صحافي وانا رهن الإشارة ماشي انا اللي غادي نوريكم خدمتكمتقدم بخطوات ثابتة ولكارد محاصرينو من كل جهة حتى دخل للفيلا دیالو اللي كانت صغيرة ولكن بتصميم راقي من خلال دارو باین انسان متواضع جدا دخل لبيتو حید la veste اللي كان لابس وعلقها..وجهوا باين عليه تعب و عياء كبيررر و كبيير بزاف واش ممكن الحب والعشق يدير فيه هاد الحالة ؟؟ جلس فوق الفوتوي وشد على راسو بیدیه باين انه خدا حقو من الحزن من دنيا بما فيه الكفاية حتى أصبحت علامات تعاسة و شقاء باينة على ملامح وجهو الوسيمة حل واحد الخزانة اللي كانت عامرة باغلى أنواع الخمورحل قنينة النبيد وخاوها فالكاس اللي کیکون مخصص لمثل هاد النوع من المشروبات هز الكأس وهبط لجردة د الفيلا ديالو اللي كانت كبيرة بزاف وكلها أشجار ولكن الغريب فالامر أن الأشجار اللي كاينين كلهم من نفس النوع الليلك اللي كانو زهورها فلون البنفسجي...جبل وقف حدا شجرة من دوك الأشجار و بقا کيشوف فيها تارة كيتأمل فيها و تارة أخرى تايشرب من كأس نبيذ اللي فيدو ...ابتاسم تلقائيا وهو كیشوف فالشجرة اللي کتبعثإحساس براحة وطمأنينة بالنسبة ليه لانه بمجرد ما وقف حداها ملامح وجهو تبدلو لفرح و بهجة و سرو ما بقاش تعب باين على ملاميحو ...يمكن تكون كتشبه لشي شخص كان فحياتو و عندو معاها قصة ؟؟ ولكن الغريب فالأمر کینزلو الدموع من عينو فوقتما يوقف حداها علاش؟؟..واش هاد الإنسان غالي على قلبو حتى لهاد الدرجة شكون هو هاد الشخص اللي غادي يخلي الدموع ديالو يطيحوا خصوصا شخص بحال جبل اسم على مسمی هدا إن دل على شيئ كيدل على أن هاد الشخص نقطة ضعف جبل الإبراهيمي ..ابتاسم فوسط دموعو وقال بصوت همس ما مسموعش كأنه كيناجي شخص اللي موصلو لهاد الحالة ...جبل:ملاكي الطاهر