قصة جبل - نورسين ( بالدارجة المغربية )

😊 الفصل 43 💛

جبل نورسين الجزء 193 :قلع جبل بإتجاه المزرعة و نورسين غير ساهية فطريق كان الصمت سيد الموقف ؛ حتى بدات تشوف نورسين فجبل غير من تحت لتحت حاضياه و كتبتاسم بداخلها خلات عينيها تسرح فتفاصيلو الرجولية بإمتياز من ديك لحية اللي مزينة ذقنو مرورا بداك الزغب الخفيف الرجولي اللي عندو فيدو و بلا ما تشعر هزات عينيها فوجهو كيبان ليها مركز مع الطريق عجبها المنظر ديالو الوسيم و سهات فيه بلا ما تشعر و كتفكر نهار وقف فوجه طاسيلتها كلهم و كيفاش دافع عليها ؛ بينما جبل حابس الضحكة غير بزز شافها حاضياه ما بغاش يحرجها و يهضر خلاها تأمل فيه حتى تشبع حس بلي بدا كيتكون عندها إعجاب إتجاهو و لكن ما عارفش واش إعجاب بوجهو و لا بشخصيتو واش كتشوف فيه كرجل و لا كأخ قدماتو ليها الحياة ما كرهش كن يدخل بداخل عقلها و يعرفها فاش كتفكر و شنو الانطباع و تصورات اللي عندها عليه باش يرتاح غير شوية ما كرهش ترجع مهووسة بيه كيفما هو مهووس بيها ما كيتخايل حياتو غير معاها و إلا ما كانتش فيها غير يموت احسن ...ما فاقت نورسين من تأملاتها حتى حبس جبل الطوموبيل و التافت شاف فيها مبتاسم هنا نورسين بحال ضربتيها بتصرفيقة نزلات راسها كتشوف فيديها حشمانة منو ما عرفاتش شنو وقع ليها باش بقات ساهية فيه حتى لهاد الدرجة طول طريق و هي حالة فمها فيه بحال ميتة عليه ما كرهاتش تحل الأرض و تسرطها بدات تلعن و تسب فراسها من لداخل شنو واقع ليها باش ولات تسهى فيه هي براسها ما عارفاش شنو سر هاد تصرفات و هاد الأحاسيس المفشكلة اللي رجعات كتحس بيهم فاش كتشوف فعينيه و لا فاش كايكون قريب ليها ديما كتحط راسها فمواقف خايبة خاصة معاه ...جبل : وصلنانورسين هزات عينيها شافت فيه و رجعات خصلات شعرها من مور ودنيها بتوتر و رجعات حنات راسها باش تحل الباب و هي تسمع صوتو ...جبل : ما تحليشنورسين طلقات من الباب و ما جات فين ضور لعندو حتى نزل من السيارة ؛ بان ليها ضارب الضورة حتى قرب لبابها و حلو ؛ خلا نورسين غير كتشوف مصدومة ...جبل : تفضلينورسين : و لكن راه كنعرف نحلوجبل : [ بابتسامة ] je sais مي انا كاين علاش غاتعدبي راسكنورسين تنهدات حيت كيقهرها بهاد التصرفات اللطيفة ديالو ما كتعرف كيف دير تصرف معاه كيسالي معاها ما كتعرف كيف دير ترد ليه هاد الخير الكامل ؛ فكل مرة كيبهرها بتصرفاتو مع النساء اللي كتلمس فيها نوعا من الرقي و إحترام المرأة تدكرات نهار عاود ليها على عائلتو و قال ليها أنا كنت عايش برا المغرب قالت ربما حيت هو عندو عقلية أجنبية داكشي علاش كيتصرف بهاد الضرافة كاملة حيت هي شايفة رجال عائلتها و جيرانهم ما كيتصرفوش هاكا داكشي علاش بنات هاد نظرية و هادشي باش فسرات تصرفاتو ...نزلات بتثاقل و حسات بشوية ديال دوخة و قبطات فالباب و بقات مهبطة راسها الشيئ اللي خلا جبل يتخلع عليها ؛ قبط فدراعها و نطق ...جبل : واش كتحسي براسك مزيانة ؟؟نورسين : [ هزات راسها شافت فيه ] لا أنا مزيانة بلا ما تشطن راسك غير كنحس براسي عيانة شوية خاصني نرتاحجبل : واخا ابنتي غير بشوية عليك [ قبط فيديها ] واش قادرة تمشاي و لا نهزك ؟؟نورسين صرطات ريقها بستة و ستين كشيفة و بقات كتشوف فيه أويلي على يهزها واش من نيتو ؟؟ هاد الضرافة زايدة ديالو بدات كتدخل ليها الشك كأنه بدا كيتعدا الخط الأحمر معاها للحظات جات صورة ديال كاميليا بنيس بين عينيها عنداك يكون ناوي يصيدها و يطيحها فالشبكة ياك دابا هي ما عندها لا طاسيلة لا فاصلة دجاجة بكامونها و وجبة لذيدة فعيون الذكور يقدر تكون كاتبان ليه بحال بنات زنقة و باغي يستغلها حتى يبلغ مرادو و يلوحها لزنقة هي شكون ضمن ليها بلي جبل ولد ناس و ما يكونش داير هادشي كامل باش ياكل ليها دماغها ؟؟ للحظات تذكرات كلام ختها كنزة ...فلاش باككنزة : غير تهناي داك نوع كيشوفو شي بنت درويشة و محرومة من الحب كيلعبو عليها عندك تيقي براسك و يصحاب ليك غايديك هادوك احبيبة عزيز عليهم نوع ديالك كيضربو ليهم الحلوة و كيمشيو مع الطريقنهاية الفلاش باكنورسين مارضاتش بنات و علات غير هي و راسها و ضنات فيه ظن السوء و نسات بلي بعض الظن إثم تجمع عليها كلشي تفكرات عائلتها اللي لاحوها و جبل اللي مرة كيبان ليها ملاك و مرة شيطان ما حسات بدموع حتى تجمعو فعينيها و نترات يديها من يدو و نطقات بصوت مقهور ...نورسين : دابا أنا كيف كنبان ليك ؟؟ جاوبني بصراحة واش كتشوف فيا ديك البنت درويشة اللي ما عندها لا تالي لا والي و قلتي أجي نبدا نستاغلها حتى طيح فشبكتي و نخليها و نزيد مع الطريق ياك