قصة جبل - نورسين ( بالدارجة المغربية )

💛 الفصل 35💛

جبل نورسين الجزء 150:فمكان آخر و بالضبط حدا العمارة فين ساكنة نورسين وقفات طاكسي بيضة تحل بابها و نزل منها اب نورسين محمد و فاطمة بشوية عليهم من ديما عزيز عليهم يرجعو بكري فديك البرودة ديال الصباح ما تايعجبهمش يجيو فالنهار كاتكون الشمش مطنطنة و فاطمة كتحرقها فراسها سدو البيبان ديال الطاكسي و شافت فاطمة فمحمد و نطقات بديك نبرة العجيبة ديالها ...فاطمة: أ ربي يا مولاي ياو تسخسخنا بالطريقضورو وجههم باش يطلعو للعمارة و هو محمد يلمح العساس و شي رجال من جيرانهم واقفين معاه كيعرفوهم كمش ملامح وجهو باستغراب ما عرفش مال رجال مجموعين فهاد الوقيتة و حدا الباب شنو واقع و شنو كاين باش يديرو هاد التجمع على سبعة د صباح ما موالفاش ليهم ...فاطمة : ياو مال هادوك واقفين تماك فهاد الساعةمحمد: حتى انا ما فهمتش مالهمفاطمة ضربات على حنكها و نطقات...فاطمة : اويلي حي ياكما تكون طارية شي حاجة سير شوف مالهم سيرالعساس التافت و بان ليه محمد وهو يخنزر فيه و نطق بصوت مرتفع ...العساس : محمدفاطمة : ياو هاهو ساير يعيط ليك سير سير شوف شنو باغيين هادو تانيمحمد تقدم بخطوات مسرعة لجيهة ديك جماعة حتى وقف عليهم و شاف فالعساس و قال ...محمد: صباح الخير ياكما كاين باس ؟؟العساس : و داكشي ما كاين أسي محمد غير الباسمحمد : شنو واقع ؟؟العساس : و الله ما عرفت كي غانقولها ليك أ سي محمد عارفينك ماشي ديال هادشيمحمد : [ بصدمة ] كيفاش ؟؟ شنو كاتخربق انا اش دخلني ؟؟العساس بقا متردد واش يقولها ليه و لا لا فالاخير تشجع و نطق ...العساس : كنتي مسافر نتا و الحاجة ياك ؟؟محمد : [ باستغراب ] اييه كنت مسافر راك شفتي طاكسي عاد جابناالعساس : ما عرفت كيفاش غانقول ليك هاد الخبار اسي محمد و لكن راه خاصك تعرف باش ما تبقاش ناعس على ودنيكمحمد بدا يتعصب و نطق بالغوات ...محمد : و طلقنا خلاص شنو كاين ؟؟؟العساس : بنتك أ سي محمدمحمد : [ بانفعال ] مال بنتي ؟؟ واش واقع ليها شي حاجة ؟؟العساس : بنتك كتفسد مع جار اللي جا جديدمحمد حس بالارض ضارت بيه مية ضورة فالثانية و بلا ما يتردد جر العساس من القاميجة اللي كان لابس ما حسش براسو محمد واحد الانسان اللي حار بزااف و قاصح و إلا شرفو يموت و يقتل عليه ...محمد : [ بغضب ] واش عارف شنو كتخرج من فمك و لا غير كتخربق راك كطعن بنتي فشرفها نعلة الله و عليك الى يوم دين نعلة الله و عليكالعساس : ما كانهضرش من راسي راني شفتها اليوم فاش كنت راجع من صلاة ديال الفجر قابط ليه فيديها و فايت ليا شفتهم معانقين فالدروج و هو معروف عليه زنديق و كيطلع معاه البنات و بنتك طلعات وحدة منهممحمد حس بداتو كترعد و طالعة معاه الصهدة من صبعو صغير و عقلو ما قادرش يستوعب بنتو تكون مع جارهم ما قادرش هاداك الجار اللي ما كيحملش فيه الشعرة ؛ حس بقلبو غايسكت و المرار كيحس بيه فحلقو ...محمد : [ بدراع كيهضر الصدمة فشلاتو ] ياكما غير تشابهت ليك بنتي ما تديرهاشالعساس : كنقسم ليك بالله الا شفتها معاه و مزال ما رجعو منين مشات معاه فالصباحمحمد : غير كتكدب عليها بنتي غاتلقاها فدارهم دابا بنتي مربية و اشرف منكم كاملينالعساس : و انا براسي ما ثيقتش و لكن فاش شفتها المرة الاولى و الثانية معاه تأكدتمحمد : لا غير كتكدب غانرفع عليك دعوة و هانتا غاتشوف بنتي مربية بنتي ما ديرهاشفنفس الوقت كان جبل داخل لشارع فين ساكنين و نورسين فيديه بدات كتفيق و حلات عينيها شوية بشوية حتى وضحات ليه الرؤية و بان ليها جبل فوق راسها يصحاب ليها واش راه مزال كتحلم ...بينما جبل هبط راسو لقاها حالة عينيها و باينة فيها دايخة بنعاس ابتاسم ليها و حتى هي ابتاسمت ليه هبط راسو لعند راسها حتى تحط نيفو على نيفها و قال بحب ...جبل : صباح الخير الكسولةو لسوء الحظ العساس اللي كان واقف مع أب نورسين بالهزة باش كيهز راسو كيلمحهم فداك المنظر الساقط بالنسبة ليهم لانهم كايحكمو غير بشنو كاتشوف عينيهم و نطق بصوت فيه نوع من الاشمئزاز ...العساس : ها هي بنتك الشريفة العفيفة جاتبالدورة باش كيضور محمد كيلمحهم فنفس المنظر و فنفس اللقطة نورسين بين احضان جبل و محطوط نيفو على نيفها و كيبان من البعيد و كأنه كيبوسها ففمها منظر خلا ودنين محمد كيصفرو و دنيا كتضور بيه لدرجة حس بركابيه فشلو عليه و قلبو تعصر بين ضلوعو و نطق بصوت مكسور كأنه ما مصدقش عينيه ....محمد: نورسين