قصة جبل - نورسين ( بالدارجة المغربية )

💛 الفصل 73💛

جبل نورسين الجزء 359 :أصبح صباح جديد تسللات خيوط الشمس الذهبية الى غرفة جبل اللي قضا فيها ليلة كاملة مع نورسين ...كانت ليلة من بين أسعد ليالي العمر مرو فيها لحظات عمرو ينساهم ما حدو عايش ليلة خاص يكتب عليها تاريخ اول مرة كينعس براحة و ما كيفكر فحتى حاجة و علاش غايفكر و يخمم و البنت اللي كتسهرو و كتخليه يفكر فيها و كتطير ليه نعاسو كانت ناعسة حداه و بين احضانو براحة ....بدات نورسين كتفتح عويناتها حتى حلاتهم و وقع نظرها على سقف الغرفة سرعان ما تدكرات شنو جرى ليلة البارحة و هي ضرب الجلسة ؛ ضارت تشوف واش جبل كاين حداها ساعة ما لقاتوش لقات راسها بوحدها ناعسة فبيتو حولات نظرها لجهة الباب لقاتو محلول ناضت من فراشها و لبسات الكلاكيطة ديالها و اتاجهت لناحية الباب لقات البوانيي مصوب بحال عمرو خسر ....نورسين استغربات لدرجة ظنات بلي ڭاع داكشي اللي وقع البارح غير حلم و لكن ما يمكنش هي ليلة البارح هضرات مع جبل و كان هنا و البوانيي كان خاسر ما بقات فاهمة والو خاصة أنها دايخة بنعاس ...هزات كتيفاتها بعدم فهم و اتاجهت لغرفتها دايخة بنعاس و رجعات تزدحات فوق سريرها و غمضات عينيها و رجعات غفات مكملة نعاسها ...بينما جبل كان شاد طريق و غادي لخدمتو و كيبتاسم غير هو و راسو فاش كيتدكر ليلة البارح و شنو وقع فيها و كيضحك على راسو و على أفكارو كان بإمكانو يحل الباب من ليلة البارح غير هو اللي ما بغاش بغاها تبقى معاه فالغرفة باش يشبع منها واخا غير شوية ...فلاش باكجبل ضرباتو الفيقة باكرا حيت هو مولف ما كينعسش بزاف عندو ماكسيموم خمسة ديال سوايع كينعسها و نعاسو خفيف دغيا كايفيق حل عينيه لقا نورسين بين احضانو ناعسة بكل راحة مرر يدو على شعرها و طل عليها بانت ليه غايبة ماشي غير ناعسة ابتاسم على لعاب اللي سايل من فمها اللي حالاه كي فرس نهار و شعرها تشنتف شكلها كيبان مضحك بزاف و القاميجة ديال جبل اللي كانت لابسة طاحت ليها على كتفها ...جبل حيد يديها اللي لايحة على وجهو و قادها فالفراش رجعها على ضهرها و شعرها تطلق على المخدة كيف الاميرات الخياليات جا شكلها جداب جدا و مثير ما قدرش جبل يتمالك نفسو أكثر من هاكا خاصة أن خدودها كيبانو ليه كيف تفاح نازل من الجنة ...حنى على وجهها مسند بيدو باش ما يطيحش عليها قرب ليها حتى تحطو شفايفو على خدها اللي من جيهتو و باسها فيه بوسة خفيفة و بعد خافها لاتمشي تفيق ليه و تحصلو و اش جا ما يفكو معاها خاصة أنه عارفها منوية غير هي و عظامها ..ابتاسم و قال بحب فصوتو الحنون....جبل: صباح الخير حبيبتيبقا ساكت و مرر أطراف صبعانو على خدها و كمل كلامو بحنان مع حرقة حتى تكونو دموع فجفونو و رجعو عينو حومر بفعل الحزن اللي هاز فقلبوجبل: تمنيت نبقى ديما نفيق على وجهك و نلقاك ناعسة هاكا بين يدي تمنيت بزاف احبيبتي و لكن قريب كلشي غايتقاد غير صبري على حبيبك حيت عندو عقد نفسية حابسينو يعتارف ليك عدريني أ بنتي و لكن ماشي لخاطريجبل ناض من فوق سرير و هز تيليفونو و عيط لرشيد اللي جاوبو فالبلاصة ...رشيد : ألو سي جبل بغيتي شي حاجة ؟؟؟جبل خنزر منين سمع صوتو ما كيحملوش ...جبل : خسر البوانيي ديال الباب و ما بغاش يتحل طلع حلو و صوبورشيد ابتاسم و جاوبو هو الآخر ...رشيد : واخا اسي جبل شوية و نجيجبل : ما تعطلشقطع جبل الخط على رشيد و اتاجه للبيرو ديالو جلس فيه و هز الأجوندا اللي ما كتفارقوش و كتشهد على جميع ذكرياتو السيئة و الجميلة أيضا ...ضور الكرسي عند نورسين و شد ستيلو و بدا يكتب جميع الأحاسيس اللي راودوه ليلة البارح على شكل أشعار تارة كيهز عينو كيشوف فنورسين و تارة اخرى كيكمل الكتابة حتى سمع الباب تحل عرف رشيد اللي جا و دخل لعندو لبيت و قال بخجل ...رشيد : سي جبلجبل هز راسو شاف فيه و ناض بسرعة عاقد الحداش ملامح وجهو تقلبو حيت كايغير منو خاصة فاش كيتدكر بلي هو كان كيلعب مع نورسين فصغر و هو لا ...جبل: صوب الباب و هبطرشيد حرك راسو بالايجاب و بدا يصوب فالبوانيي ديال الباب بينما جبل اتاجه نحو نورسين و غطاها مزيان باش ما يشوفهاش رشيد بقا واقف حدا راسها و مربع يدو و كيتأمل فوجهها عاطي لرشيد بالضهر كيبتاسم و كأنه يرى القمر فملامحها سكناتو و سطاتو لدرجة رجع كيبان ليه الكون بأسره فعويناتها فقداتو لذة نظر لغيرها غير هي اللي كتبان ليه و كأنها سحراتو و لقات عليه لعنة خاصة بيها و قرات عليه تعويدة الحب و الغرام ...