قصة جبل - نورسين ( بالدارجة المغربية )

💛 الفصل 105💛

جبل نورسينالجزء 549 :جبل حط يدو على الكاحل ديالها و بالضبط فداك العظم اللي كيكون خارج فالرجل كيحرك صبعانو عليه بطريقة دائرية نورسين غير كتشوف فيه و تبكي ما عارفة كيف دير تصالحو ما بقات عارفة ما تقول ليه عيات طلب سماحة منو و هو ما بغاش يسمع ليها بل كيزيد يعدبها أكثر و أكثر يكفي أنه ما كايشوفش فيها و ما كيهضرش معاها كيف ما موالف رغم أن حنانو عليها ما قادرش يخفيه و لكن غضبو منها واضح وضوح الشمس .....نورسين بقات ساكتة حتى قالت بحزن كتشوف فيه ...نورسين: جبل عفاك ما تديرش ليا هاكا حرام عليك واش انا كنت عارفة غانوصل لهاد المواصل حنا كنا باغيين غير نفوجوجبل هز عينو ببطئ شاف فيها و قال بهدوء مع ملامح جامدة ...جبل:مزال رجليك كضرك.؟؟؟نورسين غمضات عينيها و حلاتهم بنفاد صبر و قالت بعصبية ...نورسين: انا كانهضر فالشرق ونتا كتهضر فالغرب و الله ما نعاود نخرج بلا خبارك و لا نمشي لشي بلاصة خطيرة غير سمح ليا عفاكجبل جاوبها بنفس الهدوء كيتلاعب على أعصابها ...جبل : تقدري تنوضي و لا نهزك ؟؟؟نورسين كشرات ملامح وجهها بقات ساكتة كتشوف فيه لبضع ثواني حتى نطقات ...نورسين: منين مقلق مني و ما باغيش تسامحني علاش كتصرف معايا بهاد الطريقة علاش مزال كتحن علياجبل بقا ساكت لبضع ثواني و قال فالأخير موجه نظراتو لنورسين ....جبل : عرفتي علاش بستك هناحط يدو على العظم ديال رجليها الملتوية فحين نورسين حركات راسها بنفي بينما جبل حرك أصابعو على مكان إصابتها كأنه كيعمل ليها ماساج و قال بابتسامة بريئة جميلة جدا واضح أنه تفكر أعز انسانة على قلبو من بعد نورسين ...جبل : فاش كنت صغير طحت فالارض و تلوات ليا رجلي و ليلى اللي هي المربية ديالي باستني فنفس البلاصة اللي بستك فيها و كنت ديما فاش كنتجرح و لا كنتقصح كتبوسني فالبلاصة اللي كضرني و ما كنتش كنفهم علاش حتى لواحد نهار سولتها و عرفتي باش جاوباتني ؟؟؟نورسين حركات راسها بنفي فحين جبل تنهد و قال بهدوء ....جبل : الألم ما كيقضي عليه غير الحب شحال من واحد كيكون كيبكي فاش كتعنقو و لا فاش كتبوسو كينسى الحزن اللي كان فقلبو و هادشي اللي كانت كطبق ليلى الله يرحمها و خلاتها فيا عادة فاش كنشوف شي حد كيبكي و لا مقصح من شي حاجة كنطبق نصيحتها اي حاجة زرعاتها فيا ليلى الله يرحمها ما قادرش نساها يعني الحنان و الحب و انني نعطف على ناس تربيت عليه شي حاجة فيا لداخل من صغر اللي ما نقدرش نحيدها مسجلة فلاوعي ديالي ما تبقايش تخلطي الامور و كيف ديجا قلت ليك انا كابر هاكا على الاحترام الحب التقدير لناس شي حاجة اللي ما نقدرش نخبعها حيت انا داير هاكا واخا مقلق منك الحنان اللي فيا لداخل مصالح معاك و مع البشر كلها نتمنى نكون فهمتك شكون أناوقف جبل من الارض فحين نورسين بقات كتشوف فيه و حتى جبل بقا ساكت كيشوف فيها ؛ عرف راسو غمق عليها ديال بصح و غاتضن بلي هو هاكا مع ناس كلها و داك الحنان اللي كيبينو ليها فهو طبع فيه و بصح ما كدبش عليها و لكن الحنان ديالو معاها خاص ليها بوحدها و لكن هاد المرة نورسين بقات كتشوف فيه و كتفكر باش تجاوبو فحين جبل حنى و حط يدو من مور ضهرها و يد من تحت ركابيها و هزها بين أحضانو بلطف بينما نورسين حسات بقلبها نبضاتو تضاعفو بطريقة فضيعة ابتاسمت جنب و قررات تقرب منو فلذلك حطات يديها بجوج من مور عنقو فحين جبل بمجرد ما يدها لامست جسدو صرط ريقو بصعوبة و توتر و لكن ما بغاش يبين و خطا خطوات للامام موجه نظراتو للامام مباشرة ما كيشوفش فيها فحين نورسين كتشوف فيه و بقات ساكتة لبضع ثواني حتى نطقات ...نورسين: كنظن نتا ما ضريفش مع ناس كلها كيفما كتقولجبل ابتاسم بخفة و قال بهدوء ما كيشوفش فيها موجه نظراتو للامام ...جبل : عندك شي دليل على هضرتك ؟؟نورسين: بطبيعة الحال عندي ما كنتش غانحط عليك اتهام خطير بحال هدا لو ما كانش عندي دليلجبل : شنو هو ؟؟نورسين: كن كنتي ضريف مع الجميع ما كنتيش غادي دافع عليا بديك طريقة القوية قدام عائلتي و تصرفق كنزة ختي و توقف قدام بابا و ماما و تهضر بديك الشراسة كلها كن كنتي ضريف ما غاديش تشنق على ربيع قدام عيني و كن كنتي بصح ضريف ما كنتيش تخرج مع جوري و يعقوب و تخليني انا و سلمى فدار رغم انني رغبتك باش تخرجني بالعكس شكون قالك نتا ضريف نتا قاصحجبل عض على شنايفو و كبح ضحكتو بصعوبة ما جاوبهاش حتى وصل لحدا طوموبيلتو حطها لارض وقفات على رجليها و حل باب سيارتو الفيراري و قال بهدوء ...جبل : طلعينورسين نطقات بطفولية بريئة قصد أنه يسامحها ...نورسين: و خايب من الفوق حيت ما بغيتيش تسامحني يالاهطلقات لسانها كأنها تغيظه الشيئ اللي خلا جبل يضحك على فعلتها و لكن فالبلاصة جمعها و اشار بعينو لطوموبيل باش تطلع ...