قصة جبل - نورسين ( بالدارجة المغربية )

💛 الفصل 34💛

جبل نورسين الجزء 145:الصدمة كانت قوية على قلب كاميليا و نورسين ما كانتش أقل منها... الصدمة صمكاتها لدرجة كتقول واش انا فالواقع و لا راني كنحلم واش جبل قال عليها مراتي و لا غير جابو ليها ودنيها كتحس براسها غاتسخف فأي لحظة طيح لأرض ... ياكما غير سكرة اللي لاحسة ليه دماغو ؟؟ و لا ياكما حيت باغي يتفك من كاميليا حيت باين ما حاملهاش و قالها هاد الهضرة بزاف دالاحتمالات طاحو عليها دقة وحدة و لكن الحاجة اللي كتكرر فودنيها هي ديك كلمة مراتي اللي كانت كتمنى تسمعها من فم شي راجل و تكون حتى هي بدارها و براجلها خرجات من فم جبل الشخص اللي كتحتارمو و تقدرو لدرجة ما ثيقاتش راسها ...كاميليا بقوة الحرقة اللي كتحس بيها فهاد اللحظة بدات كتضحك فوجهو بهيستيرية كيف شي هبيلة كضحك باش ما يتسوطاش ليها شي عرق فراس كتضحك و تكركر و دموع كايهبطو ليها مع الضحك شيئان متناقضان ترسمو على وجهها البكاء و الضحك كتحس بقلبها كيتعصر كيفاش مراتو واش باغي يحمقها باشمن حق مراتو هي اللي كتستاحق تكون مراتو و تولد ليه و تنعس معاه ففراش واحد ما من حق تا وحدة تاخد بلاصتها واش هي اللي دوزات معاه شحال من حاجة و بنات و علات باش فالتالي يقول ليها هاد الهضرة مع العلم انه كان كيتصرف معاها كيف ختو أو صديقتو هي اللي ترجمات تصرفاتو على اساس كيبغيها حتى خرجات على راسها و رجعات مريضة بيه ....حبسات من الضحك تدريجيا و شافت فيه و قالت بنبرة صوت باين فيها غيرة و حقد ...كاميليا : مبروك عليكشافت فنورسين ما كرهاتش تطير عليها فهاد اللحظة تجرها من شعرها و لا تشتف عليها و لا تقتلها كاع تمحي الأثر ديالها من الوجود و الله ما كرهات تعفس عليها ولا تخنقها حتى تخرج روحها و تهنى منها باش تزول من طريقها بما ان جبل قال بلي هي مراتو الا و انها كتعني ليه بزاف و هي عارفة جبل ما كيخرج الكلام من فمو حتى كايكون نيت قاصدو ...كاميليا: غير هو بقا تختار مزيان أ ولد عمتيغمزاتو و عطاتو بالضهر حتى وصلات لباب و بقات واقفة كتفكر شنو دير ليها باش تبرد هاد الفقصة اللي لداخل فقلبها و مع هي مشرارة ما كترتاح حتى كتبرد دقتها ...جبل لمحها بقات واقفة فالباب عاطياهم بالضهر صغر عينو فيها عرفها ناوية على شي مصيبة كحلة انتابه لديك القرعة ديال الشراب كانت مزيرة عليها بيديها ما ارتاحش جبل لديك الشدة اللي دايرة ليها ..رجعات ضارت كاميليا لعندو و هزات القرعة من فوق كتفها كأنها كتستاعد تلوحها و بنظرات شرانية رمقات نورسين اللي كانت مسكينة واقفة كتهز عين و تحط لخرى كتحس بداتها كترعد باغا غير تمشي بحالها ..جبل طرطق عينو فكاميليا فالبلاصة فهم لايش كتخطط بلوحة باش غاتلوحها جبل تلاح على نورسين معنقها ضربات القرعة فالحيط اللي قريب لنورسين و من سوء الحظ ترش الزاج و تحشى لجبل فضهرو بحكم كان عريان من لفوق غمض عينو من شدة الألم و رجع حلهم هو ما باغيش غير نورسين تقاس اما هو ما عندو غراض فراسو ...كاميليا غير استوعبات شنو دارت و هي تخرج بحالتها هربات عرفات جبل ما غايرحمهاش ؛ على الاقل شفات غليلها بشي حاجة سوا جات ضربة فيه و لا فنورسين يستاهلو حيت جبل اللي وصلها لهاد المرحلة ما بقات عارفة راسها شنو كتدير الغيرة عمات ليها عينيها ....بينما نورسين فين هي نورسين صدمة و الخوف و الرهبة تجمعو عليها كلشي تعرم عليها دقة وحدة لدرجة كتحس براسها ما بقا ليها والو و طيح ندمات اشد ندم علاش هبطات عندو و علاش عرفاتو نهار لول ؛ استوعبات بلي راها بين احضانو و حسات بيديه كيمررها على شعرها بلطف و هي بديك الخوف زادت تحشات فيه كيف شي طفلة كتقلب على الأمان ديالها حتى هي كانت محتاجة هاد الحضن باغا غير ترتاح ما كرهاتش يكون هادشي اللي دوزات بمثابة حلم و ماماها غاتفيقها فأي لحظة باش تمشي تخدم فمكتبتها ....بينما جبل غير حس بيها تحشات فيه حس براحة نفسية كبيرة كاع داك الالم اللي كايحس بيه فظهرو إختفى ما كدبش فاش قال هي دواه ؛ معاها كيترفع على العالم بقربها كلشي زوين لدرجة ما كرهش يشكر كاميليا حيت ضربات بديك القرعة ديال الزاج حيت بفضلها هي دابا فحضنو زاد زير عليها كأنه باغي يخشيها فقلبو و يخبيها على العالم محتاج يسمع صوت نبضات قلبها كأنهم كيحييوه من جديد عاد كيشعر براسو إنسان ....حس بيها كترعد فيدو بحال شي واحد بللاتو الشتاء فجو بارد و قارس الشيئ اللي خلاه يهمس بصوت حنون فودنيها قصد تهدئتها ...جبل : ما دام انا معاك عمرك تخافيأنا موطنك حين تغترب بكي كل الأشياء~جبل الإبراهيمي ~