قصة جبل - نورسين ( بالدارجة المغربية )

💛 الفصل 101💛

جبل نورسينالجزء 522:ربيع بمجرد ما لمح سيارة شرطة واقفة جمد فبلاصتو و عينو اتاسعو بصدمة خاصة فاش شاف نظرات نارية غاضبة من طرف رجل طويل و صحيح باينة شخصية و لحية اللي مزينة ذقنو و لباسو الانيق واضح انه ماشي شخص عادي بينما نورسين بجنبو مازال كاضحك حتى شافت ربيع وقف و كيشوف فاتجاه واحد ما كيرمش الشيئ اللي خلاها تستغرب و تلفت لجهة اللي كيشوف فيها ربيع باش ترضي فضولها بمجرد ما ضورات وجهها وقعات عينيها على الشخص اللي كيخلي قلبها ينتافض داخل صدرها كأنه يعيد له الحياة ابتاسمت بحب و اتاجهت لعندو بسرعة قطعات شانطي و تمشات بكعبها العالي حتى وقفات اونفاص مع جبل اللي كان متكي على امام سيارة و واضع يدو عليها و حاط اليد الاخرى على الشق الأيسر من صدرو ، نورسين ابتاسمت ببراءة و ما عرفات كيف دير تصرف واش تعنقو واش تقبلو واش تبقى واقفة ثابتة عادي مازال ما زاعماش عليه انتابهت ليدو الموضوعة على صدرو تخلعات خافت لاتكون واقعة ليه شي حاجة لذلك نطقات بتوتر ....نورسين: جبل مالك ؟؟؟جبل حيد يدو من صدرو و تقاد فالوقفة ربع يدو بغا يهضر و هو ينطق يوسف صديقو اللي كان واقف من مور نورسين ....يوسف : كنظن البنت اللي كنتي كتقلب عليها جات على سلامتكنورسين بمجرد ما سمعات صوت غريب عليها التافتت شافت فيه ابتاسمت ليه و حركات راسها كأنها تلقي تحية عليه انتابهت لسيارة الشرطة واقفة من وراء الشخص اللي تكلم فهمات بلي جبل تشوش عليها لدرجة استدعى رجال أمن لذلك التافتت عند جبل و نطقات بسرعة....نورسين: واش عيطتي لبوليس يصحاب ليك تلفت ؟؟؟جبل ما جاوبهاش التافت لعند ربيع اللي بقا واقف كيشوف فيهم من البعيد و رجع شاف فعيون نورسين هز يدو مشير بصبعو لاتجاه ربيع و نطق بصرامة و بملامح غاضبة تثير الرعب في نفوس ..جبل : شكون هداك ؟؟؟نورسين التافتت شافت فربيع و رجعات شافت فجبل هزات كتافها و قالت بعفوية ....نورسين : هداك ربيعجبل هز حجبانو بمعنى "ياااااك" عض على شنايفو كيبرد فيهم الحر الغيرة و الاعصاب و نطق تحت سنانو بنبرة لاتبشر بالخير كأنه هدوء ما قبل العاصفة ....جبل : مزيان عيطي ليه نتعرف عليهنورسين ابتاسمت و قالت بعفوية لطيفة ...نورسين: واخا عرفتي ربيع ضريف بزاف و الله كايقرا معايا غايعجبكجبل حرك راسو بالايجاب و هبط عينو لارض نار مشتعلة بداخلو بلا حطب و كأن كل خلية داخل جسمو كتمزق خاصة فاش سمع صوت ذكر آخر ينساب بين شفتيها و كاتناديه بعفوية و كتمدحو حقا تمنى الموت ولا هاد الاحاسيس الميمتة القاتلة كأن قلبو كينزف الم رهيب لا يطاق تمنى يصرخ يضرب و يهرس و لكن ما قادرش حيت مزال ما قادر يبين حبو ليها حتى يضمنها بالقدر اللي كيبان ليه كافي باش ما تسمحش فيه حقا أصبح مجنون رسمي ....نورسين نادات ربيع بصراخ و حركات يديها بمعنى "قرب"....نورسين: ربيييع أجيربيع اللي كان واقف فضفة الاخرى لفت انتباهو الشخص اللي واقف مع نورسين واضح انه شخصية مهمة غير من سيارة اللي متكي عليها لدرجة ظن بلي غايكون كوميسير بديك طولة و تجريدة ديالو الخوف دخل ليه مع العظام خاصة فاش شاف نورسين كتناديه كأنه ندم علاش اللي ما هربش بحالتو بغا يهرب و لكن خاف يزيد يكبتها على راسو داكشي علاش دارها فيد الله و قطع شانطي تمشى حتى وقف حدا نورسين صرط ريقو بصعوبة فاش حس بنظرات اللي كيدير فيه ماشي طبيعيين بل مخيفين يثيرون الرعب لذلك قال بتلعثم ...ربيع : س..سلام أسيديجبل بلا ما يفكر جوج مرات و كأن قلبو اللي تحكم فيه بهاد اللحظة مد يدو و شنق على ربيع من شوميز اللي لابس حتى هزو من الارض و قال بصراخ نابع من قلب غيور متملك مهووس .....جبل : شنو كدير معااااها ؟؟؟ و شكون نتا أصلن ؟؟؟ شكون عطاك الحق تهضر معاها ؟؟؟ فين ديتيها ؟؟؟؟ هضر و لا كنقسم برب الكعبة حتى ندفنك و نتا حينورسين تصدمات بقات ثابتة مكانها ما توقعتاش ردة فعلو غاتكون بهاد الانفعال و بهاد الغضب انفاجر فوجه ربيع بطريقة خايبة بزاف لدرجة نطقات بخوف ....نورسين: حرام عليك أ جبل و الله ما دار ليا شي حاجة طلق منو عفاك انا غانفهمك كلشيجبل بقا شانق على ربيع و نقل نظراتو لنورسين و نطق بعصبية ....جبل : طلعي لطوموبيل نفاريها معاه و ديك ساعة فهمينينورسين : و غير طلق منو راه الا ما طلقتيش منو ما غانطلعش لطوموبيل الولد ما صرف فيا غير الخير و الله و شوف نتا باش كتجازيه حرام عليكربيع نطق بتلعثم بقوة الخوف اللي ركبو من جبل حقا رعبو و رهبو ....ربيع : غ..غير سيري أختي طلعي يفاريها معايا و يجي عندك ؛ راه باين فيه ضريف مسكين يضربني و ما يخلي لي يضربني