قصة جبل - نورسين ( بالدارجة المغربية )

💛 الفصل 50 💛

جبل نورسين الجزء 232 :جبل ابتاسم بحب وسهى فسارة خاصة فسمار لونها العسلي وفشعرها المبوكل ،دوك الهضيرات اللي كتخرج من فمها غير نورسين فاش كانت صغيرة من ديما سارة كتفكرو فالجزء السعيد فماضيه ؛ كتفكرو فاليوم المميز والخاص فحياتو يوم تلاقى بنورسين تحت شجرة ليلك ديك الطفلة اللي كانت شبيهة بملاك منزل فوق الأرض بالنسبة ليه لطافتها وكلامها وعدم تنمرها عليه خلات قلبو صغير يتعلق بيها ماشي بيدو ما بقا باغي حتى وحدة من غيرها لدرجة خلاتو يوصل لأسمى درجات الحب ويتعلق بيها بطريقة غريبة من صغرو وحبها كيكبر فقلبو لدرجة رجع مريض بيها الضروف اللي عاش فيها ولدات ليه العديد من العقد النفسية وبفضل نورسين الطفلة قدر يحل العديد منهم ...نطق يعقوب بمزاحو المعتاد ...يعقوب:إوا شنو نبقاو حنا واقفين فالباب ماعوالش دخلنا أسي الإبراهيميجبل فاق من شرودو فسارة فاش سمع كلام يعقوب وقال بابتسامة ترحيب ...جبل:واش عاد كتسناوني نعرضكم ؟؟عطاهم بالضهر ودخل فيدو سارة وتبعو يعقوب وسلمى لداخل حتى جلسو كاملهم فالسيجور ...سلمى:أ بعدا فين هي نورسينجبل كيمرر يدو على شعر سارة المبوكل وجاوب سلمى بهدوء ...جبل:كترتاح فبيتهاسارة :واش خطيبتك أعمو جبل سميتها نورسين بحال ماماك ؟؟جبل حرك راسو بالإيجاب ...جبل:وي سميتها بحالهاسارة:سميتها زوينة بعدا مصاب تكون بحال وجههاسلمى:ساارة الا بقيتي تهضري على البنت هاكا وتحرجيها والله حتى نديك لدار و ...جبل شاف فسلمى باش تسكت فهمات نظراتو وضربات الطم وجاوبها جبل كيمرر يدو على شعرها بحنان ...جبل :آخر مرة نسمعك كتعيبي على ناس كيفما بغاو يكونو خاصة على شكل وجههم ؛ الله سبحانه و تعالى اللي خلقنا بيديه حتى واحد ما ختار شكلو ؛كل واحد ربي عطاه جمال خاص بيه ؛ المظهر ماشي حنا اللي كنختاروه و لكن اخلاقنا حنا اللي كنصنعوهم بيدينا دونك الجوهر أهم من المظهر حيت حنا اللي كنختارو واش غانكونو خايبين ولا زوينينسارة : [ هزات كتافها ] امم فهمت و أصلن ما تبقاوش تديو عليا انا غير صغيرة نتوما مالين العقلجبل ضحك على هضرتها الطفولية وجاوبها بدكاء ...جبل :حيت حنا مالين العقل كنردو ليك العقل عارفينك مزال صغيرة حتى حنا كنعلموك باش فاش تكبري تكوني بنيتة عندها المظهر و الجوهر ماشي غير المظهرسارة:بصح أعمو جبل أنا زوينة ياكجبل : [ ضمها لعندو أكثر ] نتي ma princesse فين عمرك شفتي شي أميرة خايبة هممسارة :عرفتي أ عمو جبل ديما كنوقف حدا المراية و تانبدا نقول انا زوينة انا دكية انا قوية انا مجتهدة كيفما علمتينيجبل :برافو على بنتييعقوب مرر يدو على لحيتو و نطق مقاطع حوارهم ...يعقوب:جبل خاصنا نهضرو على قبل الخدمة موجد ليك شلا حوايج وخاصك تبدا فالتصاميم ديال المجموعة جديدةجبل هز راسو شاف فيعقوب وجاوبو ...جبل : إن شاء الله كلشي فبالي راك عارف دابا ما مساليشيعقوب:نتا عيش ليا la vie وخلي يعقوب صكع كيعانيسلمى:أخويا جبل حاول ليا على زماني و نتا حاكر ليا عليه بالخدمة ماشي حرام عليك ما بقيتش نشوفو كاعيعقوب هز يد سلمى اللي كانت جالسة حداه و باسها بحب و قال بصوت مغبون ...يعقوب : شفتي أ حبيبتي الظلم هو عايش ليا رومانسية و الحنان ولايح الخدمة علياجبل ابتاسم على كلام يعقوب و سلمى وقال بصوتو الرجولي الرخيم ...جبل: غير على ما دوز هاد الفترة و غانرجع و سير نتا ترتاح شحال مابغيتييعقوب:غير ضاحكين عدابك راحة أبا جبل غير ارتاح ليا ماتخممش ضرب كلشي على يعقوبسارة قاطعات الحوار ديالهم وقالت بصوتها الطفولي ...سارة : عمو بغيت نشوف خطيبتكيعقوب:أمزال ماخاطب بسم الله عليك نتي دغيا بغيتي تزربي على سيدسلمى:وا غير إشاعة أ القملة راه قلناها وعاودناسارة : [هزات كتيفاتها ] كن كانت غالطة كن كاع ما يخلي عمو جبل الصحافة تكتب عليهاجبل جاوب سارة بعد مدة صمت ...جبل:سارة خاصك تعاوني عمك جبلسارة هزات عويناتها وشافت فيه و قالت ببراءة ...سارة:فينما بغيتي نعاونك أ عمو نعاونكجبل نطق بهدوء حاط يدو على شعر سارة كيلوي فخصلاتو ..جبل :الله يرضي على بنتي فاش تشوفي نورسين ما تقولي والو من هادشي حيت انا و ياها مزال ما درنا الخطوبةسارة : اااه دابا فهمت نتا بغيتي تديرها ليها surpriseجبل : بحال هاكاك مي هي ما عارفة والو حيت كتدوز من شي ظروف صعيبة مزال الحال على surprise فهمتي داباسارة : اااه فهمت أ عمو دابا هي كتبغيك و نتا كتبغيها و حيت هي كتمر من ظروف صعيبة مابغيتيش تقولها ليهاجبل ابتاسم بحب على كلام سارة عاطيها الخاطر ؛ حرك راسو بنفي و جاوبها بحزن مخفي بين طيات صوتو الأجش ...جبل: انا كنبغيها هي ما كتبغينيشسارة دلات شنيفاتها بطفولية و قالت ببراءة ...سارة : شفتي قلت ليك تسناني حتى نكبر ما كاينش اللي غاتبغيك بحاليكلهم ضحكو على كلامها بينما هي كملات الجملة ديالها معوجة فمها ..سارة: و لكن ماشي مشكل منين نتا بغيتيها انا غانعاونك باش تبغيك حتى هي كلمة شكر تكفي