قصة جبل - نورسين ( بالدارجة المغربية )

💛 الفصل 74💛

جبل نورسين الجزء 364 :نورسين بقات متبعة بعويناتها سلمى حتى وقفات حداها كتنهج و بدات تهضر بعفوية ...سلمى:يا ختي سمحيليا تعطلت عليك تلاقيت واحد صاحبتي ماكتسكتش شداتني بالهضرة ...توقفات سلمى على الكلام فاش بانت ليها نورسين صفرا و كتبان بحال مخلوعة وهي تنطق بإهتمام ...سلمى : مال وجهك مافيه قطرة ديال الدم وشنايفك بويض ؟؟؟نورسين:غير سكتي واحد الخلعة نعاودها لحفار قبريسلمى بحال ضربتيها بالضوء صرطات ريقها بصعوبة تخلعات حيت بصح هاد المرة الا كانت وقعات ليها شي حاجة جبل ماغايرحمهاش سلمى خافت قبل حتى ماتقولها شنو وقع لدرجة تلعثم ليها الكلام ...سلمى: ش.. شنو وقع ليكنورسين:فاش مشيتي للقهوة بقيت واقفة هنا و هو يتلقى ليا واحد الأحمق هاز الموس و قالي عطيني درهم و لا ندبحكسلمى ضربات على حنكها بجهد الما جمد ليها فركابي عرفات الخبار غايوصل لجبل كيفما وصلو الخبار ديال تبوكيلة ديال شعر . سلمى حطات يديها على خد نورسين مخلوعة عليها ...سلمى:ياكما قاسك و لا ضربك ؟؟؟نورسين حركات راسها بنفي عاد سلمى تنفست الصعداء و بقوة الخلعة عنقاتها مخلوعة و كتردد بخوف ...سلمى : الحمد الله انا أكبر حمارة اللي خليتك بوحدك و الله ما نسوى انا كانقلب على خلا دار عشتي ماغانمشي حتى نجيب ربحة الله يا ربي الله و فين كان مخبي ليا هادشي يا سيدي ربي تاليتي غاتكون بسبابك ا ختي نورسينسلمى بعدات على نورسين عطاتها بالضهر و حطات يديها على جبهتها و يد حطاتها على جنبها كتفكر كيف دير تفك راسها من هاد الوحلة اللي سلاطت عليها تاني أصلن جبل الا ساق الخبار غاينفيها ما فيهاش حيت هو خاليها ليها أمانة و الا ساق الخبار بلي تعرض ليها احمق و مع سلاح الابيض غايتسطى ديال بصح ....سلمى:الله يا ربي الله و فين كان مخبي ليا هادشي اش داني نخلي زمر بوحدها فين كان عقلي ا سيدي ربي فين كاننورسين استغربت من ردة فعل سلمى اللي بانت ليها مبالغ فيها خاصة انها هي ما وقع ليها والو لكن هي ما عارفش بلي سلمى خايفة من جبل اللي كايرجع وحش فاش الأمر كيتعلق بنورسين ...نورسين: سلمى راه ما وقع ليا والو مالك كاتقولي هاد الهضرةسلمى التافتت عند نورسين و بعفوية نطقات ...سلمى: حيت نتي ما عارفة والو انا اللي عارفة شنو كيتسنانينورسين : سلمى ما فهمت والو علاش كاتقولي هاد الهضرة واش حماقيتيسلمى:بعدا كيفاش فكيتي راسك منونورسين: جا واحد الراجل كنعرفو سميتو انور هو اللي فكني منوسلمى رمشات بعويناتها بسرعة و نطقات بتردد ..سلمى : ش.. شكون هاد انور صغير كبير شنو كيجيك ؟؟؟نورسين: ما كايجيني والو غير فايت تلاقيتو و عقل عليا يكون قد جبل هاكاك و شحال و هو يهضر معايا كن ما هو كن داك الأحمق شرط ليا وجهيسلمى هاد المرة ضربات حنكاها بجوج حيت القاضية عرفاتها حامضة عطات لنورسين بالضهر تاني و بالضورة باش ضارت قشعات رانج روفر واقفة من البعيد فالأسود غمضات عينيها حيت عرفات جبل غايكون داير ليهم دي ڭارد كور هوما اللي كيوصلو ليه خبارهم حيت ما يمكنش يخليهم غير هاكاك كايخرجو بلا حماية خاصة انه كيخاف على نورسين بزاف ما خاصش الهوا يقيسها ...سلمى: [بهمس ] الله يا ربي الله واش انا منحوسة و لا هاد الڭنس ديال نورسين اللي منحوسة و الله ما عرفت الحاجة اللي عارفة هي انا مشيت فيها يا ربي دير ليا مسلك ديال الخير يا ربيسلمى ضارت عند نورسين و قبطات ليها فيديها و قالت ..سلمى: هانتي سمعيني أحبيبة عنداك تمشي تعاودي هادشي اللي وقعلك لجبل و لا ليعقوب و لا لجدة ولا لجدي صافي هادشي اللي وقع يبقى هنا بيناتنانورسين صغرات عويناتها و قالت باستغراب ...نورسين: علاش ؟سلمى: أ حيت الا عرفوا ما غاديش يخليونانخرجوا انا وياك صافي سمعي للهضرة و بلا كثرة أسئلةنورسين حطات يديها على قلبها و قالت ...نورسين: عرفتي طيرها مني خلعة و اللهسلمى: ولد الكلبة غايخرج عليا بغيتلو جايحة ضربوا بغيتلو غير جوج يشدوه و جوج يكتفوه و جوج يريشوه و جوج يعطيوه العصا حتى يولي ضهرو رطب من كرشونورسين ضحكات على دعاوي سلمى و جاوباتها ...نورسين : دابا الحمد اله كلشي داز على خير خاصنا ندخلو ندمونديو الحلوى ياكسلمى : انا راه خاصني ندموندي كسكسو حيت ڭنازتي قرباتنورسين: برا و الباس عليك هه علاش كاتقولي هاكاسلمى : سمعيني دابا دخلي لباتيسري تسنايني غاندير واحد الاتصال و نجي اوكي زيننورسين : لمن باغا تعيطي ؟؟سلمى:اووف ا نورسين و شحال فيك ديال الهضرة مرة وحدة فحياتك ديري داكشي اللي كنقولك من دقة اللولةنورسين:واخا هانا نتسناك لداخلسلمى:جوج دقايق و نجي يالاه دخلي ا الغزالة ديالي يالاهنورسين ابتاسمت و حلات باب الباتيسري و دخلات فحين سلمى جبدات تيليفون من جيبها وديبلوكات نمرة د يعقوب و عيطات ليه وكلها كترعد كتسناه يجاوبها حيت هو اللي غايفكها من هاد الحصلة ...سلمى: ماتفقصنيش حتى نتا جاوب قبل ماتصدق واكل عليا كسكسو