قصة جبل - نورسين ( بالدارجة المغربية )

💛 الفصل 75💛

جبل نورسين الجزء 369 :نورسين حسات بالإحراج بعض الشيئ من كلام سارة و لكن شافت فيها و جاوباتوها ...نورسين : [بابتسامة ] رجال كلهم عندهم اللحية ماشي غير جبل أ الغزالة ديالينقلات نظراتها ليهم و قالت كأنها باغا تهرب من الموقف المحرج اللي لقات راسها فيه مجددا ...نورسين: غادي نجيب الموس باش نقطعو لاطارطعطاتهم بالضهر و انصارفت نورسين بطالونها اللي كيقرقب خلات أنظار جبل متبعنيها بلهفة و بشهوة و بحب لبستها كانت عبارة على تنورة سوداء ديال الجلد مع بودي احمر و عليه جيلي جاتها لبيسة زوينة بزاف و حتى من المايكاب و تسريحة شعر صرعاتها ليها سلمى جاتها الإطلالة شيك و أنيقة حقا سرقات الأضواء هاد ليلة ....ما هي الاثواني قليلة حتى رجعات بسكين كبير فيديها بعض الشيئ مزين بشريط أحمر كانو موجدينه فالكوزينة ؛ قربات حتى وقفات على رأس الطاولة بغات تبدا تقطع و هي تشوف فجبل اللي لقاتو كيشوف فيها بنظرات أربكها بيهم و زعزع قلبها من بلاصتو من خلالهم نظرات فشكل نظرات مميزة إختارقو قلبها إبتاسمت ليه بتوتر و قالت ....نورسين: جبل ڭاع ما تصورتي مع لاطارطجبل ابتاسم ليها بحب و جاوبها بهدوء و بحنان فصوتو...جبل : ما عنديش مع تصاوريعقوب كياكل فالغاطو و كيهضر ...يعقوب: نوض تصور مالك أ صاحبي و منها جرب الكام ديال التيليفون اللي شريتي لنورسين كيف دايرةلحظة صمت اجتاحت المكان خاصة نورسين اللي جمدات مكانها فاش سمعات كلام يعقوب و نطقات بصدمة كأنها ما مثيقاش شنو قال يعقوب ...نورسين: شنو أ..أشمن تيليفون ؟؟؟يعقوب: جبل شرا ليك جوال أبو تفاحة عرفتيه هداك اللي كتكون فيه تفاحة معضوضةنورسين: [بصدمة ] أيفونيعقوب: ههه هو هداك شرا ليك يا لالا آخر ما غنات أم كلثوم فالأيفوناتنورسين نقلات نظرها لجبل و قالت بصدمة ....نورسين : واش بصح ؟؟؟جبل حرك راسو بالايجاب مع ابتسامة و حنى راسو ما بغاش يطول فيها الشوفة حيت كيحس براسو كيترفع و ممكن ينطق بشي حاجة تفرشو حيت نظراتها كيسكروه و الله حرم كل ما يدهب العقل اللهم يهبط عينو قبل ما يطيح فما لا يحمد عقباه ....يعقوب وقف و قال موجه نظراتو لجبل ...يعقوب : فين حطيتي téléphone ديال سيدةجبل : فالطوموبيليعقوب : غانمشي نجيبو و نتصورو بيه ندشنوه ليكانصارف يعقوب كيضحك بينما نورسين بقات واقفة ما مثيقاش بلي غايرجع عندها أيفون بقات كتشوف فجبل نظرات امتنان و نطقات بحب ...نورسين: شكرا بزاف و الله علاش عدبتي راسكجبل : [بابتسامة ] تستاهلي كل خيرياسمين : بصحتك أ بنتي مزيان نيت باش نبقاو نعيطو ليك الا خرجتي و منها تلهاي بيهعبد المالك: من الواجب عليه يتهلا فيك و يشري ليك اللي بغيتي على شحال عندنا من نورسين حناياسمين : عندنا غير وحيدةنورسين تغرغرو عينيها بدموع حيت هي ما مولفاش بهاد الإهتمام و الحنان عائلتها البيولوجية عمرها ما حسات معاهم بهاد الأحاسيس الزوينة اللي كتشعر بيهم مع هاد العائلة اللي حاطينها فوق راسهم و دايرين ليها كي الما القليل ما عرفاتش كيفاش تجازيهم و كيفاش تشكرهم و كيفاش ترجع ليهم خيرهم و وقفتهم معاها كيعطيوها بدون مقابل ما هو مادي و ما هو معنوي حسات بواحد راحة نفسية عمرها حساتها فحياتها ...ما هي الا دقائق قليلة حتى دخل يعقوب هاز التيليفون اللي خدا جبل و قال بصوتو الرجولي بمزاح ...يعقوب : هانا نعام لالا ها جوال أبو تفاحة ديالك بصحتك و راحتكنورسين خدات من عند يعقوب الكارطونة ديال تيليفون و ضحكات عاجبها الحال حتى نطقات جوهرة مقفزاها ...جوهرة : no way أيفون 12 pro maxشافت جوهرة فجبل و دلات شنيفاتها بطفولية و بدلال ...جوهرة : حشومة عليك و انا فين ديالي ؟؟جبل ابتاسم و وجه نظراتو لجوهرة و قال بصرامة مخفية فنبرة صوتو قدرات تستشعرها جوهرة ...جبل : اعتادرتي من نورسين على سوء الفهم اللي كان وقع ؟؟جوهرة حركات راسها بالايجاب و شافت فنورسين مع ضحيكة مزينة ملامح وجهها الجميلة جدا ...جوهرة : وي اعتادرت ليها و تصالحنا ياك أ نورسين ؟؟نورسين حركات راسها بالايجاب مؤيدة كلامها و وجهات نظراتها لجبل ...نورسين: حنا ما كناش مدابزين غير جوهرة رحبات بيا بطريقتها قلبها أبيض ما يمكنش بنت تربى على يد جبل و ما تكونش ملاكجبل عض على شنايفو و هو كيسمع كلام الغزل من محبوبة قلبو نورسين يا الله و على كلام كايخرج من فمها كلماتها كتنتاقيها بإحساس و برقي كيدغدغ قلبو و كأنها كتعزف بكلامها على فؤادو بلحن جميل جدا كيطربو و كيخليه يحس بسعادة و كأنه محلق فالسما مؤخرا كيحس بيها تغيرات بزاف فطريقة كلامها كتلوح ليه كلمات زوينة بزااف كتبين مدى إعجابها بيه و بشخصيتو و بحنانو عليها ...و ما أجملها تلك الأنوثة الممتزجة برقي كلماتهاFatima zahra ouba