قصة جبل - نورسين ( بالدارجة المغربية )

💛 الفصل 118💛

جبل نورسين الجزء 636 :جر جبل الكرسي و جلس اونفاص مع نورسين اللي ابتاسمت ليه و بادلها كدلك الابتسامة و قال ....جبل :نورسين فرحانة ؟؟؟نقز ربيع و نطق بمزاحو المعتاد .ربيع :وعلاه اللي ما بغات تفرح جالسة واكلة شاربة مزوجة بسيادتكم انا اللي صݣع ليامكلهم ضحكوا الا جبل اللي شاف فيه بصرامة و قال ...جبل : بغيت نعرف شكون نتا فين عائلتك على حسب هضرة نورسين نتا عايش بوحدكربيع توقف على الضحك منين سمع كلام جبل ملامح وجهو تبدلات و كأنه جبد عليه مواجيع و فكرو فشي حوايج من ديما كيحاول ينساهم حس باختناق فصدرو و عينو تغرغرو بدموع و كأنه طاح على نقطة ضعفو لذلك ما قدرش يستحمل و قام من مكانو و قال بصوت مغلف بحزن كبير....ربيع:سمحولي غادي نمشي لحمامانصارف ربيع اللي لاحظو بلي تقلق حيت جبل قال داك الكلام الشيئ اللي خلا نورسين تشوف فجبل و قالت بغضب ....نورسين: جبل حرام عليك علاش هدرتي معاه بديك طريقةجبل هز حاجب و هبط لاخور و بصرامة قال عكس صوتو الحنون المعتاد ....جبل : بحال ربيع عندك عزيز اكثر من القياسنورسين حنحنات و نطقات بلطف ....نورسين : وحيت ضريف و قلبو بيض بحال خويا صغير و عندي عزيز بزاف و ما كنحمل حتى حد يقلقواجبل طول الشوفة فعينيها و ناض من مكانو وجهو تجهم و بانت ملامح الغضب عليه واضح أن نار الغيرة كتاكل فقلبو كما تأكل نار الحطب ما بقاش قادر خاصة أن قلبو طايب منين خلاتو و فضلات تمشي مع ربيع فطوموبيل يعني فاقرب فرصة تقدر تخلى عليه هادشي اللي كيقولو عقلو لذلك قال بصوت رجولي مرتافع بنبرة غاضبة كأنه ما بقاش قادر يتحكم فراسو ....جبل : خوووك هو اللي ولاداتو ليك ماك و باك مااا كاينش بحال خوياانصارف جبل فحين يعقوب ناض من مكانو تبع جبل الى الخارج بينما نورسين بقات مصدومة من تصرف جبل لذلك شافت فسلمى و قالت....نورسين: ويلي مال هدا تعصب حتى لهاد درجة ؟؟؟سلمى : حتى نتي نسايسلمى بدات تصفق بيديداتها و تمايل فمكانها خاصةأن الفرقة الموسيقية بدات كطلع الايقاع و تقلبات لشعبي خاصة أنهم طلقو واحد الاغنية ديال الركزة و الشطيح و الرديح نيييت و هي تنطق سلمى ....سلمى: ناري ياختي شدوني الهوايش نوضي نشطحوا نوضينورسين : يا ختي حتى اناشافو البنات كلهم ناضو يشطحوا و قفات سلمى و جرات نورسين و بقاو كيشطحوا و يتمايلو مع ايقاعات الاغنية شوية بداو يتحيروا بشعرهم ناشطين وعاوتاني كيحركو كتافهم اللي شافهم يقول غير هاربين من مستشفى الامراض العقلية و المجانين ....فنفس الاثناء خرج ربيع من الحمام و لمح الشابين اللي كانو حاطين عليهم العين قاصدين نورسين و سلمى غاديين عندهم و نطق بهمس ممزوج بصدمة ...ربيع : ناري قفارت اليوم طايح أكثر من نايضو بالصدفة التافت ربيع لجهة باب القاعة و هو يلمح جبل و يعقوب داخلين غمض عينو و عاود حلهم وضع يدو بجوج على راسو و نطق ....ربيع : الله يا ربي الله اش هاد الزهر عندي نهار بغينا نشطوا كيفنا كيف عباد الله غادي تقربل احسن تقربيلة فهاد العرس حتى هاد العريس و العروسة طلعو مناحيس أكبر مني اللهم إني لا نسألك رد القضاء و إنما نسألك لطف فيه