قصة جبل - نورسين ( بالدارجة المغربية )

💛 الفصل 28 💛

جبل نورسين الفصل 2: هوسي أنت يا حبيبتيالجزء 181 :اتاسعو عيون جبل بصدمة فاش لمح نورسين مع طفلة صغيرة جدا فبيتهم طفلة كتحمق آية فالجمال ماسكة بالونة فيدها أما نورسين طالقة ليها موسيقى ديال 《بابا جاب لي بلون 》 وديك البنيتة كتصفق بيديها و كتضحك مع نورسين عويناتها فلون الرمادي دات بشرة بيضاء صافية كي جبينة لابسة فستان قصير وردي مع لهاية او سكاتة محطوطة ففمها ...جبل ما فهمش شكون هاد الطفلة الصغيرة لذلك قال باستغراب ...جبل : نورسيننورسين كانت عاطياه بضهر و مجهدة لموسيقى ما سمعاتوش كتلعب مع الطفلة الصغيرة عجبو منظرهم فاكتفى بنظر اليهن بعيون تلمع حبا حتى ناضت كتبكي طفلة الصغيرة لذلك نورسين طفات الموسيقى و هزاتها لعندها بين أحضانها و قالت بضجر ....نورسين : اوووف واشنو ندير ليك أصاحبتي من صباح و نتي طالقة حلوقاتك باينة غاطلعي بحال عمك كضربي البندير ههه ياك أ الكتكوتة ياك أمامي ياكالبرهوشة غير ما كتزيد تبكي ليها جبل بقا واقف حدا الباب و مصدوم و كيقول مع نفسو شكون هاد البنت اللي مع نورسين تقدم بخطوات بطيئة و وقف بجانبها و قال بحب و عيونو موجهها لملاك الصغير اللي بين يدين محبوبة قلبو ....جبل : حبيبينورسين ضورات وجهها و هي تلمح جبل واقف وداير يدو فجيبو و كيشوف فالبنيتة صغير ة باستغراب لذلك ابتاسمت ليه و بدات تراري بالبنت واخا ما بغاتش تسكت ليها و قالت ....نورسين : جبيلو فوقاش جيتي ؟؟؟جبل : [بفضول ] شكون هاد البنت اللي فيديكنورسين : من صباح و هي تبكي أشداني نجيبها أشدانيجبل طلق يدو لديك الكتكوتة صغيورة و فجأة سكتات و بقات كتشوف فيه كأنها ماشي هي اللي كانت طالقة حلوقاتها قبل قليل ؛ جبل عجباتو الطفلة و قال بهدوء....جبل : واش ممكن تجي عندي ؟؟نورسين : بطبيعة الحال هاكها ها هيعطاتو لبريهيشة و هزها فيدو ضمها لصدرو و مشاء الله سكتات و هي بين يديه خاصة فاش مرر يدو بحب على ضهرها فحين نورسين قرنات حجبانها بغير رضى نطقات ...نورسين : شوووفلك البرهوشة من صباح و هي فيدي حرام واش بغات تسكتجبل جلس من فوق السرير و حط البنيتة صغيورة فوق رجلو دغدغها فبطنها الشيئ اللي خلا البنيتة كضحك حتى كيتغمضو عويناتها ببراءة و جبل شحال حمقاتو ضحكتها لذلك ما حدها هي كتضحك ما حدو هو كيضحك معاها حتى وضعات يديداتها صغيورين على لحيتو الرطيطبة عجباتها حسات بيها ناعمى الشيئ اللي خلا نورسين تثور غضبا ...نورسين : لاااااا و الله حتى بزاااف واشنو درتي ليها أعباد الله وا انا من صباح و انا نضحك معاها و نهرها حرام واش بغات تبتاسم البرهوشة لخرى شوف نتا كيفاش كتضحك معاكجبل هز راسو شاف فنورسين و قال بحنان ....جبل : زوينة بزااف مشاء اللهضمها لعندو و قبل جبينها بحب و قال ...جبل: شنو سميتها ؟؟؟نورسين : لامارجبل : تبارك الله سميتها زوينة بحالهاجبل ناض من فوق سرير خارج من البيت حاط راس لامار على صدرو وهازها و كيبوس فراسها و كيضحك معاها فحين نورسين ضربات الارض برجليها و نطقات مع نفسها بغيرة ....نورسين : شو فيلك جبيلو غير شاف ديك البرهوشة ما داهاش حتى فيا تفوووخرجات من البيت و هبطات لعندو لطابق السفلي و هي تلمحو هازها عندو كيتأمل فيها و كيضحك وحتى البنيتة كتشوف فيه و كضحك و حاطة يديها على لحيتو عجباتها واضح ان الطفلة صغيرة خطفات قلب جبل الشيئ اللي خلا نورسين تغير بعض الشيئ لذلك تقدمات بخطوات مسرعة خطفاتها ليه من يديه هزاتها عندها خنزرات فيه الشيئ اللي دفع جبل يقول باستفسار ....جبل : نووورسين مالك ؟نورسين طال صمتها لثواني عاد قالت بطفولية ....نورسين: ياك أجبل ياك كتقولي نورسين حرفية فين مشات العسيلة ديالي و ملاكي طاهر و حبيبة و الكبيدة و العمر و زمر كلشي طار منين شفتي هاد البرهوشة