قصة جبل - نورسين ( بالدارجة المغربية )

💛 الفصل 70💛

جبل نورسين الجزء 344 :بينما نورسين طلعات لبيتها و زدحات الباب بلا ما تشعر و تكات عليه حاسة براسها مخنوقة بزااف نفس ما قادراش طلعو ؛ نورسين كيفها كيف اي بنت الشخص اللي كتبغيه خاصو يكون ليها هي فقط هي من ديما كتحلم بلي فارس احلامها خاصو يكون زينو عادي باش ما تعجب بيه حتى بنت يبقى ليها بوحدها نورسين شخصيتها دات طابع تملكي الحاجة ديالها خاصها تكون ديالها هي فقط وما تكونش متاحة للجميع الا كتب الله و تخطبات لجبل كيف غادير تصبر على هاد البنات اللي كيحومو عليه كل مرة كاتشوف بنت بقربو أجمل من البنت اللي قبل و هادشي كيخليها تبخ دم ما قدراش تحمل و هي مزال ما دارت فطاجين ما يتحرق أ حراااك الا مشا حتى رجع ديالها علم الله اشنو دير ...تقدمات بخطوات مسرعة لجهة نافدة حلاتها لعل و عسى تقدر غير تطلع نفس براحتها و لكن ما قدراش صورة ديال جوري و هي جالسة حداه فناموسية تطبعات و ترسخات فدماغها و امبوسيبل تخرج غير بمشقة الانفس ما كتقدرش تنسى حتى من اول مرة شافت كاميليا معنقاه فالعمارة تفكراتها حسات بحال شي حد هاز سكين و كيحفر فقلبها و هي حية ...كتعيش احاسيس جديدة عليها مرة كتحس براسها طايرة فسما بقوة الفرح و مرات كتمنى الموت بحال دابا حيت كتعاني من الغيرة اللي كتقتل روحها ...حسات بدموع تجمعو فعويناتها تصدمات هي ما بغاش تبكي و لكن لقات دموعها كينزلو راسهم بلا ما تشعر الغيرة هلكاتها فصحتها خاصة ان جبل زوين و لابس عليها كلشي غايطمع فيه و البنات غايبغيو يتقربو منو خاصة هو شخص اللي طيب بزااف و كايعطي الخاطر لكلشي ...ربعات يديها و حطات راسها على حافة النافدة و دموعها كيتسرسبو من عينيها بقهرة و بحرقة مكمدها فقلبها و ساكتة باغا تصرخ باغا تغوت ما كرهاتش يكون حداه تصبنو مزيان و توريه البنات بشحال كايطيحو و لكن هو فين و هي فين مزال حتى ما خطبها مزال حتى ما كيتسمى ملكها هاد الأحاسيس الجديدة اللي كتعيشهم غاديين و كيتعمقو و كيتطورو و بحال والو ترجع مهووسة بيه هي الأخرى من يدري الحب الأول ديما كايكون شي حاجة مميزة خاصة ما كتنساش و ما كتقلعش من القلب بسهولة ...سمعات الباب تحل بضورة باش ضارت شافت سلمى جاية باتجاهها و كتهضر ...سلمى:شحال و انا نقلب عليك في..بمجرد ما لمحات سلمى دموع فعينيها تخلعات ما عرفاتش مالها قربات لعندها بسرعة و قبطات فدرعانها بجوج و قالت بإهتمام ...سلمى:أويلي ياصكعة مالك تاني كتبكي ؟؟نورسين مسحات دموعها و جاوباتها بحزن ...نورسين :ما عرفتش ا ختي و الله ما عرفتطاحت على كتف سلمى كتبكي و تشهق كتبرد الحرقة ديال الغيرة بالدموع حيت غاطرطق و غاتنفاجر فأي لحظة ...سلمى تخلعات عليها مررات يديها على ضهرها بحنان و بدفئ باغا تعرف مالها تاني حيت طيبات ليها قلبها ...سلمى:و دابا غير قولي ليا مالك باش نفهم أ صاحبتي واش فوقتما ما تلقاي ما تديري تنوضي تطيبي قلبك بدموع و البكا فقصتيني ترجلي شويةنورسين بعدات على سلمى و شافت فعيون صاحبتها لمدة من زمن و طلعات نفس و رجعات هبطاتو كتحاول تهدن حتى فقصات سلمى بهاد السكات ديالها ...سلمى: واا طلقينا خلاصنورسين جاوباتها بنظرات واثقة فعينيها كأن قلبها اللي كيتحدث ...نورسين : ما بقيتش باغا نشوف شي بنت حداه فوقما كنشوف شي بنت قريبة ليه كنتفقص ما عرفتش شنو هادشي واقيلة رجعت نغير عليه و لكن كنتخنق فاش كانشوفو مع شي بنت زوينة رجعت بحال شي مسطية و هو ما مسوقش و ما دايها لا فالريح اللي دايني و لا فالريح اللي جايبني عايش الحياة و كل مرة مع بنت مرضت فصحتي و هادشي مزال حتى ما تخطبنا حاسة بهادشي ما غايكملش ما يمكنش كل مرة كنشوفو مع بنت فشكل انا ما نقدرش نتحمل هادشي و الله ما نقدر نتحملو عطيني شي حل راني ما بقيتش قادرة نتنفس اختي واش هادشي اللي كندوز منو طبيعي و لا كنزيد فيه غير جاوبيني عفاكخلات سلمى مصدومة من كلام نورسين اللي كتعتارف فيه بطاي بطاي بلي رجع ساكنها ديال بصح غير من طريقة كيفاش كتغير عليه ماكدبوش اللي قالو بلي الحب كيرجع الانسان بحال شي طفل ماكيرضيه غير الإمتلاك ....سلمى نطقات بابتسامة مجاوباها بهدوء ...سلمى : هادي كلها غيرة فكرتيني فراسي مع يعقوب و لكن راه حاجة عادية فاش كطيحي فشي واحد ديال بصح غاتبغيه يكون ديالك بوحدك حاجة طبيعية غير تهدني و قوليلي شنو وقع و معامن شفتي جبل و شكون هادي اللي عصباتك لينا حتى لهاد الدرجةنورسين : ما عرفت شنو سميتها تنسات ليا و لكن راها زعرة و عويناتها زورق و بيضة كي جبن كاتحمق و هادشي اللي فقصنيسلمى غمضات عينيها و عاودت فتحاتهم و قالت بعصبية ...سلمى : ما تقوليش ليا جورينورسين : اه جوري واش كتعرفيهاسلمى حركات راسها بالايجاب و قالت بنرفزة ..سلمى : الله ياودي تلقاهم مشاو باتو عندها اليوم نسمع يعقوب خل ودنو تسنايني هنا انا جاية