قصة جبل - نورسين ( بالدارجة المغربية )

😊 الفصل 46 💛

جبل نورسين الجزء 209 :بينما نورسين كانت واقفة فبيتها على نفس وضعيتها و صورة ديال جبل ما فارقاتش داكرتها كلامو كيتكرر فودنيها بديك نبرة ديال الصوت ديالو اللي كتطرب الأدن شكلو الوسيم وقفتو هيبتو شخصيتو كيفاش كيحتارمها كيفاش كيحن عليها فاش كاتكون كتبكي و كيواسيها لدرجة كيعنقها نظراتو المحترمة ليها ما حسات براسها حتى زهقات من ثغرها إبتسامة بلا ما تشعر و عنقات دبدوب اللي كان فيديها و بقات ساهية فالطبيعة الخضراء حتى سمعات دقان فالباب قفزات من مكانها و شافت فالباب مع إبتسامة عريضة مزينة وجهها توقعات غايكون جبل نطقات بسرعة ...نورسين: دخلتحل الباب و بانت ليها ياسمين اللي دخلات و سدات الباب ...ياسمين : صباح الخير أ بنتيقربات لعندها ياسمين و سلمات عليها بالوجه ..نورسين: صباح الخير أ خالتيياسمين : [ حطات يديها على دراعها ] نعستي مزيان أ بنتينورسين : حمد الله أ خالتيياسمين: أش بانلك تعيطي ليا ماما ياسمين توحشت شي حد يعيط ليا بهاد اللقب خاصة منك نتي حيت كاتفكريني فبنتي نورسين الله يرحمها و يوسع عليهانورسين: [بابتسامة ] واخا أ ماما ياسمينياسمين : [ حطات يديها على خدها ] ما تصوريش شحال فرحت و عجبني الحال منين جيتي تعيشي معانانورسين : [ بحزن ] ربي يخليك و لهلا يخطيكم عليا كن ما نتوما كن ما عرفت شنو يسرى فيا الله يكثر خيركم فتحتولي باب داركم واخا نعيا نشكركم و ندير اللي درت محال نوفيكم حقكم كن ما نتوما كن راني مليوحة فالزنقةياسمين: [تنهدات ] من هاد النهار أبنتي حنا هوما عائلتك ما عندك لاش تهزي الهم لأي حاجة لي ثقالت عليك خففات علينا نبغيك تصرفي بكل راحة هادي داركم انا حسبيني ميمتك فوقما بغيتي تعاودي لشي حد شي حاجة اجي عندي بغيتي نساريك و نخرجو نضحكو نهضرو أي حاجة انا موجودة و عبد المالك حتى هو حسبيها باباك جبل اعتابريه صديقك المقرب حيت ما غاتلقايش بحالو ما حدو معاك ما عندك مناش تخافي ابنتينورسين:الخير اللي دار فيا داك سيد ما عمري نساه مادامني حيةياسمين: [ بابتسامة ] جبل و ما أدراك ما جبل هو ولد بنتي نورسين [ تجمعو دموع فعينيها فاش دكرات سميتها ] الله يرحمها و يوسع عليها جبل داكشي اللي عاناه ما عاناه حتى واحد الحبيب ديالي دازت عليه بزاف قاسى فحياتو لاقصى درجة كنحمدالله اللي مازال واقف على رجليه اللي شافو من برا يقول أقصح منو ما كاين و لكن هو قلبو صافي كي الحليب ماماه توفات فاش ولداتو حتى هو ما زال بحال داك طفل اللي كيقلب على الحنان من ماماه مازال داك طفل اللي فاش كيغوت عليه شي حد خاصو يلقا فين يتخبع و يحط راس [تنهدات ] الا جيت نهضر ليك عليها ما غانسكتش إنسان طيب خلوق مربي حنين بزاف شبه لماماه ما كايخسر الخاطر لحد ما نكرهش نشوف وليداتو قبل ما نموت ما بقاش لينا قد ما فاتنورسين : الله يطول ليك فالعمر حتى تشوفيه بدارو مع وليداتوياسمين : ما كرهتش كن نزوجكم بزوج و نتهنى عليكم ما غانلقى ما أحسن منك لولدي تحطي عليه راس و يحط عليك راس حنا ما بقاش لينا قد ما فات و انا باغا ندي ليه بنت الأصل بنت خلوقة و مربية و ما نلقاوش بحالك أ العزيزة ديالينورسين تحلو عينيها على وسعهم من كلام ياسمين ما مصدقاش بلي باغا تزوجها لحفيدها جبل اللي كيعجبها بكلشي فيه بقات غير كترمش فيها كأن زمن توقف عندها فراسها بينما ياسمين بقات حاضية ملامح وجهها بان ليها بلي سيدة تصدمات ياسمين بدات كتلوح نبتة فالتراب و كتسنى تعطي ثمار ديالها كل مرة غاتدخل ليها الفكرة فدماغها حتى تقتانع بجبل هادشي لين باغا توصل ياسمين الا ما عاوناتش حفيدها و ريحاتو و زوجاتو ليها شكون غاتعاون . خاصة انها عارفة جبل غايتهلا فيها و ما عمرو يخسر ليها الخاطر و يعوضها على كاع المعاناة ديالها ..