قصة جبل - نورسين ( بالدارجة المغربية )

💛 الفصل الخامس💛

جبل نورسين الفصل 2: هوسي أنت يا حبيبتيالجزء 24 :بينما نورسين بمجرد ما شافت الأشخاص اللي جاو عندهم او بالأحرى الضياف اللي كيسلمو على ماماها كحلات بالعمى و ضربات على خدها و نطقات بعصبية ...نورسين: ما يمكنشسلمى صغرات عينيها فالضياف و نطقات موجهة كلامها لنورسين ...سلمى: ويلي شكون هادو ؟؟؟نورسين صرطات ريقها و نطقات ...نورسين: هاديك خالتي رابحة و هاداك ولدها و هاديك بنتها يامنةسلمى: [بابتسامة ] كيبانو ضرييفييننورسين شافت فيها و مع ابتسامة مصطنعة نطقات ...نورسين: دابا تشوفي ضرافة ديالهمفاطمة عنقات رابحة ختها اللي جات من العروبية لابسة جلابة فالأخضر مع شان فالصفر و بلغة فاللون الأسود بعدات رابحة على فاطمة و قالت ...رابحة : ياااا خيتي يا خيتي و شحال توحشتك و توحشت نشوف كمارتك أفطووشفاطمة: ياااااا و مرحبا بختي و بنت بويا و مي توحشتك معزتك فقلبي ربي اللي عالم بيهارابحة: ياوكن تشوفي يانافاطمة: نهار كبير هدا زيدو زيدو مرحبا بيكم ياو راني نيت دايرة واحد الݣصعة ديال كسكسو جيتو معاها قد قدرابحة : ههه ياك بعدا اوا الله يخلف عليك و الله يعطيك صحيحتكطلقات منها و عنقها المعطي و قال ...المعطي: خالتي فطوش يا ولابس عليك توحشناك شحال هادي ما شفناكفاطمة طبطبات على كتفو و قالت ....فاطمة:ياو تبارك الله تبارك الله على وليدي يا و توحشتي خالتكالمعطي حادر راسو و كيضحك ببلاهة فحين يامنة حتى هي طارت عليها بتعنيقة ....فاطمة:يا و تبارك الله على يامنة بنيتي حتى نتي كبرتي و زيانيتي تبارك اللهيامنة بعدات عليها و حدرات راسها كتبتاسم بخجل و قالت بمزاح ...يامنة: بقا خاصني غير العريس أخالتيفاطمة:دابا يجي ابنيتي ما تقطعيش الياس (الامل)رابحة لمحات يعقوب و ربيع و نطقات بفضول ....رابحة: يا وشكون هاد ناسفاطمة التافت عند ربيع و يعقوب و نطقات ....فاطمة : هاداك يعقوب و هاداك ربيع بحال وليداتي الله يحفظهم ليارابحة: يا و تبااااارك الله زينين ياااا واحد ينسيك فلاخر تبارك تبارك الله ياو عندكم المليح فهاد المدينةيامنة هزات راسها شافت فيهم و عينيها برقو مع هي كتموت على الزواج و فين ما يبان ليها شي راجل كتنغز ماماها و تقول بهمس فودنها ....يامنة: مي سوليهم واش مزوجين عفااااك أ ميرابحة: واتي طلقي من جلايلي أناري يا و بلاتي نسخنوا غير بلاصتنا أ بعداالمعطي نطق بخجل حاني راسو ...المعطي: خااالتي فطوش يا و فين هي نورة حتى هي توحشناهارابحة طبطبات على كتف ولدها و كأنه دار إنجاز عظيم و قالت ....رابحة : ياااا و فرحي وسعدي بوليدي يا و كيدير صواب و كيسول على بنت خالتوخرجات عندهم نورسين و سلمى اللي كانو واقفين بعادين كيشوفو فيهم تقدمات نورسين للامام و قالت بعفوية....نورسين:خالتيالتافتو عندها و اتاجهت نورسين سلمات على رابحة بالوجه و قالت هاد الأخيرة ....رابحة: يااااو فين غبورك يابنيتي ياااا و مابقيتي تباني يانوارة ديال الدارنورسين: [بابتسامة ] غير مع الخدمةنقلات نورسين نظراتها شافت فيامنة اللي كتطلع فيها و تهبط كتشوفها كيفاش لابسة و كيفاش كتهضر كتغير منها بزاف ...نورسين: يامنة لابس عليكيامنة: الحمد الله أ نوارةنورسين تنهدات بغضب لأنها ما كتحملش يعيطو ليها بإسم مبدل على إسمها لذلك نقلات بصرها شافت فالمعطي اللي ريوݣو سايلين كيطلع فنورسين و يهبط من راسها لأخمص قدميها مع كانت لابسة غير بيجامة قصيرة مبينة مفاتنها الأنثوية بشكل واضح المعطي لمعو عينو من شوفتها ...نورسين: المعطي لابس عليكالمعطي: ياااا و تبدلتي عليا أبنت خالتي و الله ما عرفتك نتي نورة نيت و لا غير دايرين لينا كاميرا خفية يا وما كنتيش هاكا يا و زيانيتي و بياضيتي تبارك اللهنورسين و البقية كابحين ابتاسمتهم غير بزز فحين فاطمة قالت بترحيب ....فاطمة:دخلوا لصالون ما تبقاوش واقفينالمعطي:ياو حتى نورة دخل معانانورسين: [بغير نفس ] غيردخلوا دابا نجيانصارفو الضياف دخلو لصالون مع فاطمة فحين ربيع و يعقوب و سلمى انفاجرو بالضحك و قربو عند نورسين و نطق ربيع بمزاح....ربيع: واش نتوما كلكم هارب ليكم الريزو و طاسيلة عندكم الله يبارك صراحة اختي نورسين سمحي ليا كنت ظالمك صدقتي بعقلك مقارنة بتريكتكيعقوب نطق بابتسامة مقلد المعطي ...يعقوب: يااااو نورة ياااا و زيانيتي يا العفريتةسلمى نطقات بمزاح هي الأخرى ....سلمى: سالا معايا المعطي طيرني ولد العبد قالك دايرين ليه كاميرا خفية مساليين ليه حنا ما لقينا ما نديروا