قصة جبل - نورسين ( بالدارجة المغربية )

😊 الفصل 42 💛

جبل نورسين الجزء 187:فنفس الاثناء دخلات جوهرة مع الخادمة منانة اللي كبيرة فالعمر شوية و كتبان البشاشة فوجهها كتدخل لخاطر هازة واحد الطبسيل فيه بسطيلة ديال الحوت و حطاتو فوق الطبلة بينما جوهرة غير شافت عبد المالك معنق نورسين ما عجبهاش الحال غارت حيت ياسمين و عبد المالك و جبل هوما عائلتها تبناوها منين كانت صغيرة داكشي علاش مربية عليهم الكبدة كتحس جوهرة بحال نورسين غاتاخد ليها كلشي من بين يديها الشيئ اللي خلاها تزيد تحقد عليها أكثر ...منانة بمجرد ما حطات طبق هزات راسها بان ليها جبل جاي لعندها حتى وقف عليها عنقها و حتى هي بادلاتو العناق عندها عزيز بزااف و حتى هو كذلك ...منانة : مرحبا بيك و الف مرحبا ا وليدي توحشناكبعد عليها جبل و قال بابتسامة ...جبل : حتى انا توحشتكممنانة : الله يرضي عليك ا ولدي و يكون منك الزرع و زريعة و الغرس و البحيرة الله يسهل عليك و يعطيك ما تمنيتي و نشوفك عريس بوليداتك و فدارك مع مراتكابتاسم جبل كيعجبو الحال فاش كتدعي معاه بدوك دعيوات ديالها الفريدة من نوعها اللي كايكون محتاجها نيت كاتجيه على قلبو ..جبل : أمين أ الحاجةحولات منانة نظراتها لجيهة نورسين و ابتاسمت ليها ...منانة : سلام الله عليك أ بنتي و مرحبا بيك و مرحبا و الف مرحبا راك فدار الكبيرة نتي شريفة و بنت الشرفة اللي ربي طيحك فهاد الناس الله يرضي عليك و يكون منك و غير قبلي علينانورسين عجباتها منانة فكراتها شوية فميمتها ابتاسمت ليها بلا ما تشعر ...نورسين : ربي يخليك أ خالتيمنانة : أ لالا و على خالتي كيف خارجة من فمك كي سمن مع العسل [ حطات يديها على صدرها ] انا ميمتك منانة فوق ما تشهيتي شي حاجة اجي عندي نصوب لبنتي اللي حب خاطرهانورسين : لهلا يخطيك أ مي منانة الله يجازيك بخيرعبد المالك: جلسو ما تبقاوش واقفينجلس عبد المالك مترأس طبلة و جلسات على جنبو الأيمن ياسمين و جلسات حداها نورسين بينما جوهرة جلسات مقابلة مع ياسمين و جبل جلس حدا جوهرة مقابل مع نورسين ...قطعات ليهم منانة البسطيلة حطاتها ليهم فالطباسل اللي كانو حداهم فطبلة ضارت عليهم كلهم عاد انصارفت للكوزينة...بينما نورسين داقت دغمة اللولة عجباتها لديدة بزاف و لكن كتحس براسها كيزدح ؛ حطات يديها على جبهتها لقاتها سخونة شوية و كتحس براسها فاشلة و معدتها بدات ضرها لدرجة حسات بالتقية روعات ليها قلبها حطات الفورشيط و بقات ساكنة فمكانها كتمنى غير ما تطلعش ليها التقية و تشوه حدا ناس ما كتحملش تجيها تقية و هي فدار شي حد و عاد ناس غراب عليها ...بينما جبل كاياكل و حاضيها فاش شافها حطات الفورشيط تشوش عليها ما فهمش مالها ...جبل : نورسينهزات عينيها شافت فيه و كتحس بدوخة و الفشلة باغا غير تنعس ...جبل : علاش ما كاتاكليش ؟؟ياسمين : [ شافت فيها ] ياكما ما عجباتكش الماكلةنورسين : لا زوينة الله يعطيها صحة [ شافت فجوهرة ] عفاك أ ختي ممكن توريني فين كاين الحمام ؟؟جوهرة بغات تنوض و هو يحبسها جبل وقف قبل منها ...جبل : واش كضرك شي حاجة ؟؟نورسين ناضت وقفات كتحس بالتقية طالعة فجوفها...نورسين : بغيت الحمام عفاكجبل : واخا اجي معاياتقدم جبل لامام و نورسين تابعاه شادة ففمها حتى حل ليها الباب ديال الحمام و هي دخل كطير حنات على ركابيها و بدات تفرغ جوفها فلاشاص بينما جبل تخلع عليها بانت فوجهو ما عرفش مالها قرب ليها و شد شعرها باش ما يبقاش معنكشها ما عافها ما والو بالعكس باغي غير يفهم مالها و علاش كتقيي شنو سبب للحظات ضن بلي غايكون عندها شي حاجة حس بقلبو ضرو و بدا كيتخايل بلي غاتمرض و غاتموت صافي سيد رجع اصفر ...جبل : غير بشوية عليكنورسين حتى فرغات كاع داكشي اللي فجوفها و مدات يديها بركات على الزر باش يهبط الما على ديك شي و كتحس براسها سخفانة و الفشلة قاضية عليها ...ما وقفات غير بستة و ستين كشيفة و جبل قابط فيها و كيحس بقلبو غايسكت ؛ اتاجهت للافابو غسلات وجهها و هو واقف حداها كيرجع ليها شعرها من مور ودنيها باغي غير يطمن بلي ما عندها والو و لكن غايديها لطبيب حالتها ما عجباتوش بتاتا ....جبل : شوية دابا ؟؟ واش كتحسي براسك مزياننورسين التافتت لعندو و كتحس بداتها سخونة و الضبابة بدات كتكون على عينيها ما حسات براسها حتى طاحت بين يدين جبل مغمى عليها ...