قصة جبل - نورسين ( بالدارجة المغربية )

💛 الفصل 116💛

الجزء 622 :نورسين دلات شنيفاتها بطفولية و قالت ببراءة ...نورسين: سمح ليا و الله ما نعاود درت غلط و كنعتادر عليه ما قصدتش نفقصك غير كون راضي عليا و ما مقلقش مني عفاكجبل حنى راسو لارض و بقا ساكت مدة حتى حس بيديها مسكات يدو فاضطر انه يرفع راسو بسرعة شاف فعينيها فحين نورسين راسمة ملامح البراءة على وجهها لدرجة خلاتو غير ساهي فيها و كيتأمل ملامحها التي تعصف بيه الى عالم يحكمه الحب و العشق ....نورسين: عفاكجبل عجبو دلال و الفشوش و كيفاش كترجاه يسامحها رغم انه مسامحها و عارف بلي مزال برهوشة فدماغها و كدير الخطوات بلا ما درسها و لكن شنو غايدير قلبو كايسامحها بسرعة واخا دير اللي دارت كتبقى بنت قلبو ديك طفلة صغيرة اللي تلاقاها تحت من شجرة ليلك و عطاتو أمل و غرسات فيه الحب و نقداتو من الانتحار غير هاد السبب كافي باش انه يبقى مدين ليها العمر كامل و لكن لا بد يوبخها قليلا باش ما تكررش الفعل ديالها و لا دير ما كفس منو لذلك قال ...جبل : عارفة شنو هي تكوني امرأة مزوجة و تخرجي مع راجل ما كتربطك معاه حتى علاقة ماشي خوك ماشي باك ماشي جدك ماشي خالك وماشي عمك اي ماشي من المحارم ديالك هادشي أبنتي ما كيبغيه لا ربي ولا عبدو نهار تكوني مسؤولة فحياتك ديك ساعة غادي نسامحك خاصك تفهمي واحد الحاجة بلي أي مشكل طحتي فيه خاصك تفكري فيا انا لول انا اللي قادر نحلهوم ماشي كلب ديال الخلا بحال داك أنور دخلي هدرتي فراسكنورسين غلبوها دموعها اللي نزلو من عينيها و انسابو على خدودها و نطقات بحزن ...نورسين : جبل عفاك ضربني و ما تقوليش هاد الهدرة انا عارفة راسي غلطت و كنطلب منك سماحة الله يخليك ما تعاملش معايا بهاد البرود و ما تقوليش هاد الكلام كتحسسني بتأنيب الضميرجبل : ما نقدرش نضربك نتمنى تقطع يدي قبل ما تحط على لحمك انا ماشي شماتة باش نهز يدي عليك ما عمري تعاملت معاك ببرود انا باغي نشوفك مسؤولة فحياتك و ماشي لي ضحك ليك فوجهك راه حبيبك خاصك تمشي فحياتك بهاد المبدأ ماشي اللي عرا لك على نيابو راه كيضحك ليك يقدر يكون ديب باغي غير فوقاش ينهش لحمك انا قلبي ضعيف انورسين و الاعمار فيد الله تصوري شي نهار نموت و تبقاي بوحدك راه و الله حتى يلعبوا عليك العشرة انا باغيك توعاينورسين عوجات فمها و مسحات دموعها و اتاجهت وقفات امام لابسين و ضورات وجهها شافت فيه و قالت بعفوية....نورسين: الا ما سامحتينيش غادي انتاحرجبل ضهرات ابتسامة على وجهو و مد يدو فالفضاء و قال بكل هدوء....جبل: تفضلينورسين هزات حجبانها و نطقات بصوتها الانثوي ...نورسين : ياك زعما ما عندك غراض فيا غير نتلاح ؟؟؟جبل هز كتافو بعدم اكتراث و نطق ...جبل : اللي بغا جهنم الله يعطيها ليهنورسين ابتاسمت بحب و نطقات بطفولية مرققة صوتها ...نورسين: و تقدر تسخى بيا همم ؟؟؟جبل عض على شنايفو و اتاجه لعندها بخطوات بطيئة حتى وقف بجانبها و نطق بحنان ....جبل: و نتي اللي باغا تنتاحري سخيتي بيا ؟؟؟نورسين حركات راسها بالنفي و طلعات نفس بهدوء و قالت بعصبية ....نورسين: دابا واش غاتسمح ليا و لالا ؟؟؟جبل حرك راسو بنفي و تلاح بداخل لابيسين كيجدف و كيسبح بكل احترافية خلا نورسين غير كتشوف فيه حتى طلع راسو من المسبح و مرر يدو على شعرو بطريقة مثيرة نورسين غير كتصرط ريقها و كاتشوف بعويناتها و هي تنطق بصوت مرتافع باش يسمعها ...نورسين : أنا أصلن بغيتك تسمح ليا غير باش تعلمني نعومجبل قرب حتى وصل حداها و حط يدو بجوج على حواف المسبح و قال مع ابتسامة...جبل: نزلي باش نعلمكنورسين اتاسعو عينيها و نطقات بفرح ...نورسين: هي سامحتني ياكجبل : دابا نزلي و نشوفو المسامحة من بعدنورسين حنات لارض و غمرات رجليها فالماء و بقات جالسة بجانب لابسين ما دخلاتش و قالت بخوف ...نورسين : كنخاف من الماجبل : معروفة عليك تخافي ما تحشمينورسين حشات يديها فالما و رشاتو لوجهو و نطقات بعصبية ...نورسين: يالاهطلقات ليه لسانها بطفولية فحين جبل مرر يدو على وجهو مسحها من الما و قال بابتسامة ماكرة ...جبل: واخا على خاطركتحشى تحت المياه كيسبح و هي متبعاه بعينيها حتى واحد لحظة سهات فالفراغ و ما هي الا ثواني قليلة حسات برجليها تجرات من تحت الما و طاحت فيه لذلك صرخات بأعلى صوت فحين جبل مسكها من خصرها و هي تشبط فيه فالبلاصة ملاصق صدرو على صدرها و مضورة يديها على عنقو و رجليها على ضهرو و قالت بخوف ....نورسين: ياك أ البانضي ياكجبل ابتاسم بمكر و نطق ...جبل : يا بغيتي نسامحك غير هاكاك ما يمكنش