قصة جبل - نورسين ( بالدارجة المغربية )

💛 الفصل 77💛

جبل نورسين الجزء 380 :جبل التافت شاف فيها بعيون مدمعين كيبان حزن دفين فيهم لدرجة سلمى صدماتها حالتو ما توقعاتش غاتوصلو لهاد الدرجة بتصرف طائش منها باش تنتاقم منو على كلمتو الجارحة بقا فيها بزاف و حسات بالدنب ...رجعات بخطوة للوراء فحين جبل كرز على يدو و قال بصوت مرتافع رجولي خشن تعصب بزاف و ما بقاش كيقشع ...جبل:و نتي ماشي حشومة عليك تحطيني فهاد الموقف علاش ا سلمى تخليني نحس بهاد القهرة كاملة بسباب كلمة خرجتها من فمي فلحظة غضب و عارفاني ما قصدتهاش نتي عارفة معزتك عندي قداش و ما عمري فكرت نجرحك و الا كنتي باغا تردي دقتك ماشي بهاد الطريقة بغيت نفهم علاش كتحاماو فيا كلكم باراكة غير دنيا اللي ضاربني من كل قنتعطاها بالضهر و رجع لنفس وضعيتو حاط دراعو على الحيط و واضع جبهتو عليه و بلا ما يشعر هز يدو و بدا يخبط فالحيط على شكل لكمات حتى قفزات سلمى من بلاصتها مخلوعة عليه ...سلمى : ص..صافي ا خويا كنعتادر دير فيا اللي بغيتي ها العار غير ما تآديش راسك هاكا راه و الله ما غانبعدها عليك انا ما كنتش نيتي هاكا و الله ما كانت نيتي هاكا غير كنت ضاحكةجبل بلا ما يشعر التافت و شاف فيها بنظرات مرعبة رهباتها و قال بصوت مرتافع ..جبل : و نتي باش تضحكي تقهريني انا نتي عارفاها شكون غاتختار علاش ديري ليا هاكا علاش أسلمى شنو قالك عقلك بصح كنت حاس بدنب حيت قلت ليك برهوشة و لكن دابا تأكدت بلي طلعتي برهوشة ديال بصحسلمى قفزها بصراخو عليها حتى بدات داتها كترجف و جاوباتو بحزن طاغي على صوتها و حركات راسها بالايجاب ...سلمى : واش نتا كظن بلي انا غانبغي ليكم شي حاجة خايبة و الله ما فنيتي هادشي كامل اجبل انا غاندير ما فجهدي باش نقربها ليك اكثر كنواعدكجبل هز صبعو بتحدير فوجهها و قال بعصبية ...جبل : غاتعطيني تيساع حاليا هادشي اللي غاتقدري ديري حيت كرهتيني فيكفنفس اللحظة كانت هابطة نورسين من دروج مبدلة لابسة سروال دجين مع تيشورت و فوق منها جاكيطة ديال جلد و ما تجي غير فجبل كيغوت على سلمى بآخر جملة ما شعرات براسها حتى هبطات دروج بسرعة فائقة ما عرفات كيفاش حتى وصلات عندهم و وقفات بيناتهم تلاقات عينيها مع عيون جبل اللي كيبان مغلغل و معصب غير من تخنزيرة الضاهرة على وجهو ...نورسين خنزرات فيه حتى هي خاصة انها ما تبغيش سلمى تآدى عندها عزيزة بزاااااف أكثر من نفسها ....نورسين: مالك معاها ؟؟ ممكن نعرف شنو هادشي واقع بيناتكم بجوججبل غير شافها و ملامحو تهدنو و عطاهم بالضهر كيمرر يدو على شعرو كيحاول يتكالما حيت ما كانش عوال المشكل يوصل لهاد الدرجة هو عارف بلي هو غالط و سلمى غالطة و بجوج بيهم عندهم الحق فنفس الوقت ما قدرش يتحكم فأعصابو خرجاتو على طوعو و ما باغيش نورسين تاخد عليه صورة خايبة كره العالم فهاد اللحظة تلف و داخ خاصو يتكالما هو أصلن الغيرة لعبات عليه منين شاف رشيد سلمى غير جات فطريق و منين حتى هي شدات معاه الضد زاد جهل هو عندو سلمى عزيزة بزاااف بحال ختو صغيرة و عارفها كتعاونو على نورسين و حتى القضية ديال انها خلاتها فالشمش بوحدها فطريق خاوية و تعرض ليها داك الأحمق زادت مرضاتو و كن وقعات لنورسين شي حاجة بسباب داك الاحمق اللي تهجم عليها كن تسطى هاد العوامل كلهم لعبو عليه و فقدوه السيطرة على اعصابو حتى جرح سلمى بديك الطريقة اللي ما كانش قصدها و لكن حتى هي ردات ليه صاع صاعين لعبات على نقطة الضعف ديالو نورسين ....نورسين: جبل شرح ليا عفاك مالك مع سلمى علاش بكيتيها و كتغوت عليها بهاد الطريقة و كتقولها كرهتيني فيك شنو غادير ليك كاع باش تكرهها و تغوت عليها بديك طريقة حرام عليك و الله حتى حرام عليك ما كنتش متوقعة شي نهار نشوف شي بنت كتبكي هاكا بسبابك