قصة جبل - نورسين ( بالدارجة المغربية )

💛 الفصل 27💛

جبل نورسين الجزء 111:جبل خنزر فيعقوب و هو يحنحن و كمل كلامو ...يعقوب: غانطلع نلقي الخطاب هاهي سلمى معاكمسلمى: امم زعما كتوصي عليايعقوب: بقاي تصفقي عليا عنداك تحشمي بياسلمى: سير الله يعطيك شي عقلجلسات سلمى حدا الكرسي ديال نورسين اللي كانت غير كتهز عين و تحط لوخرى ...سلمى : نورسين فين غابرةنورسين: والو غير كنت كانكلسلمى : [ همسات فودن نورسين ] ها هو جالس حداك داك البوكوصنورسين التافتت لعندها و خنزرات فيها باش تسكت و همسات هي الاخرى فودن سلمى ....نورسين: نتي خاصك تسدي فمك بعدا بسبابك قبيلة تشوهت ما نعرف واش يكونو سمعو شنو قلت ولا لاسلمى: لا محال حتى يعقوب سولتو قالي ما سمعت والونورسين : [بفرحة ] واش بصح ما سمعونيش ؟؟سلمى : أ لا ما سمعوكش أ زمرة بلا ما تبقاي دايرة فبالك ، ياختي ضوري تشوفي فيه كيف جالس و مثبت و شحال كيحمق كن ما كنتش مخطوبة كن يا ختي ضرت بيهنورسين : عيب تقولي هاد الهضرة كوني تحشمي شويةسلمى : مالك شفتيني مهبطة سروال اش تاندير كاعنورسين: كتمدحي فراجل اخور و نتي مخطوبة حرامسلمى : ياكما كتغيري عليه أ العفريتة عقت بيك طايحة فيه ياك أ نورسيننورسين : علاش غانطيح فيه واش هو حفرة ياك قبيلة قلت ليك شنو كاينسلمى : [بغضب] واش ما عندك حتى ذرة إعجاب لهاد الشخصنورسين : عارفة واخا يكون عندي إعجاب ليه ما غانتزوجش بيه اللهم نبعد على عقلي هاد الافكار المريضة لا يمشي يوقع ليا بحال البرتقالة المرةسلمى: امم نتي كتخافي من الحب و انا نفهمنورسين: [بهمس حدا ودن سلمى ] أ ختي الحب تايسطي انا اللي كنقيل نقرا فالروايات رومانسية كيمرض و انا مالي على حالي ندخل هاد الاعجاب لراسي و نبقى نتخايل و نصدق كانبغيه و نصدق معدبة و هو ما عمرو غايديها فيا و مالنا على هادشي كاملسلمى: [بعصبية ] و نتي باش عرفتيه ما عمرو غايديها فيك واش دخلتي لقلبو و عقلو و عرفتي أش فيهنورسين:[باستهزاء] بلا ما نغطيو شمس بالغربال كلشي واضح و فهمتك قبيلة و هضرت معاك صافي قلبي عليا هاد الموضوع د جبل الله يرحم الواليدينسلمى: الله يهديك على راسكنورسين: الله يهديك حتى نتي علياتحبسات الموسيقى اللي كانت مطلوقة و تسمع صوت يعقوب فالميكروفون. و تقادات نورسين فالجلسة و سلمى دارت يديها تحت ذقنها كيف شي برهوشة حاضية يعقوب بحب ..يعقوب: سيداتي ساداتي اليوم كيفما كلكم عارفين الافتتاح ديال المكتبة اللي ما بقاتش ديال سي العلوي و انما رجعات ديال شخص أخور مولاها ما بغاش يبان و انا غانكون ناطق بالاسم ديالو كوني شريكو فيها ...بمجرد ما نطق يعقوب بهاد الجملة تصدمات نورسين كيفاش هو ماشي مول المكتبة الاصلي فالبلاصة ضارت لعند سلمى و قالت ...نورسين: خطيبك غير شريك فيها ماشي مولاهاسلمى ما جاوبتهاش بقات غير كتشوف فيعقوب ما مسوقاش سيدة مرفوعة ...جبل سمعها و التافت لعندها و قال مع ابتسامة ...جبل: فضولية مع راسكنورسين رجعات شافت فيه و ابتاسمت ...نورسين: لا ماشي هاكاك هي قبيلة قالت ليا هو مولاها و دابا صدق داخل غير شريك فيهاجبل: عادي الا ما بغاش يبان فين كاين المشكلنورسين : ما كاين حتى مشكل صراحةرجعات التافتت كتسمع لكلام يعقوب بينما جبل حاضيها و كيطلع تنهيدات من القلب كيتسنى غير الفرصة باش يهضر معاها و كيبتاسم فنفسو حيت هي كتسول على مول المكتبة و هو راه جالس حداها نيت و بجنبها جاتو الضحكة فهاد اللحظة و رجع مربع يدو حتى هو كيسمع كلام يعقوب ...يعقوب: بغيت نقول بلي انا ماشي هو المالك الرسمي ديال المكتبة اللي شرا هاد المكتبة بغا يبقا متخفي وبلا ما تحاولو تبحثوا فالموضوع حيت ما عمركم غادي تقدرو تعرفو مولاها المهم انا هنا باش نقولكم بعض التغييرات اللي غادي يطرؤو على هاد المكتبة أولا المكتبة غادي تولي سميتها light و اللي كيعني بالعربية ضوء القمر (معنى اسم نورسين)و نبغي نبشركم الاجور ديالكم غادي يرتفاعو بالطريبل على كيف كانو...فهاد اللحظة ناض كلشي كيصفق على كلامو شحال و هما تابعين العلوي يزيدهم فالخلصة و دابا تحقق حلم جميع العمال حتى من نورسين بدات تصفق من جدر عقلها و الضحكة واصلة ليها حتى لودنين و أخيرا غاتزادهم فالخلصة و غاتولي قادرة دير شحال من حاجة و توفر لراسها الفلوس باش حتى هي تهتم براسها بحال كنزة و ماشي بعيد يوليو يجيوها الخطاب و تهنى من كلمة "بايرة " هادشي اللي طاح فبالها فهاد اللحظة و التافت كتشوف فسلمى و كتكلم بكل عفوية فرحانة ...نورسين: سمعتي قالك غايزيدونا فالخلصة الله و أخيرا الله يعطي الخير لمول هاد المكتبة يا ختي حبيتو فين كان مخبي من زمان فين كان