قصة جبل - نورسين ( بالدارجة المغربية )

💛 الفصل السادس💛

جبل نورسين الفصل 2: هوسي أنت يا حبيبتيالجزء 30 :نورسين تلاشات قوتها بسماع آخر جملة وصلات لمساميعها انهارت غمضات عينيها و حسات بأنفاسها كاتنقاطع وضعات يديها على صدرها حاولت تطلع نفس بصعوبة باش تنفس ما بغاتش يشوفها جبل فهاد الضعف و لكن ما قدراتش سرعان ما بدات كتنهج شفايفها بياضو و وجهها تسحب من اللون ، جبل بمجرد ما لمحها بدات كتخنق صرخ بقوة بدون ما يشعر و كأن قلبو اللي تحكم فيه ....جبل : نورسين غير بشوية عليك عاونوهااضطرات سلمى تنوض باش تجيب ليها بخاخ ربو اللي من ديما كايكون محطوط فأماكن يسهل الوصل إليها خوفا على صحتها ....رجعات سلمى و فيديها بخاخ الربو عاونتها توضعو ففمها باش تستعيد انفاسها ما هي الا ثواني حتى ارتاحت نورسين و رجعات جلسات سلمى مكانها ...فاطمة : ياو غير بشوية عليك ابنيتي الله يرضي عليك براكة ما تفقصي فراسك حتى حاجة ما كتستاهل الله يهديكنورسين نطقات موجهة نظراتها لفاطمة بتعب ....نورسين: ما كاين غير اللي يفقصك أ ماما الله ياخد الحق فلي كان حيلة و سبابجبل عض على شنايفو من سماعو كلام نورسين اللي زاد تراقص على أوجاعو خاصة فاش قالت سارة ببراءة ....سارة:شفتي أعمو جبل طاتي نورسين ولات مريضة بزااف شوف تحت عينيها كيف رجع كحل كدرقوا غير بالمكياج باينة فيها ما كتنعسش مسكينة و مرة مرة كتحس بضيق التنفس و ما كتبقاش قادرة طلع نفس الا ما كانش حداها بخاخ الربو تقدر تخنق و تموت الله يستر ومرة مرة ولات كتسخف و لات عايشة غير بدوايات واقيلة حتى هي ما قدراتش على فراقك أعمو جبلكلام سارة طيح الضيم على الجميع فحين جبل ما بقاش قادر يستحمل و قام من مكانو خلا تيليفونو لجوري تكمل الحوار معاهم فحين هو اتاجه لبالكون شعل سيجارة و صاط دخان من فمو مكون سحابة فالجو ...ماشي ساهل يبعد عليها عامين على قدهم حاس براسو محتاجها كحاجة القرى العطشانة لصلاة الاستسقاء كحاجة المهرج للبكاء كحاجة المهاجر الى الوطن كحاجة المتشرد إلى أسقف و جدران كحاجة المكتئبين لعقاقير الكآبة ...قلبو تجرح بزاااف فؤادو مخرب وغير نورسين اللي عندها دواه غير هي اللي تقدر ترمم داك الخراب اللي دارت ليه .....قلبو تزير عليه هو عارف حالتها كيف ولات و لكن حتى هو كيحس بالعجز من جيهتها هي اللي اختارت الفراق ماشي هو عينيه حمارو و دمعة وقفات على حافة عينو ....فحين جوري نطقات مكملة الحديث مع نورسين عبر شاشة الهاتف ...جوري : الله يشافيك نورسين نتي بخير ؟؟؟نورسين عوجات فمها و مسحات دموع من عينيها و حاولات تهدن واخا ما حاملاش جوري ما كرهاتش تجرها من شاشة و تشتف عليها ....نورسين: الحمد الله يسول فيك الخيرجوري: علاش كيوقع ليك هادشي ؟؟؟؟نورسين قهقات بصوت انثوي و نطقات بغرور ...نورسين : اوا اختي كيقولك الله ينجيك من كحل الراس شي وحدين دخلوا لحياتي و رونوها و قلبوها سفاها على علاها طيحوني فالفراش وهوما جالسين حدا شهبات مفطحين مع راسهم الا ما سمحتش ليهم ما عندهم فين يتساعوا فقبرهم و لكن الله يسامح ما فيا اللي يتلاقاهم نهار الحساااب ما حاملة وجههم حتى فدنيا بقا غير يوم القيامةجبل عض على شنايفو و هو كيسمع كلام نورسين اللي كيمزق داخلو حس بيها تبدلات حقا رجعات كتعطي القاصح و ما كترحمش اشتاق لشخصيتها الطفولية البريئة اللي ما كاتعرفش تآدي ....مرر يدو على لحيتو و رجع لبلاصتو حدا جوري و بمجرد ما شافتو نورسين كحلات بالعما ضورات وجهها ما باغاش تشوف فيه فحين سارة نطقات ....سارة:عمووو جبل فين مشيتي ؟؟؟جبل ابتاسم باستهزاء و قال بحزن ...جبل: ماشي مهمسارة: خالتو جوري فوقاش جيتي ؟؟؟جوري ضورات وجهها شافت فجبل و نطقات بحب ...جوري: جيت عاد دابا جابني جبل ديما كنلقاه بجنبي الله يخليه ليانورسين طلعات من صدرها تنهيدة مؤلمة و حطات سارة فوق سداري و ناضت من المكان ما بقاتش قادرة تستحمل أكثر من هاكا الغيرة و نارها الحارقة كاتكل فيها من لداخل ....دخلات لبيتها و حطات راسها على الباب و كاع دوك دموع اللي كانت خازنة انسابو على خدها اتاجهت لسريرها و تكات فوق منو عنقات دبدوب اللي جاب ليها جبل و قالت بحزن ...نورسين: حرام عليك حسبي الله و نعم الوكيل فيك يا ربي يموت و نلبس عليه البيض و نرتاح ولا هاد العداب اللي داير ليابقات كتبكي حتى غفات فوق سريرها بوجهها المبلل و روحها المكسورة و قلبها المنفطر ....