قصة جبل - نورسين ( بالدارجة المغربية )

💛 الفصل الثالث💛

جبل نورسين الفصل 2: هوسي أنت يا حبيبتيالجزء 12 :نورسين بمجرد ما لمحات الشخص اللي نزل اتاجهت لعندو بسرعة حتى وقفات مباشرة ليه رفعات عينيها لسما و هزات كفوفها و نطقات ...نورسين : الحمد الله يا ربي الحمد اللههبطات عينيها شافت فالشخص الواقف امامها حطات يديها على قلبها اللي كينبض بقوة و قالت ...نورسين: يعقوب ناري على خلعة خفت يكون شي حد و نصدق غارمة شي ثلاثة ديال المليونيعقوب ابتاسم و حشا يدو فجيبو و قال بمزاح ...يعقوب : أش هدا أ نورسين ضاربين طوموبيل ماشي حشومةربيع وقف حداها و حرك صبع يدو بنفي و قال ...ربيع: الله يرحم ليك الواليدين ما تجمعش هي اللي ضربات الطومبيلنورسين شافت فيعقوب و أشارت بصبعها لربيع و قالت .... ...نورسين: شوف و الله ما درتها بالعاني كان هاد الكيدار اللي كتشوف قدامك ملاهيني بالهدرة حتى ضربتها سمحلي الميمةيعقوب مرر لسانو على شفايفو هز يدو حك مؤخرة شعرو و قال ....يعقوب : الطوموبيل ماشي ديالي صراحةنورسين باستغراب قالت ....نورسين:اه بصح نتا ݣاع ما عندك فيراري واصلن ماشي نتا اللي كنتي سايݣها و....ما جات فين تكمل كلامها حتى اتاسعو عينيها بصدمة و قلبها نبض بعنف داخل صدرها كأنها عرفات ديالمن ....بداخل سيارة الفيراري السوداء جالس جبل فالمقعد الأمامي و بالضبط فمكان القيادة كيسمع الكلام اللي ضاير بيناتهم فالخارج قلبو كيتهز مع كل كلمة كيسمعها من فمها اشتاق لسماع صوتها و نبرتو الرقيقة الانثوية الحنونة اللي كتخلي كل خلية بداخلو تنتافض عشقا لهاد المخلوقة ، قلبو كينبض بعنف و كأن قلبو محتافل بسماع صوت حبيبتو و بنتو اللي تولدات من رحم فؤادو اهتز داخلو و كأنها زلزلات كيانو اشتاق لديك النبرة الطفولية اللي فصوتها بخلاصة صوتها بالنسبة ليه عبارة عن موسيقى كتطرب قلبو قبل ودنيه ...الله وحده يعلم كم عانى من فراقها اشتاق بزااااف لسماع إسمو من فمها اشتاق لالقاب الدلع اللي كتناديه بيهم اشتاق لقبلاتها الرقيقة اللي كترفعو الى السموات السبع اشتاق للمسات يديها اللي كتخليه كالثمل بحبها ....توحش يسمع اسمو من فمها عض على شنايفو و ضهرات الابتسامة على فمو فاش تدكر اسم دلع اللي كانت كتناديه بيه "جبيلو "و شحال عشق اسمو بفضلها ،قلبو شاعلة فيه العافية لا تهدأ و لا تخمد من نهار مشات و حرقة فراقها لازالت كغصة مريرة فحلقو لحد الساعة ما قادرش يستوعب انها قررات تبعد عليه بكامل قواها العقلية ...يا الله شحال توحش يشوف عويناتها اللي كيحمقوه وشحال توحش لمسات يديها اللي كيخدروه توحشها بزاااااف بزااااف لدرجة انه كيهرب لنوم باش يلقاها فأحلامو و يتخايلها معاه و بجنبو ...عشقو ليها فااات القياس فااااات الهوس لدرجة انو مرضو بها تضاعف على قبل بالعكس كان كيضن انه غاينقص مع مرور الوقت و لكن ما عمرها فارقت بالو ولا خيالو حتى لحظة زاد مرض فصحتو لدرجة شي بعض المرات كان كيبات ليل كامل كيسكر غير باش يترفع و ينساها رغم انه كان مقرر انه يقلع على الخمر و لكن ما كاينش اللي غاينسيه فيها رجع لبلية و رجع لشراب بسبابها ....حط راسو على الڤولون ديال طوموبيل و وضع يدو على الشق الأيسر من صدرو قلبو كيحس بيه غادي يخرج من بلاصتو من سماع صوتها مجددا ما شعر حتى ابتاسم و نطق بحب ....جبل: ملاكي طاهرسمع صوت ديال التيليفون كيڤيبري هز راسو و هو يلمح التيليفون ديال يعقوب فوق الكرسي اللي بجنبو مد يدو و هزو لقا سلمى اللي كتاصل ابتاسم وحس بلي ربي استاجب لدعائو وأخيرا غادي يشوفها فالبلاصة حل الباب و نزل وهو يتقطع صوت التيليفون زدح جبل الباب بضورة باش كيضور كتجي عينو فعينيها نيشاااااان و هنا كانت الصدمة قوية على قلب نورسين اللي جمدات فبلاصتها....يعقوب:اوا هاهو مول طوموبيل نزل و شفتوه بنفسكم