قصة جبل - نورسين ( بالدارجة المغربية )

💛 الفصل السادس💛

الفصل 1: جبل نورسين الجزء 16 :تقدمات المسؤولة وهوما تابعينها من اللور كي العسكر كانو حوالي 20 بنت دخلوا لاصال اللي غادي يتقام فيها الحفل الخيري اللي هو عبارة عن مزاد علني غادي يجيبوا اثار قديمة لوحات لفنانين مشهورين اسلحة مجوهرات ...وغادي يبيعوها و دوك الفلوس غادي يتصيفطوا لجمعيات الخيرية كانت لاصال عامرة بالفنانين والمشاهير وبعض الوزراء والشخصيات المهمة المرموقة فالبلاد ...نورسين كانت غير حالة فمها فداك الكم الهائل ديال الناس خصوصا لانها شافت فنانين وممثلين و مغنيين مغاربة بقات غير كتشوف فيهم و كتضحك عمرها توقعات غادي تشوفهم مباشرة ماكرهتش تصور معاهم و لكن ما تقدرش ممنوع تحرك من مكانها حتى تؤدن ليها الريسبونسبال البنات تستفو حدا الباب حيت غايبدا المزاد العلني و خاصهم يكونو حاضرين باش يسربيو الا حتاج شي واحد شي حاجة ...تسمع صوت واحد الشخص واقف فالمنصة الخشبية حدا منبر خشبي عصري عمرو في حدود ربعينات لابس نظارات طبية كان لابس كوستيم ابيض كيلقي الخطابالشيئ اللي خلا كلشي يلتافت ليه ...الشخص: سيداتي ساداتي يسعدني و يشرفني انني نكون من ضمن المزاد العلني اللي عندو هدف خيري اللي كيفما عودناكم و فكل سنة كيتقام فأكبر اوطيل فشمال إفريقيا أوطيل موسيو الابراهيمي هاد المزاد العلني كيفما كتعرفو كيتنظم لجمع التبرعات لناس المحتاجة وكيفما عودنا موسيو ابراهيمي غادي يتفضل يلقي الخطاب ديالوتعالات تصفيقات الحاضرين و وقف واحد الشخص اللي كان جالس فالصف الامامي فالوسط على واحد الكرسي مميز كأنه كرسي ملكي ...تقدم بخطوات ثابتة كيبان من ضهرو العريض انه كيتمتع ببنية جسدية جميلة كان لابس كوستيم اسود مع قميجة بيضة ناصحة بلا كرافاط طلع فدرجات المنصة بخطوات موزونة تقول كل خطوة كيدرسها قبل ما يخطيها ...بالدورة باش كيدور بانت ملامح الصدمة على وجه نورسين لدرجة ما بقاتش قادرة ترمش مزال الكلام ما بقاتش عارفة تخرجو حسات بحال الدنيا كتلعب بيها رجليها فشلو نطقات بصوت خافت متقطع بحراااا كيتسمع ...نورسين : ج..جبلالبنات اللي واقفين حداها كلهم كيضحكوا ويتغامزوا اما نورسين مرفوعة ما عرفت باش تبلات و تفكيرها كيتمحور حول جبل اللي صدق صاحب أكبر اوطيل فشمال إفريقيا على حسب ما سمعات ياك هو نفسو الشخص جارهم الجديد و هو نفسو الشخص اللي شافت معاه كاميليا بنيس فالصباح و كدبات عينيها و هو نفسو الشخص اللي جا عندها فالصباح للمكتبة و دابا طلع يلقي الخطاب على أساس هو صاحب أكبر اوطيل فشمال إفريقيا أش هاد التخربيق أش غايكون كيدير شخص بهاد الثراء الفاحش فعمارتهم اللي جاية فحي شعبي ؟؟ هادشي كيعارض المنطق شخص بحالو من المفروض يكون ما كيعرفش احياء بحال ديالها بقا غير يعيش فيهم ؟؟ ....حسات براسها بحال عايشة فشي فيلم افكار تديها و أفكار تجيبها و ما مصدقاش شنو كتشوف عينيها حسات براسها كيزدح بقوة التفكير و زادها الحريق اللي جهاد هاد المرة فكرشها حتى بدات تحس بحال سكاكن كيتحشاو فبطنها كيبان ليها جبل فوق الخشبة كيهضر و يحرك شنايفو و لكن ما كتسمعوش بقوة الحريق لوات ديال بصح