قصة جبل - نورسين ( بالدارجة المغربية )

💛 الفصل 79💛

جبل نورسينالجزء 393 :ما حدو كيهضر ما حد دموعها كيهبطو حتى سالا و نطقات بكل أسف ...سلمى : و دابا سمح ليا عارفة راسي غالطة و ياك انتقامتي مني دابا لاش رابطيني و الله ما نعاود صافييعقوب حنى كيمسح ليها دموعها بقات فيه ...يعقوب : صافي دابا ماتبكيش أ الهبيرة ديالي غير ضاحكين معاكسلمى : [تحت من سنانها ] يالاه وافكوني الا كنتو غير ضاحكين راكم هجرتوه ليا انا بعدا و واخا فيك يا ولد الحرام جيتي فصف صاحبك و لكن بلاتي عليك و الله مانا مدوزاها ليكيعقوب : كتقمقمي عليا و كتقولي ليا ولد الحرام فوجهي انا كنت عوال نفكك و لكن مزال جبل موجد ليك واحد الكادو ما نحرمكش منوجبل عطاهم بالضهر و تمشى بضع سنتيمترات و حنى لصندوق الأسود اللي كان فالأرض حلو و جبد منو أفعى سوداء اللون بدون سم أكيد حطها على عنقو و قبط فراسها و تقاد فالوقفة و ضار اتاجه لعند سلمى اللي غير شافتو شنو هاز فيدو حسات بركابيها فشلو و دم تجمد فعروقها كتحس بالعرق نازل من ضهرها لسانها تشلل ما بقاتش قادرة لا تهضر و لا تقول والو ...جبل : [بابتسامة ] تبغي تصوري مع التوأم ديالك ؟؟سلمى حركات راسها بنفي كتحس بالبولة غاتنزل منها بقوة الخلعة ...سلمى : جبل العار الميمة الا ما تحيدها انا مزاوڭة فيكجبل حابس الضحكة غير بزز و جاوبها بمزاح ...جبل : علاش مابغيتيش تصوري مع ختكيعقوب : بلا ما تحتاجي تمشي لجامع الفنا جبناه حتى لبين يديكسلمى : [بتلعثم ] ج..جبل زعما نتا مول العقل ها العار لما حيدها كنترجاك و نبوس يديك و رجليكجبل : كنعرفك قوية على هاكاسلمى : و الله ما نعاود ندير شي حاجة بحال البارح العار أ جبل الميمةجبل حيدها من عنقو و بقا قابط الأفعى السوداء كتخلع و كتطلق لسانها مرة مرة كتزيد تشوك لسلمى داتها كتموت بالخلعة من الزواحف ...جبل: غا نحطها عليك و تصوري معاها غاتجي نتي و ياها assortiدار راسو غايحطها على رجلها و هي تطلقها بغوتة و صراخها الأنثوي كيتسمع رقيق و مزعج ضراتهم فراسهم ...حتى ردها على عنقو عاد سكتات و صدرها كيطلع و ينزل غاتموت بالخلعة و بدات تعاير وتسب اللي فيها ما مهنيها ...سلمى: دعيتكم لله و نبي رسول الله لقيتوني ولية كتحڭرو عليا هادشي ما يبغيه لا ربي لا عبدو حرام عليكم عمري نسمح ليكم لا نتا لا يعقوب بجوج بيكم ما مزيانينش و الا ما ندمتكمش على هاد تبرهيش ما نتسماش سلمى فكو ليا هادشي فكوبدات كترطى من فوق سرير كتحاول تفك راسها كي المسعورة و جبل و يعقوب غير كايضحكو و يشوفو فيها رجعات صفرة خرجوها منها ديال بصح ؛ حيدها جبل مجددا من عنقو و بقا قابطها فيدو و هي تجمد بلاصتها و طرطقات عينيها فجبل ...سلمى : ش...شوف انا غير كنضحك معاكم و الله انا حمارة سليطة لسان ما نسوا ما نصلاح انا جميع الحيوانات اللي يطيحو ليك على بالك انا بغيت ليا ضربة غير حيد هاد العجب من يدك أ جبل و الله حتى ندمت و عرفت الغلط ديالي أقسم بالله العلي العظيم ما نعاود ندير ليك بحال داك البلانجبل : [ بابتسامة ] نتي برهوشة و لا ماشي برهوشة ؟؟سلمى كتحرك راسها بالايجاب و كولها عرقانة و شعرها تخربق ...سلمى : انا بيبي صغيور ماشي غير برهوشة غير حيد داك العجب العارجبل : غاتعاونيني فنورسين و لالا ؟؟؟سلمى : الله اودي غانعاونك فيها و غانخليها كتهترف بسميتك غير حيد ديك اللفعة لهيييييقربها لرجلها غير شوية ما قايساهاش كاع و هي تطلقها بغوتةجبل : شوووت غاتزيدي تغوتي و الله تانحطها عليكسلمى توقفات على الغوات و بدات تحرك راسها بالإيجاب سقرات و عينيها موجهاها ليدو حاضياه بخوف ...جبل: آخر مرة تجملي عليا و تقولي ليا كنعاونك نتي من الواجب ديالك تعاونيني راكي ختي صغيرة زعما آخر مرة نسمع بلي نتي دايرة فيا خير و ما نعرف شنو المن ما معاناش و تخراج العينين و يسخن عليك راسك و تبغي تبعدي عليا نورسين و لا حتى تفكري فيها مجرد تفكير لا و ألف لا نورسين خط احمر الله يرضي على سلمى ختي و البرانسيس ديالنا و مراة خويا