قصة جبل - نورسين ( بالدارجة المغربية )

💛 الفصل 18💛

الفصل 1: جبل نورسين الجزء 63:سمع تيليفون ديالو الثاني اللي جاب معاه كيصوني هزو و طلعات ليه نمرة ديال يعقوب دوز الخط و حطو فودنو ...جبل:نعاميعقوب: واش اصاحبي ما تجيش تقابل شركات دياولك ؟؟جبل: و علاش انا كنخلصكم بالملايين كل شهر ؟؟ واش باش نجي نحضي ؛تقارير كيوصلوني شنو دخل شنو خرج و زايدون انا اعتابروني غير بو شكارة و نتوما المسؤولين مزيان هاكايعقوب: اش مراقب ا صاحبي اللي سمعك يبات هربان حتى نكون ما كنعرفكش نتا كتقيل تابع نورسين من قنت لقنتجبل: انا بغيت غير نورسين حتى حاجة اخرى ما كتهمني من غيرهايعقوب: واش أ صاحبي تعب سنين تهدمو نتا فساعة تواكض معانا اسي الابراهيميجبل: رزقي هداك ما سوق حديعقوب: اه بعدا كيفاش قضية الخطوبةجبل: مزال كنفكريعقوب: ومالك اصاحبي معقد الامور صافي سير خطبها منها تهنا ومنها تهنيني حتى انا معاكجبل: بعدا داكشي اللي وصيتك عليه واجد هو هداك ياكيعقوب : كلشي واجد ما تخممشجبل : يالاه نخليك دابا خاصني نرجع لدار باش نجيبها معايايعقوب : يا خويا سعداتها بيك ما كرهتش كن كنت فبلاصتها هههجبل : تلاح ا يعقوب بديتي فحموضتك تانيقطع عليه و لاح التيليفون حداه و ابتاسم و ديمارا اللوطو و قلع فاتجاه العمارة و كيفكر فالخطوبة فكرة تديه و فكرة تجيبو قلبو كيشجعو يتاخد هاد الخطوة الشجاعة حيت الا خطبها و تزوجها غاتبقى حداه مدى الحياة و غايتحقق الحلم ديالو مجرد تفكير فهاد الامر كيحس براسو كيف شي طير بقوة الفرحة و لكن عقلو كيحبس المسألة كلها و كيقول ليه واش نورسين غادي تقبل على الماضي الأسود ديالك و ما بين عقلو و قلبو كيحس براسو فالوسط غايحماق ...بداخل العمارة و بالضبط فمنزل نورسين كانت متكية فوق سداريها حتى ضرباتها الفيقة هزات التيليفون لقات الوقت مشا ما سمعاتش الالارم خاصها تنوض دابا تلبس أ الله توصل باش ما يسمعهاش العلوي الاسطوانة ديالو و ممكن كاع يجري عليها ما فيهاش هاد المرة ...ناضت من بلاصتها غسلات وجهها بسرعة و لبسات سروال تجين واسع مع بودي كحل و بوليرو فالاخضر جاتها لبيسة مزيونة واخا عادية و بسيطة جمعات شعرها على شكل كعكة و خرجات من بيتها لقاتهم كيفطرو و غوتات ...نورسين: علاش ما فيقتونيش اماما حرام عليكمفاطمة : [ شافت فكنزة ] ياو ياك قلت ليك سيري فيقيها و قلتي ليا قالت ليك ما خداماشنورسين كتلبس سبرديلتها بزربة و جاوباتها ...نورسين: واش هاديك كيديو عليها ناسفاطمة : ياو نتي واااحد اللفعة منك ما كاين باغا تخرجي على ختك الله يلقيها ليك كحلة زحلةكنزة ما مسوقاش كتضحك بشر و كتاكل و تعوج فعينيها ...