قصة جبل - نورسين ( بالدارجة المغربية )

💛 الفصل 25 💛

جبل نورسين الفصل 2: هوسي أنت يا حبيبتيالجزء 159 :نورسين هزات يديها و قالت ...نورسين : خمسة فعينيك ياااربي تحفظنا من العين ياربي ، بعدي مني ياك عندك يعقوب ديها فيه حتى هو حنين و رومانسي و كيتجوانطا عليك و زيدي عليها روفيكس اش بغيتي واما انا احبيبة داكشي اللي بيني و بين جبل هاااح صعيييب عليكم تفهموهسلمى : اوا باز ياختي وجهك صحيححولات نظراتها شافت فجوهرة اللي كضحك على كلامهم و نطقات ...سلمى: جوهرة دوزي تهبطي قداامي راه داك سيهم رشيد من قبيلة و هو يسول فيك وجالس و كيترعد بحال فيه السخانةجوهرة : بصح توحشتو حتى انا حشمانة نهبط و اللهسلمى جراتها من يديها و قالت بمزاح ...سلمى :زيدي قدامي قالك حشمانة كوني مقزدرة بحالنا اللي حشموا ماتوجراتها حتى وصلو الباب و رجعات تلفتات سلمى شافت فنورسين و نطقات ....سلمى: و نتي ما عوالاش تهبطينورسين : هانا جاية غير سبقونيسلمى : و غادي يسولني عليك داك راجل اللي عطاك اللهنورسين : قولو دابا تجي غير سيري نتي جوهرةانصارفت سلمى و جوهرة و بقات نورسين فالبيت كتشوف فديك الكسوة اللي فيديها و كضحك جاية نازلة على الكتاف وواسعة و مشبكة ستيلها واعر بحال ديال الاميرات لبساتها نورسين و شافت راسها فالمراية اللي جاية بشكل طولي جاتها فنة و عطاتها منظر ملكي راقي طلقات شعرها و وضعات مايكاب خفيف على بشرتها كيفما ديما ما فيها اللي يجبد صداع مع جبل رمقات نفسها بنظرات إعجاب و قالت مع نفسها ....نورسين : ما نعرفت كيفاش غادي تكون ردة فعلو فاش يشوفني تيتيز ديالي عنداك يمشي يغوت عليا لا لا جبيلو ما عمرو رفع صوتو عليا لا واقيلة غانعجبوا و دابا كي ندير نهبط اوووف كنحشم اشداني نلبس هاد الكسوة كاعحلات الباب غير بشوية و هازة صباط ديال طالون فرجليها باش ما تديرش صداع هبطات بخطوات بطيئة حتى وصلات لسفلي و تخبعات من مور الحيط كيبانلها جبل جالس و داير رجل على رجل و كيتكلم بكل ثقة فالنفس و هوما كيستامعو ليه و باينة فيهم كلهم كيحتارموه و كيقدروه فكل مرة كتزيد تفتاخر بيه و كتزيد تفرح حيت عطاها الله شخص بحالو كاامل مكمول لذلك ما شعرات بنفسها حتى نطقات بهمس و الابتسامة مرسومة على ثغرها ....نورسين : دبدوبي اتاجهت نورسين للكوزينة باش تشرب وهي تلمح سلمى جالسة كتصوب القهوة لذلك قالت ...نورسين : سلمىسلمى التافت عندها شافت فيها و حطات يديها على فمها و شهقات بمجرد ما شافت إطلالتها .. و نطقات ..سلمى : اش هاد الجمال اختي مشاء الله تبارك الله عليكنورسين ضارت بطفولية على نفسها و قالت ...نورسين: كيف جيتكسلمى : جيتي كاتحمقي ياختي تيتييزة مع راسك هههنورسين : طلعتي ليا المعنوياتسلمى : جبل الا شافك اليوم يحماق ههه و فاش هبطنا بلا بيك دارنا الاستنطاق قالنا ياكما كضرها شي حاجة ياكما عندها شي مشكل ياكما محتاجة شي حاجة يا ختي ياختي على عصافير الحب جايين مع بعضياتكم كنحماق عليكم انانورسين : حتى انا كنحماق عليك نتي و داك روفيكس ديال يعقوب اجي بعدا اش كديري نتي فالكوزينة علاش كتصوبي القهوة على حد علمي حنا مغاربة كنشربوا اتاي اولاسلمى : اوا يا ختي كلشي بغا القهوة نضت على سعدي ووعدي كنصوبها حيت يعقوب كتعجبوا من يدي ما بغيتش نخلي الخدامة تقيص فيهانورسين : انا كنشوف تواركة اللي كيديروا هاد القضيةبقات ساكتة و كتشوف فسلمى و حتى سلمى بقات كتشوف فيها بنظرات ما مفهوميناش فجأة ابتاسمو بشر مع بعضهم البعض ....نورسين: هل تفكرين فيما افكر يا عزيزتي ؟؟سلمى حركات راسها بالايجاب و قالت بشر ....سلمى: بطبيعة الحال غادي نديروها لرشيدنورسين : صافي مشات