قصة جبل - نورسين ( بالدارجة المغربية )

💛 الفصل 32💛

جبل نورسين الجزء 134 :نورسين بقات ساكتة كتشوف فرابحة و كتفكر فشي حاجة تنوضهم من تماك حيت وصلات لطوب ديال الاعصاب الفكرة اللي جاتها فراسها غاديرها غير باش ينوضو يتكعدو من دار ديال السيد . تفكرات بلي خالتها كتموت بالخلعة من المجرمين بصفة عامة و هي تنطق ...نورسين: بغيتو تبقاو بقاو ماشي سوقي و لكن نديرها ليكم فبالكم سيد داخل للحبس من صغرو و قتال خطير بغيتو تناسبو معاه تناسبو ما سوقيش نيت باش ينحركم جملةرابحة حلات عينيها على وسعهم و ضربات على فخدها و قالت ...رابحة : اويلي على قتالناضت من بلاصتها و قالت بخوف ...رابحة : حنا معاك بالله و بالشرع أ وليديخرجات رابحة من دارو و تبعها المعطي حتى هو كيطير و طلعو فالدروج عاد تنفسات نورسين و حطات يديها على جبهتها بحال خرجات من حرب شحفوها غير باش يطلعو ...بينما جبل فين هو جبل؟؟..جبل كيتألم فهاد اللحظة بصمت إحساس قطعو من لداخل كلام خرجاتو من فمها ما ناوية فيه والو و لكن راها زطمات على قلبو و مزقاتو تمزيق بلا ماتشعر داكشي اللي كان خايف منو طاح فيه هو قتال و داخل للحبس منين كان صغير ديال بصح النقطة السوداء فالماضي ديالو اللي خايف ما تقبلش بيها نورسين هاهي برهنات ليه على عدم قبولها لماضيه بطريقة غير مباشرة حس بروحو ماتت فهاد اللحظة عينيه تجمعات فيهم غيمة دموع حدادا على الالم اللي كيقطع فيه من لداخل داكشي كامل اللي كان كيتخايلو مع نورسين تهدم فهاد اللحظة واش هادشي كيعني انو خاصو يستسلم حيت هو ماشي شخص المناسب ليها ما عرفش كيفاش يتصرف حس بركابيه فشلو عليه حلقو نشف كيحس بروحو ماتت غير الجسد اللي بقا خدام فهاد اللحظة دنيا بانت ليه ظلام ...فاق من سهوتو و من الالم اللي كيقطع فيه من لداخل فاش حس بيديها تحطات على كتفو التافت شاف فيها و قالت بابتسامة ...نورسين: سمحلي بزاف كن ما قلتش هاكاك كن كاع ماناضو من هناجبل بلا مايشعر حط يدو على يدها اللي تحطات على كتفو و قال بالم دفين بين طيات صوتو ...جبل : انا ماشي قتال و ماشي مجرم ثيقي بيانورسين صدمها من الاجابة ديالو جاتها غريبة ...نورسين : عارفاك ماشي قتال و عارفاك ماشي مجرم غير قلت هاكاك باش تنوض خالتي حيت كتخافجبل ابتاسم ليها و بقا حاط يدو على يدها حتى خطفاتها بسرعة و رجعات بيها خصلات شعرها من مور ودنيها و قالت بابتسامة ...نورسين : أصلن كن كنتي قتال و مجرم كاع ما تلقاني حداك دابا الله يعاون و تهلا فراسك و سمح لينا مرة اخرى ...عطاتو بالضهر و خرجات من دارو و سدات الباب من موراها و خلات إنسان كيتقطع من لداخل كأنه يحتضر .أصعب شعور تقدر تشعر بيه هو فاش كتخاف من شي حاجة توقع و كتوقع يعني بصح نورسين ما متقبلاش ترتابط بشخص قتال و مجرم كيفما كان كيظن واش معنى هادشي نهاية طريق و انه صافي خاصو يحط السلاح و بلا ما يحاول حيت نورسين عمرها تبغيه واش معنى هادشي انه خاصو يخلي نورسين لشخص طاهر ماشي مجرم ما عمرو قتل و لا وسخ يدو بدم واش هادشي كيعني انه خاصو يبعد عليها فاول طريق قبل ما يبداها حس بدوخة فهاد اللحظة و قلبو كيتعصر وقف و اتاجه للكوزينة و حل الثلاجة جبد قرعة ديال شراب حيت باغي غير يترفع ينسى هادشي باش ما يحماقش .حلها و مشى جلس فوق الفوتوي و هبط على القرعة د شراب مغمض عينو حتى حس بدمعة هابطة منها ما قادرش يستحمل و الله ما قادر ماشي بيدو ...باغي غير شي حد يقول ليه كلام يريحو و يعطيه أمل ؛ حط القرعة ديال شراب من فوق الطبلة و هز التيليفون ديالو و دوز النمرة ديال يعقوب و حط التيليفون على ودنو ...يعقوب : ألو جبلجبل غير سمع صوت صاحبو اللي كيلجئ ليه فأضعف حالاتو تنهد و قال بصوت حزين مكسور مجروح ...جبل : ما بغاتنيش أ خويا و ما عمرها غاتبغيني غانمشي من هنا و نخليها تعيش هي تستاهل واحد أحسن مني أنا قتال و مجرم هي خاصها واحد بحالها ملاك و انا مشي ملاك أنا مجرم