قصة جبل - نورسين ( بالدارجة المغربية )

💛 الفصل 86💛

جبل شد فران سيك حتى مشات طوموبيل و جات بقا جامد مكانو لمدة عدة ثواني ما كيرمش كيحاول يستوعب بينما يعقوب حاضيه عرف بلي ما غادوزش ليها طريفة ابدا غير من تخنزيرة اللي ترسمات على وجه جبل فجأة ضرب دوميتوطر عينو فالبلاصة حمارو بقوة الغضب رجع كيخلع عروق يدو تنفخوا شوميز اللي لابس تزيرات عليه تزنڭ ؛ يعقوب عمرو شافو فهاد الحالة الشيئ اللي ثار الخوف بداخلو خاف يقتلها و لا يدير ليها شي حاجة خاصة انه قال بصراخ ...جبل: كننت عاارف ديك القح*** غاااادي تكون من مورااااه ولاااات تصيفط الخطاااب غادي نوري لأصل مهاااااا شنوووو هوووو لعب مع جبل الابراهيمي باغا تلعب و الله حتى نلعبو كاملين و نوريها اللعب ديال بصح ماشي تبرهيشيعقوب : [بقلق ] تهدن أصاحبي ولكن علاش غادي تصيفطوا ؟؟جبل: علاش غادي تصيفطو فنظرك حيت زم** بكل بساطة خاص اللي يربيهااا هضرناا معااااااها بالخاااطر هضرناااااا معاهااا بالكلام القااااصح وهي وااالوووو جليجة ما بغااااتش تفهم الاصل دمهاااااا ماااابغاتش تفهم بلي اناااا ملك لانسانة أخرى كن كاااانت حمارة غادي تفهم ولكن معامن انا مع أكببببر ضبعة على وجه الكرة الأرضيةجبل هز الإيربوت حطهم فودنو و دوز نمرة ديال واحد فرجالو عين على طريق و عين على التيليفون حتى دوز الخط و قال ....جبل : لوكاليزاسيون ديال كاميليا بنيس دابا تكون عنديقطع جبل الخط و لاح تيليفون يدو كترعد جهل ديال بصح و ما كايبان ليه غير يصفيها ليها ..يعقوب : واغير برد دابا هاد الاعصاب ما عندهوم فاش ينفعوك راه كتبقا بنت خالك يدك منك واخا تكون مجدااامةجبل: [ بغضب ] نقطع بووووها هاد اليد الله يقطع جد بووووها عائلة من جيهتي والله وخا تنوض الواليدة من القبوور والله ما يفكها مني فكاك بغااات تلعب حناا مالين اللعب حشومة نخلي بنت خالي تلعب بوحدها ماركات بيت و عصباتني غانماركي على مها بيت مجهد انا الا ماصيفطتها عند عمتها تسلم عليها ما نتسماش جبل ما عرفت لين باغا توصل و لكن انا نداويها

جبل نورسينالجزء 432:جبل أنهى كلامو المليئ بالغضب و هو يسمع تيليفونو كيفيبري ،وقف الطوموبيل فجنب الطريق فتح الفون وهو يلقى لوكاليزاسيون ديال كاميليا رسلها ليه الشخص اللي كلفو بإحضار الموقع ديالها من حسن الحظ كان قريب لبلاصة فين كاينة ؛ بلا ما يتردد ديمارا اللوطو فالبلاصة عينو غير على طريق ما كيهضر ما كايتكلم اما يعقوب كيطلب غير سلامة خايف على صاحبو يقتل كاميليا و يصدق خارج على حياتو ...يعقوب : جبل تهدن أصاحبي حنا ماشي فغابة باش تقتلها واش باغي تخرج على حياتك بسبب ق*** ماتستاهلش حتى توسخ فيها يديك نتا مزال تابعاك الحياة مع نورسين الله يرحم الواليدين ماتسرعش فكر غير فنورسين ما تفكر فوالو غوت عليها و خوفها و لكن تقتلها أجبل لا غاتخرج على حياتك بيديك هي غاتمشي للقبر و نتا غاتمشي للحبس و نتا غاترجع قتال و فنظرك نورسين واش غاتقبل ترتابط بيك ديك ساعة ؟؟؟على إثر كلام يعقوب جبل حبس الطوموبيل بسرعة جنب الطريق و التافت شاف فيعقوب بتخنيرة فملامح وجهو تحول لمجنون من جديد و نطق بصراخ مع عصبية ...جبل: انا ماشي قتال ماشي قتال و نورسين غاتقبل ترتابط بيا و غاتبغيني و غاتعيش معايا و غانتزوج بيها و غاتولد ليا بنيتات كايشبهو ليها و غانحقق ليها اي حاجة بغاتها ما تقوليش قتال حتى بالضحك أيعقوب نتا عارف عندي عقدة من هاد اللقب اللي تنعت بيه و انا صغير كرهت راسي رحموني شوية انا عييت عيت عييتضرب الفولون ديال طوموبيل حتى رجعات يدو حمرة و حط راسو عليه كينهج عرقان مل من الدنيا و من هاد العداب كامل اللي كيتجرعو بمرارة حتى لإمتى غايبقى فهاد الألم واش هو ماغايرتاحش فهاد الحياة فوقاش غاتكتاب ليه الفرحة هدا هو سؤال اللي كيطرح نفسو ....يعقوب حط يدو على كتف جبل و جاوبو ...يعقوب : خاصك ترحم راسك هو اللول فكر بعقلك دارت غلط خاصها تعاقب انا معاك و لكن باش تقتلها و تنهي حياتك اللي مزال حتى ما بدات ما نسمحش ليك انا خوك و من حقي نخاف عليكجبل هز راسو تقاد فالجلسة و ضور وجهو لنافدة زجاجية ماكيشوفش فيعقوب ، حط يدو كينقر بيها على الفولون وكيفكر فحين يعقوب بقا غير ساكت كيشوف فيه ...جبل : أستغفر الله العظيم و أتوب إليه ؛ أستغفر الله العظيم و اتوب إليهيعقوب : هاكاك أستغفر مولاكجبل التافت شاف فيعقوب و ضهرات ابتسامة خفيفة على وجهو و قال ...جبل : ما غانقتلهاش و لكن غانخليها تمنى الموت و ما تلقاهاشيعقوب:علايش عوالجبل ديمارا اللوطو ما جاوبوش وحتى يعقوب سكت ما زادهاش معاه ؛ استغرق ربع ساعة باش يوصل لموقع كاميليا ... فرانا طوموبيل بجهد حتى تحكو روايضها حدا فيلا كتبان كبيرة و نطق بغل ...جبل: صيفطلي جوج من رجالييعقوب: جبل علايش ناوي أ صاحبي نعل الشيطانجبل حيد حزام السلامة و جاوبو بهدوء ....جبل: الشيطان هو كاميليا ؛ يعقوب ما تبعنيش خليك هنايعقوب حل الباب باش ينزل معاه ماثايقش يخليه بوحدو و هو يغوت عليه جبل بطريقة صارمة ...جبل : الا تبعتيني غير نسا العشرة اللي بيناتنا ما غانعقلش عليك ثبت بلاصتك ماشي برهوش عارف شنو كندير غير سمع الهضرة و دير داكشي اللي قلت ليكنزل جبل و زدح الباب بقوة ؛ طرطق عنقو و اتاجه لباب الفيلا صونا و بقا واقف كيتسناه يتحل مصبر راسو غير بزز باش ما يهرسوش عليها ....ما هي الا ثواني قليلة حتى حلات واحد البنت باين من لباسها على أنها الخدامة و نطقات بلباقة ....- سلام أسيدي شنو حب الخاطر ؟؟جبل دفعها بيد وحدة و دخل لداخل فاجئها و هي تزدح الباب و تبعاتو كتعيطلو باش يوقف و هو ما مسوقش..._أسيدي وقف عفاك شكون نتا ؟؟؟ أااا سيدي ؟؟دخل جبل لداخل و الخدامة تابعاه حلقها خارج حتى لمح كاميليا جالسة فالسيجور كتقرا فإحدى المجلات الشيئ اللي خلاه يبتاسم بشر بينما كاميليا سمعات صوت الخادمة و هي تلفت بمجرد ما وقعات عينيها على جبل واقف حسات بقلبها خفق بقوة و نطقات بدهول كأنها ما مصدقاش شنو كتشوف أمامها ...كاميليا:جبل ؟!نطقات الخدامة اللي كانت واقفة بقربو بخوف ...~: أ لالا عييت نعيط ليه باش يوقف ساعة ما بغاش واش نعيط ليهم يجيو يخرجوهكاميليا نطقات موجهة نظراتها لجبل بغرام و عشق مجنونة بجبل لدرجة ما قدراتش تزيح عينيها عليه....كاميليا : سيري شوفي شغلكانصارفت الخادمة لكوزينتها فحين كاميليا وقفات تقدمات بكعبها العالي حتى وقفات اونفاص ليه بماكياجها المثير و بفستانها القصير اللي ما كايتعداش حدود فخيضاتها و نطقات بكل انوثة فصوتها ...كاميليا:ماقدراش نثيق بلي جبل واقف قداميجبل: [بابتسامة ] تيقيني غانخليك تمناي كن كان مجرد حلمكاميليا ربعات يديها ابتاسمت و قالت بكل رقة و نعومة ...كاميليا : ما فهمتش ممكن توضح أكثرجبل هز يدو و حطها على خدها و و قال بصوت كولو إحساس و حنان قدر يداعب بيه قلب كاميليا من الأعماق ...جبل : كنبغيك