قصة جبل - نورسين ( بالدارجة المغربية )

💛 الفصل 100💛

جبل نورسينالجزء 516:نورسين التافتت شافت فربيع و قالت بهمس ...نورسين:بزاف عليك باش نكون سحارة ومشعودة غير كنعرفو و صافي و زايدون ماشي سوقك دغيا بغيتي تدخل ليا مع العظام ديها فراسك شويةربيع جاوبها بهمس فودنيها ...ربيع:كيفاش كتعرفيه ياكما كنتو مصاحبين ؟؟؟نورسين:ربيع احتارم راسك شوية عفاكربيع : مالي محيد حوايجي نتي اللي ما بغيتيش تهضري يخ على ݣنس تقولي كتخلصي على الهضرة و لكن انا اللي مسطي داير فيك راسينورسين بغات تجاوبو و هي تسمع انور كيهضر فاضطرت انها تشوف فالاستاد و تسكت ...أنور: [ بهدوء] ان شاء الله غانرافقكم طول مسيرتكم الدراسية هنا الدراسة فالمعهد المدة ديالها عامين كتاخدو ديبلوم بامكانكم تخدموا بيه فالمغرب او خارج المغرب نتمنى يكون هاد العام أحسن و أفضل عام بنسبة ليكم كيفما كتعرفوا فالمعهد ما كتقراوش غير المايكاب و صافي غادي تقراو حتى تصميم الازياء و الموسيقى و اللغة الانجليزية و غادي يكونو عندنا بعض الانشطة نديروهم مع بعضياتنا فالتالي ديال كل شهر اللي نقدروا نخرجوا حتى برا المغرب و هادشي بطبع كيتكفل بيه المعهدنورسين اتاسعو عينيها بصدمة ما توقعاتش غايكون المعهد بهاد الجودة و غاتقرا فيه العديد من الامور اللي ما كانتش ضاربة ليهم حساب بقات غير مصدومة وكتشوف واضح أن المعهد زوين بزاااف عمرها حلمات اولا طاحت فبالها غادي تقرا شي نهار فبلاصة بهاد الجودة و بهاد الامور كلها و ما عمرها طاحت فبالها بلي كاين بحال هاد المعهد أصلن وتساءلت شحال يقدر يكون ثمن اللي كيحط عليها جبل فشهر باش تقرا فيهلذلك ضورات وجهها شافت فربيع و نطقات ...نورسين: شحال كيخلصوا باش يقراو هنا ؟؟ربيع : شفتك ضسرتي عليا و بديتي تدي و تجيبي معايا فالهضرة ياك قلتي ليا احتارم راسك اوا حتى نتي جمعي فمك و بعدي مني الله يخليك اوكي ؟نورسين كشرات ملامح وجهها و نطقات بهمس ...نورسين: و راه سولتك عادي حرام عليك تجاوبني هاكاربيع :امم ديري ليا فيها مضلومة مسكينة تقطعي فالقلبنورسين: و دابا غير جاوبني شحال كيخلصو ؟؟ربيع: 10000 درهمنورسين:هي شحال ؟؟؟ربيع: مليوننورسين فغرات فاهها بصدمة و اتاسعو حدقتي عينيها بغير تصديق ...نورسين: واش لعام ؟؟؟ربيع: [ باستهزاء ] لواه لمية عام واش من نيتك داوية و لا جالسة تقردني عليا ؟؟نورسين: كنهضر من نيتيربيع : أربي على مكلخة طحت فيها تاني و مليون لشهر لشهر هادشي بلا الماطريال و المايكاب اللي خاصك تشري كيكون غالي و بلا القلومة درسم و بما اننا كنقراو حتى لموسيقى كتختاري شي آلة اللي غادي تعزفي عليها وهوما كيعلموك فهمتي دابا ؟؟؟نورسين: [بصدمة ] هاويليربيع:علاه اختي نتي غير داخلة مدرمة ما عارفاش شنو كيتسناك تي مالك منونخة بحال هاكا؟؟؟نورسين حطات يديها على فمها و قالت ..نورسين: متافقة معاك و الله حتى منونخةربيع حط راسو على الحيط طلع نورسين و هبطها بعينو و نطق ...ربيع: نتي باين باباك شي حد ملعق هو اللي كيصرف عليك راه قالك اللي كيكونو لابس عليهم كايكونو مكلخين نيتنورسين: بزاف عليك انا سمعتيربيع: باينة كيصرف عليك شي حد ملعق على هاد الحساب و صبار مسكين حيت اللي غايعيش معاك خاصو صبر سيدنا ايوب عليه السلامنورسين: [بعصبية ] ربيع واش ممكن تسكتربيع : ما تضبريش على خوك ؟ و لكن نتي باينة فيك مقيشيشة شحال و انا طالق حلوقاتي باش تغرمي عليا ساعة والو ما صورت معاك حتى باش نقي سنانينورسين: واش نتا احمق ولا مسطي ولا انا اللي ماعندي زهر فين ماكان شي هبيل تالف كنبانلو انا فالبلان واش عاودولك عليا البنك شعبي منين جلست و نتا جالس عليا الغرامة ما الغرامة و الفلوس واش كنبان ليك انا بنكةربيع : [ بهدوء] اوا بنتي لينا بنت الخير ماشي بحالالمشرارات و المسمومات اللي كايقراو هنا طلقي عينيك و شوفي شحال معفرات و هازين خنافرهم لسما نتي اللي ما عرفت جيتيني بحال مضروبة بمقلةنورسين: [بعصبية ] اش بانلك نوض نضربك بيها نيت ؟؟ربيع: اودي اش عندك ما ضربي الله يهديك فيك غير جوج عظومة كن كنا نخافو من دجاج كاع ماريشوه تا نتي الله يهديكنورسين: شفتك جالس كتعاطا معايا كي المرأة كلمة مني كلمة منكفنفس الأثناء وقف عليهم أنور و سمع جملة نورسين الأخيرة لذلك حنحن و قال بجدية موجه نظرات لطيفة مع ابتاسمة على وجهو لنورسين ...أنور : واش واقع بيناتكم شي مشكل ؟؟نورسين التافتت ببطئ هزات عويناتها بشوية حتى وقع انظارها على انور اللي كان واقف على راسها بتاسمت ابتسامة مزيفة و نطقات بإحراج ...نورسين: لاتدخل ربيع فالحوار و نطق بهدوء مستفز ...ربيع:كاين مشكل و مشكل كبير بقدي بقامتي شبهاتني بنسا و قالت ليا كتعاطا معايا بحال العيالات واخا نكون خاون ليها بݣرة ما تقولي هاد الهضرة جرحاتني بزاف وانا قلبي هشيش زعما الا ما سمحت ليها ما عندها فين ترݣد فقبرهانورسين التافتت بسرعة عند ربيع طرطقات عينيها فيه بصدمة فحين ربيع كمل كلامو غير مبالي ...ربيع : عفاك هضر معاها تنوض من حدايا ما يشرفنيش نجلس مع وحدة بحالها