قصة جبل - نورسين ( بالدارجة المغربية )

💛 الفصل 57💛

جبل نورسين الجزء 270 :عم الصمت بيناتهم من جديد و نورسين حاضية طريق حتى تدكرات سندس و ضرها راسها حيت ما عرفاتش شكون هاديك خيتي اللي جالسة تعنق فيه و باغا تزوجو و باينة عزيزة عليه ما عرفاتش علاش الفضول كلاها و باغا تعرف علاقتها بيه بقات ساكتة كتفكر كيف دير دخلو شي دخلة باش ما يعيقش بلي باغا تعرف شنو علاقتو بيها بقات ساكتة كتفكر لبضع ثواني حتى نطقات ...نورسين : ضريفة ديك البنت اللي تلاقينا قبيلةجبل حرك راسو بالايجاب و جاوبها ...جبل: وي سندس ضريفة بزافنورسين بقات ساكتة شوية عاوتاني كتفكر حتى نطقات...نورسين : واش قرات معاك ولا كتجيك من العائلة ؟؟جبل عرفها كلاها الفضول داكشي علاش عطاها الجواب الكافي ...جبل: لا ما قراتش معايا و ما كتجينيش من العائلة كنعرفها منين كانت فعمرها عشر سنين كانت مريضة بالكونسير و كنت كنزورها مرة مرة كنحاول نهضر معاها نخفف عليها فاش كنت كانجي للمغرب حيت ديك ساعة كنت كنقرا فلاميغيك ما كنتش كنجي للمغرب بزاف و كنت منخرط مع واحد الجمعية ديال ناس اللي مصابين بسرطان فوقتما كنجي لهنا كنمشي نطل عليهم و نهضر معاهم كنفرحهم قدر المستطاع و سندس كانت معاهمنورسين بقات ساكتة كتشوف فيه شحال زاد كبر فعينيها فهاد اللحظة فاش عرفاتو عزيز عليه يدير الخير و كيفرح ناس اللي مصابين بسرطان بقات ساكتة و كتشوف فيه و كتبتاسم يا الله واش هاد بن آدم اللي حداها إنسان حقيقي فيه جميع المواصفات اللي تقدر اي وحدة تطيح فيه بفضلهم واخا لو ما كانت عندو حتى درهم تقبل تعيش معاه غير بالما و الخبز ؛ نورسين آخر همها الفلوس أصلن الزلط مولفة بيه و لكن جبل ما جدبهاش ليه فلوس و أموالو لا أكثر حاجة كتجدبها فيه اخلاقو العالية و الرجولة ديالو الهيبة اللي معطية ليه من عند الله حنانو مع صغير و الكبير قلبو رحيم فين تلقاي فهاد الوقت شخص بحال هاكا لدرجة شكات واش هاد الإنسان جاي من شي كوكب آخور حيت مستحيل يكون حقيقي ....جبل شافها ساكتة تلفت شاف فيها و رجع شاف فطريق و قال ...جبل: مالك ؟؟نورسين فاقت من شرودها و شافت قدامها و قالت ...نورسين: و كي بقات دابا شوية ؟؟جبل : حمد الله برات منو و لكن خايفة شي نهار يرجع ليها و المشكل ديال الكونسير فاش كتبرا منو و كيعاود يرجع كيكون أقوى من الأولنورسين تنهدات بقات فيها سندس بزاف عزات عليها ...نورسين: الله يشافيها و يعافيها هي و أمة سيدنا محمدجبل : أميننورسين : لهلا تكتب هاد المرض على شي حدبقات ساكتة شوية و ضارت شافت فيه و كملات كلامها ...نورسين: هي مزوجة ياك ؟؟جبل : وي تزوجات بطبيب اللي كان مكلف بحالتهانورسين: بصح ؟؟؟جبل حرك راسو بالايجاب و كمل كلامو ...جبل : وي مزوجة شي ثلث سنين دابا و عندها بنيتة من طبيب ديالها زياد صاحبي عايشين مابين فرنسا و المغربنورسين : حمد الله ها ربي عوضها ببنيتة و عائلة و باينة فيها فرحانة مشاء اللهجبل : ربي كبير أي واحد كيصبر كيعوضو فالدنيا و الآخرة غير خاص الواحد ما يبقاش جالس و كيبكي يفكر فالمستقبل و يخدم على راسو و كلشي غايرجع مزيان بحول اللهنورسين ابتاسمت حيت عرفاتو كيمعني عليها بحال عطاها مثال على عوض الله الكبير كلما صبرتي كتشوف الجزاء ديالك فدنيا ...رجعات بكسدتها للور و شافت فنافدة و هزات يديها كترسم فالزاجة رسم وهمي عبارة عن وجه ضاحك كأنها كتعطي أمل لنفسها بلي كلشي غايرجع بخير و غايجي واحد نهار غايبقى هادشي اللي كتعيش فيه غير تعاويد و كلشي غايتصلح مع المدة و ما غاتبقاش مهرسة فقلبها غايجي الوقت اللي تصالح فيه مع عائلتها و تحقق أحلامها غير بالصبر و التفاؤل مع العمل على الاهداف كلشي غايكون ممكن حتى حاجة ما مستحيلة ؛ ابتاسمت و غمضات عينيها و غفات ....الصبر مذاقه سيئ و لكن نتائجه جميلة