قصة جبل - نورسين ( بالدارجة المغربية )

💛 الفصل 107💛

جبل نورسينالجزء 561 :نورسين كشرات ملامح وجهها و نطقات بغضب ...نورسين: كطنز عليا دابا ؟؟جبل ابتاسم و حرك راسو بنفي و قال بهدوء ...جبل: حاشا كيعجبني نضحك معاك فرقي بيناتهمنورسين ربعات يديها و نطقات بترجي ...نورسين: هانتا شوف عطيه ليا و نتا شري واحد جديد تبارك الله زعما قادر تشري واحد أخورجبل : علاش غانضيع فلوسي و انا ديجا عندي كلب ديالي ما فهمتش ؟؟؟نورسين بقات ساكتة كتشوف فيه فالأخير حنات راسها و كملات ماكلتها ما كتشوفش فيه طلع ليها الدم حيت عز عليها جرو صغير خاصة أنها كانت كتمنى يكون عندها ربات عليه الكبدة دغيا الشيئ اللي لاحظو جبل و بقا كيشوف فيها لمدة من زمن حتى كملات ماكلتها و ناضت من فوق الطبلة و قالت موجهة نظراتها لجهة معاكسة لجبل ما كتشوفش فيه ....نورسين: يالاه نمشيو الا كنتي مساليجبل وقف و اتاجه لعندها حتى وقف أمامها و تجرأ و مد يدو لذقنها ضور وجهها لعندو حتى تلاقات عيونهم مع بعض و قال ...جبل: مقلقة ؟؟نورسين ابتاسمت باصطناع و نطقات باستهزاء ...نورسين: لا بالعكس انا فرحانة علاش غانتقلق شنو فيها الا ما بغيتيش تعطيني كلب صغير كايبقى ديالك و علاش غانتقلق من نيتك ؟؟جبل ابتاسم و قال بهدوء ...جبل: واضح انك ما مقلقاش غير من الجواب اللي عطيتينينورسين: و الله عادي أصلن نتا حر الكلب ديالك انا اللي لصقة ما تديش عليا و سمح لياجبل : [بابتسامة ] عارفة راسك لصقة بعدا ؟؟نورسين: جبل واش ممكن نمشيو و نساو الموضوع ديال الكانيشجبل حط الجرو الصغير بين يديها حتى قبطاتو و قال بابتسامة ...جبل: هدا ديالك اعتابريه كادو مني ليك حيت كان عزيز عليك اوليفر و اوليفر مالوغزمون مريض ما نقدرش نجيبو و جبت ليك بحالو ربيه على يديك و سميه السمية اللي بغيتي بصحتك و راحتكنورسين ابتهج وجهها و ضهرات على ثغرها إبتسامة نابعة من القلب و قالت بامتنان ...نورسين: شكرا بزاف عرفتي نتا ما كاينش بحالك داكشي اللي درتي معايا و مزال كديرو ما عمري نساه شكرا حيت حققتي ليا حلم طفولة و جبتي ليا كانيش صغيور ماما ما كانتش باغاني نربيهتغرغرو عينيها بدموع و كملات كلامها بحزن ...نورسين: كانت كتقول ليا ربيتي حتى راسك بقا ليك غير كلب توحشتها بزاف و توحشت كلامها و طريقة باش كتهضر علاش جراو عليا و انا عمري كامل و انا كنتقاتل على قبلهم و عمري ما خرجت من فمي كلمة العيب ليهم ...طاحت من عينيها دمعة سريعة و قالت بألم دفين فصوتها ...نورسين: واخا داكشي كامل اللي دارو فيا و اتاهموني فشرفي و جراو عليا و قتلوني كاع و دارو ليا جنازة والله حتى مسامحهم ربي كبير عوضني بشحال من حاجة زوينة و لكن ما قدراش نكرههم بالعكس توحشتهم و الله و أكثرية ماماجبل بلا ما يتردد خداها فحضنو و ضمها ليها و قبل راسها بحب فحين نورسين زادو دموعها فالانهمار على خدودها و شهقات كطلع من صدرها كخنجر مسموم كيتغرس فثنايا فؤادو العاشق و قال بألم ...جبل : كنواعدك غادي ترجعي تشوفيهانورسين بعدات على حضنو و هزات راسها شافت فيه و نطقات بأمل ..نورسين: بصحجبل حرك راسو بالايجاب و مد صبعو الابهام كيمسح قطرات الدموع المنهمرة على خدودها و قال ...جبل : انا عمري خلفت بوعد عطيتو ليك ؟؟؟نورسين حركات راسها بنفي فحين جبل حنحن و قال محاول أنه يبدل الموضوع و يكسر هاد الجو المشحون بالحزن ....جبل : شنو غادي تسميه ؟؟نورسين حنات عويناتها لجرو المتواجد بين يديها ابتاسمت و مررات يديها على جلدو و قالت ...نورسين: انا كنعرف فسمية الكلاب غير روكي ولوكاس و طوم ما عرفتش شنو نسميه حرتشافت فيه و نطقات ...جبل: اقتارح عليا شي سمية ؟؟دوك نظرات الحزن اللي بانو لجبل فعينيها هرسوه من لداخل و دمروه واضح ان الهم يفترسها من لداخل و ينهشها مارد الكآبة كتظن أنها غير هي اللي حزينة هي ما عارفش بلي هي روحو و أن أي شيئ كيقلقها ؛ هو راه كيهدو و كايكسرو الى أجزاء يصعب لملمتها لذلك بغا يشوف ديك الابتسامة الحلوة اللي كتبان فوجهها كالقمر المضيئ الذي يزين لياليه المظلمة ....جبل: سميه العربي باش يطلع راجلنورسين شافت فيه و طلقاتها بضحكة زعزعات بيها ثباتو الداخلي من ديما ابتسامتها بمثابة زلزال كيسجل اعلى درجات على سلم قلبو وكأن سحر الشرق بين عينيها ونجم السماء بين يديها وزهور الارض بين شفتيها لذلك مرر ضهر يدو على خدها و قال بحنان لطيف فصوتو ...جبل: الله يخليك ديما ضاحكة