قصة جبل - نورسين ( بالدارجة المغربية )

💛 الفصل 72💛

جبل نورسين الجزء 354 :اتاجه جبل لناحية دريسنغ روم و كل ما كيقرب كيشم ريحتها لدرجة بدا كيحس بلي غير كيتخايل حيد الاحتمال ديال انها تكون هي حيت مستحيل تدخل نورسين لبيتو ...بمجرد ما وقف فباب غرفة تبديل الملابس حس بقلبو ارتاعش و كأن روح رجعات دبات فيه من جديد بقا واقف جامد من المنظر اللي كيشوف أمامو هادي بصح نورسين اللي واقفة داخل دريسنغ روم ديالو و عاطياه بالضهر و الغريب فالأمر لابسة قاميجة ديالو فالأبيض و مع كانت لابسة غير شويرط حد الفخيضات سيقانها كيبانو كيلمعو خاصة من بعد جلسة ليزر اللي نقات ليها داتها من شعر المتواجد بداتها و مع لون داتها الكراميلي كتبان مثيرة لأقصى الحدود ...جبل تشلل و تزيزن فهاد اللحظة ما بقاش قادر ينطق بحتى حرف اكتفى فقط بالمشاهدة لدرجة ما بقاش كيرمش كيحاول يستوعب المنظر اللي كيشوف امامو حيت بصح عمرو تصدم فحياتو قد هاد الصدمة اللي وقعات ليه دابا ...غمض عينو و عاود حلهم خاف يكون هدا غير حلم او سراب يتبخر فأي لحظة و لكن لا هادي حقيقة عايشها بصح نورسين متواجدة معاه فنفس البيت و لابسة شوميز ديالو و شعرها مطلوق واصل لنص ضهرها كتبان جدابة جدا لدرجة دوباتو و هادشي كايشوفها غير من ضهر مزال حتى ما تلاقات عينيها مع عينيه ....كيحس بدرجة الحرارة ديال داتو غادة و كطلع و كتعلى جبل كيقدر يتحكم فالغريزة الدكورية ديالو و لكن كيحس بحال بدا كيفقد زمام السيطرة على راسو لدرجة حل ازرار الشوميز من الفوق حيت كيحس بلي غريزتو بدات كتلعب عليه أما قلبو كينبض بقوة و كأنه يقيم إحتفال داخل قفصو الصدري ...بضورة باش ضارت نورسين كتلمح جبل واقف فباب البيت حلات عينيها على وسعهم و تراجعات بخطوة للوراء ماقدراتش ثيق بلي جبل واقف حداها و كتشوفو مباشرة ياك هو كان مسافر أش جابو لهنا ياكما هدا شي شبح تمثل ليها فسيفتو و مع هي كتآمن بالخرافات و بجنون و الأشباح حسات بدم تجمد فعروقها لدرجة بدات كلها كترعد داتها تنملات عليها لدرجة ما بقات قادرة لا تزيد لا ترجع الخلعة لعبات عليها و الفكرة ديال جنون أثرات عليها ...بينما جبل فين هو جبل بمجرد ما ضارت و شاف وجهها حس و كأنه ملك دنيا بحدافيرها توحشها بزاف و توحش هاد العوينات اللي كيشوفو فيه دابا توحش يشوفها و يحس بيها بقربو إشتاق يضمها و يتكلم معاها و ينصحها و يلعب دور الاب و الأخ و الصديق فحياتها و الله حتى بلا بيها كايكون غير جسد هي روحو و قلبو ما كيحس بالحياة رجعات ليه حتى كايشوفها بقربو و لكن حس بإرتباك لدرجة الكلام نشف فحلقو و تبخر ما بقا قادر يقول والو باغي غير يبقى يشوف فيها و فجمالها حتى تقوم القيامة ...فعلا تغيرات عليه بزاف من آخر مرة شافها زادت زيانت و صحاحت و بانت راحة فوجهها و هادشي اللي كان باغي غير تكون محبوبتو فرحانة و هي بين يدو ما طالبش بزاف حتى هو من هاد دنيا ...نورسين صرطات ريقها و زادت رجعات خطوة للوراءو كتحس بالبولة غاتنزل ليها بقوة الخلعة عينيها تجمعو فيهم دموع و داتها كترعد و كأنها طفلة بللاتها قطرات المطر فجو بارد الشيئ اللي لاحظو جبل ما فهمش مالها فهاد الحالة نطق بصوتو الرجولي و اخيرا بطريقة حنونة ...جبل : نورسينخطى خطوة بإتجاهها و هي ترجع بخطوة للور و بدات تهضر بسرعة ...نورسين :المعودتان ...المعودتان ...المعودتان ...قل اعود برب الفلق ..قل ...قل أعود برب الناسجبل وقف فمكانو فاش سمعها شنو كتقول و كأنه عرف شنو كيضور فبالها غلباتو الضحكة واخا ما فيه اللي يضحك عرفها خايفة منو حيت كتظنو شبح ...جبل : [حط يدو على صدرو ] انا جبل ما تخافيش نورسين واش كتسمعيني ؟؟نورسين بقوة الخلعة ما ثيقاتوش زادت خطات خطوات للوراء كتحاول تهدن بقات ساكتة كتشوف فيه و هو كايشوف فيها ما باغيش يزيد يقرب ليها حيت عرفها مخلوعة خلاها حتى تهدن جهد شي خمسة ديال دقايق و هي ساكتة و جبل عاطيها الخاطر حتى هو ما باغيش يهضر خاليها حتى تهدن على خاطرها حتى نطقات بتلعثم ...نورسين: ياك... نتا جبل اللي كنعرف... ماشي جن ياك ...ما غاتآدينيش و تصيفطني.. لثلث الخالي ياكجبل عض على شنايفو كيحس براسو غاينفاجر بالضحك و لكن ما قدرش يضحك عليها خاف يبقى فيها الحال اكتفى فقط بتحريك راسو بنفي و رفع يدو للأعلى بإستسلام و قال ....جبل : و الله حتى أنا جبل و نآدي راسي و ما نآديكشنورسين سقرات تاني و بقات ساكتة بحال بدات كترجع لوعيها و لكن واخا هاكاك ما تيقاتش و هي تنطق بخوف ...نورسين: ح..حيد صباطك نشوف رجلك باش نتأكد بلي نتا بنادم