قصة جبل - نورسين ( بالدارجة المغربية )

💛 الفصل 56💛

جبل نورسين الجزء 265 :نورسين بقات كتشوف فيه مافهماتوش ؛ صغرات عويناتها فيه بطريقة كيوت و جاوباتو بابتسامة ...نورسين: عرفتي شنو أنا غانتعلم السبليونية خصيصا باش نفهم كلامك عنداك غير تكون كتعايرني و انا فدار غفلونجبل ضحك على كلامها حتى بانو سنيناتو المستفين البويض كعقد لؤلؤ و جاوبها بابتسامتو المعتادة و بصوتو الهادئ ....جبل : ما كنعايركش غير كيعجبني نهضر مرة مرة ب الإيسبانيول و الا تعلمتي ليها غانرجع نهضر بالإنڭليشنورسين: ها إدن ما باغينيش نفهم و لابسجبل حرك راسو بالايجاب مع إبتسامة مزينة وجهو قال ...جبل : بحال هاكاكنورسين: و علاش ؟؟جبل : [ بهمس ] خليه سرنورسين حركات راسها بالايجاب مبتاسمة و التافتت شافت فمعرض الألعاب و قالت بعفوية ...نورسين: كن ما غضباتش سارة كن لعبت معاها شويةجبل كيشوف فيها بطريقة مميزة بزاف خرجات تنهيدة من اعماقو و قال ....جبل: دابا نرجعو إن شاء الله مرة أخرى غير انا و ياكنورسين ضارت شافت فيه و بخجل جاوباتو بعد مدة صمت ...نورسين : ما عرفتش شنو ندير باش نرجع ليك شوية من الخير اللي داير فيا أ جبل و اللهجبل : خليك ديما ضاحكةنورسين تعقد لسانها فهاد اللحظة ما عرفات ما تقول ليه من غير أن نبضات قلبها رجعو كيتسارعو كلما قال ليها شي كلمة جميلة و كأن كلامو كيترك آثار طيبة بداخلها و كيخليها تحس و كأنها طايرة فسما بلا جنحين أما عينيه كيسلبوها و كأنها كترجع بكماء أمامهم كتبغي غير تبقى تأمل فيهم ...جبل حل الباب الأمامي و قال بصوتو الرجولي الأجش اللي رجع كيزلزل كيانها و كتمناه غير فوقاش يهضر بصوتو اللي بمثابة نغمة موسيقية كيعزفها جبل و كتطرب قلب نورسين كلما سمع مقطوعة منها كيطالب بالمزيد ..جبل: تفضلينورسين حنات راسها و دخلات لسيارة وزدح جبل الباب عليها وابتاسم حيت هاد السهو المتكرر اللي بدات كتدير نورسين فيه خلاه يفهم بلي شي حاجة تحركات فقلبها إتجاهو ربما هي بداية خطوات الحب اللي خاصو يقطع مسيرة طويلة فقلب نورسين باش أ الله توصل لربع اللي كيحبها بيه ....ضرب الضورة وحل الباب بمجرد ماجلس فالمقعد التافتت شاف فسارة لقاها غمضات عينيها ونعسات عزات عليه حيت شفرانها مبللة باينة فيها باكية بينما نورسين حتى هي ضارت شافت فسارة لقاتها نائمة كالملاك تقول ماشي هي صاحبة لسان طويل اللي كتقيل تحرجها بيه ...نورسين:نعسات سارةجبل :مالوغزمون نعسات مقلقة علينورسين حقا كتشعر بجبل إنسان مراعي لمشاعر الأشخاص بزاف ما كيعجبوش الواحد يتقلق منو يا كبير يا صغير يا الله شنو هاد الشخصية الرائعة النادرة اللي كيمتالكها أكثر حاجة كتجدبها فيه هي هاد تفاصيل صغيرة اللي خلاتها تبدا تغرق فبحر حبو رويدا رويدا ...ديمارا جبل اللوطو وقلع بينما نورسين جاها إقتراح فبالها باش تصالحهم حيت هي سبب خصامهم مع بعضهم ...نورسين:أش بان ليك تشري ليها شي لعبة باش تصالح معاها ؟؟جبل شاف فيها ورجع شاف فطريق و قال ...جبل:فكرة زوينةنورسين: يعني دراري صغار عزاز عليهم الألعاب ضروري غير تشوفهم غاتصالح معاكجبل:وي سارة عزيز عليها بزاف الألعابنورسين:ها انا كبيرة و عزيز عليا الألعاب هههجبل : [بابتسامة ] ما بايناش فيك كبيرة صراحةنورسين شافت فيه و قالت بعفوية ....نورسين: كيفاش زعما هي انا كنبان برهوشة ياك هادشي اللي بغيتي تقصدجبل : لا ماشي برهوشة فعقلك و لا فتصرفاتك بغيت نقصد فيك البراءة ديال لي بيبي و ديال بنيتات صغار هادشي اللي بغيت نقصدنورسين عضات على شنايفها عاجباها هضرتو اللي كتدغدغ خلايا جسدها و كتخلي قلبها يرتاعش و يهتز من جمال كلماتو المختارة بعناية ليها ...عم الصمت بيناتهم حتى وقف جبل السيارة حدا محل بيع الألعاب نزل من اللوطو و حل لنورسين الباب و نزلات مبتاسمة حتى هي ولفات الفشوش و ما بقاتش كتحاول تحل الباب حيت عارفاه غايفتحو ليها ...سد الباب و حط يدو من مور ضهرها و زادو بجوج بيهم حتى وصلو للمحل و هو يلمح فتاة واقفة حدا الباب شابة زوينة لابسة كسيوة فاالأحمر طويلة سماطي مع كروسة ديال لي بيبي و حانية كتقاد لبيبي اللي فالكروسة لهاية بمجرد ما شافها ابتاسم حيت ما خافيش عليه وجهها بل كيعرفها مزيان ....جبل : سندسسمعات البنت سميتها و هي تهز راسها تشوف شكون هدا اللي ناداها بمجرد ما شافتو توسعو عينيها بطريقة عجيبة و نطقات حتى هي بصوتها الانثوي الرقيق ...سندس : جبلقرب جبل لعندها و عنقها بحرارة و حتى هي بادلاتو العناق بطريقة قوية ؛ بينما نورسين فغرات فاهها فمنظرهم و صرطات ريقها بصعوبة أحاسيس دخيلة مجددا حسات بيهم فقلبها بمجرد ما شافت هاد المنظر الجانب الأيسر من صدرها عطاها الحريق و كأن نبضاتو تخربقو غصة فحلقها ارتعاش فداتها و كأن العافية كتغلي بداخلها ما عرفاتش شنو هادشي كيوقع ليها و لكن ما عجبهاش المنظر بتاتا و بغات تعرف شكون هاد سندس و شنو علاقتها مع جبل فأسرع وقت ...