قصة جبل - نورسين ( بالدارجة المغربية )

💛 الفصل 62💛

جبل نورسين الجزء 305 :تحل الباب و التافت جبل و هو يلمح جوهرة داخلة كتبكي حتى قربات ليه و عنقاتو ضورات يديها على ضهرو و حطات راسها على صدرو كيف شي طفلة صغير كتلجئ عند باباها ...جبل:جوهرة مالك ؟؟جوهرة جوباتو بشهقة د البكا فصوتها ...جوهرة:غوتو عليا و انا ما درت والوجبل : [قرن حجبانو ] شكون هادو اللي غوتو عليك ؟؟ماجاوباتوش و هو يشد فدرعانها بجوج بعدها من حضنو باش يشوف فوجهها و يفهم شنو واقع ...جبل : جاوبيني شكون اللي غوت عليك ؟؟جوهرة : نورسين و سلمىجبل : [بجدية ] نورسين و سلمى امبوسيبل يغوتو عليك أ جوهرة غير هاكاك شنو واقع ؟؟جوهرة : [بقهرة ] انا جيت عندك باش تاخد ليا حقي و نتا وقفتي معاهم قبل حتى ما تسمعني و لكن ضروري غاتجي عليها حيت كاتبغيهاجبل: ما تبقايش تخلطي الأمور انا هضرت حيت عارف سلمى و نورسين مزيانجوهرة : و انا واش غانطيح عليهم الباطل حرام عليك صافي غانمشي بحالي و اعتابرني ما جيتش عندك صافيبغات تمشي بحالها و هو يشدها من دراعها و قال ...جبل : عاودي ليا شنو وقع باش نقدر ناخد ليك حقك و نعرف شكون ظالم من المظلوم مزيان هاكا أ بنتيالتافتت جوهرة عند جبل و نطقات بشهقة د البكا فصوتها ...جوهرة : انا سمعتهم كيهضرو عليك بالخايب و قلت ليهم حشومة هادشي اللي كتقولو على جبل و بداو كيغوتو علياجبل : [باستغراب ] سلمى و نورسين كيهضرو عليا انا بالخايب متأكدة ؟؟جوهرة حركات راسها بالايجاب بينما جبل ما ثيقش كلامها نهائيا و لكن حاول يبين بلي تصدم باش ما يبقاش فيها الحال...جبل : لكن ما نقدرش نسمع غير لطرف واحد القاضي فاش كيبغي يحكم كيسمع لطرفين بجوججوهرة : هي ما ثيقتينيش انا ياكجبل : يالاه نهبطو باش نفهم شنو وقع بالضبطجوهرة : انا ما بغيتش نشوف وجههمجبل : [مرر يدو على لحيتو ] أستغر الله العلي العظيم سمعيني ا جوهرة ربي اللي عالم بيا ابنتي بغيتي نفكو المشكل يالاه نهبطو باش نعرف نحلوجوهرة : واخا يالاه نهبطوجبل حط يدو على كتفها و تمشاو حتى وصلو لدروج و سبقها جبل وهي هبطات من موراه كتغبن و تبكي و تشهق اللي شافها يقول ظلموها ديال بصح حتى وصل لصال أ مونجي لمح نورسين كضحك هي و سلمى و يعقوب على مائدة الفطور ...يعقوب : عرفتي أ ختي نورسين فاش كنت كانقرا مع جبل واحد البنت تزعطات فيه ديال بصح و عطاتو فيراري تصوري و هو رفض قلت ليها الا ما بغيتهش بغيني انا هاداك ما كيعرفش لنعمة ههههنورسين ابتاسمت و فنفس الوقت قلبها كيتحرق فاش كتسمع بلي جبل عندو معجبات ...سلمى: و نتا عاجبك الحال كتقولها بوجهك أحمر الله ينعل اللي ما يحشميعقوب : عادي مالك كنضحكو و كنتفكرو ايام زمن و نتي كتقرصي غير نتي و راسك غا تهناي حتى انا ما كنتش غانقبلسلمى : توريني فيك و نتا غير كتشوف زعورية عينيك ما كيبقاوش خوتيعقوب : هضري أ ختي نورسين مع هاد صاحبتك كتندمني على نهار اللي قررت نعاود فيه شي حاجة على الماضيحنحن جبل و تلفتو لعندو؛ نورسين غير شافتو واقف مع جوهرة اللي باين من وجهها بلي باكية و باين قالت ليه على شنو وقع فالبلاصة نورسين تلفتات عند سلمى تفاهمو غير بالعينين ....يعقوب : أهلن أهلن ب با جبل و لالا جوهرة الڭاورية ديالنا بلاتي بلاتي جوهرة مالك واش كنتي كتبكي ؟؟جبل شاف فسلمى و قال بجدية فصوتو ...جبل : سلمى تبعيني بغيت نهضر معاكسلمى بغات تنوض و هي تنطق نورسين بكل ثقة موجهة نظراتها لجبل ....نورسين : جبل الا كنتي باغي تهضر معاها على جوهرة المشكل عندها معايا انا ماشي مع سلمىجبل نقل بصرو باتجاه نورسين مصدوم بعض الشيئ حيت ما توقعش بلي نورسين غاتكون دارت شي حاجة لجوهرة ما يمكنش ملاكو تآدي شي حد و هي تنطق جوهرة ....جوهرة : راني قلت ليك بجوج بيهم ماشي غير سلمىجبل تنهد و نطق موجه نظراتو لنورسين هاد المرة قال بحنان ما قادرش يقسى عليها و لا يهضر معاها بحال لوخرين ماشي بيدو و الله ما بيدو ...جبل : واخا أجي نتي و سلمى بغيت نهضر معاكم الا كان ممكننورسين وقفات من بلاصتها و حركات راسها مع ابتسامة أسرات قلبو المرهف بحبها ...نورسين : واخاتقدمات نورسين للأمام و دازت من حداه و هو بقا حاضيها و تبعاتها سلمى و جوهرة عاد خرج هو من موراهم كيتنهد كيحس براسو كيف شي استاد غادي يعاقب تلميدات ديالو و لكن إحدى تلميدات ما يقدرش يآديها و معروف شكون هي ما قادرش يرفع عليها صوتو واخا تكون هي ظالمة حيت ببساطة ساكنة قلبو و هي وياه من نفس واحد و ما يقدرش الانسان يقسى على راسو ....