قصة جبل - نورسين ( بالدارجة المغربية )

💛 الفصل الثامن💛

جبل نورسين الفصل 2: هوسي أنت يا حبيبتيالجزء 44 :أصبح يوم جديد و يوم كيشهد على حفل خطوبة حبيب القلب بإمرأة ثانية و شنو أقسى على المراة من أنها تشوف زوجها و حبيب قلبها كيخطب إمرأة أخرى و غايبدا حياة جديدة معاها غاتاخد ليها مكانها فقلبو و غاتشاركو فراشو و أسرارو و حياتو حقا مؤلمة لدرجة انك كتشعر بروحك تحتضر و نتا على قيد الحياة ....نورسين كانت جالسة فبينوار الحمام المليئ بماء دافئ لعله يدفي برودة قلبها حقا الدنيا بلا جبل ظلام و قاسية هي ما عرفات تعيش غير معاه و هاهو دابا سمح فيها و فأقرب فرصة رجع باش يغيضها و يطرطق ليها مرارتها غاتكون كاتكدب الا قالت بلي هي باغا طلق منو بالعكس هي ما كرهاتش تبقى مرتابطة بيه مدى الحياة و صراخها عليه و كلامها الجارح ما هو الا وسيلة كتحاول تخفف بيها على راسها احزانها و إنكسار قلبها و إنهزام روحها ....طلعات من صدرها شهقة قاسية كتوضح مدى إحساسها بالحزن و الخدلان و الانكسار و الانهزام و الدمار الشامل كيف غادي دير تحضر و تشوفو كيركب خاتم فيد جوري كيف غادي دير تشوف روحها كتغادرها و ترتابط بجسد أخور ....طال جلوسها فحوض المياه الدافئ ساهية فالفراغ و دموع من عينيها نازلين لدرجة فكرات فالانتحار و تنهي حياتها بغات تحاول غطسات راسها تحت المياه لمدة عدة ثواني و لكن غريزة البقاء الموجودة فالانسان خلاتها ترفع راسها من الما كتحاول تاخد أنفاسها بصعوبة لمدة عدة دقائق عاد ارتاحت و رجعات راسها للوراء كتنهج ....خرجات من الحمام لابسة عليها بينوار ابيض قصير و شعرها الطويل مبلل كيتقاطر بالما عينيها دابلين و وجهها شاحب نقلات نظراتها لسرير اللي كانت حاطة فوق منو فستان أسود اللون كسواد ايامها و لياليها ....حيدات البينوار لبسات دوبياس و زادت فوق منهم الفستان الاسود الضيق نشفات شعرها و جمعاتو على شكل كعكة و جلسات كتشوف راسها فالمراية و دموع من عينيها شلال ما بغات دير والو لوجهها أصلن فين هو الخاطر اللي غادي دير به شي حاجة ....رن الهاتف ديالها و هزاتو لمحات إسم سلمى دوزات الخط و حطاتو فودنها ...نورسين: وي سلمىسلمى: فينك أ المصيبة واش ما غاتجيش لعند ماماك انا جيت لهنا و ما لقيتكشنورسين: لا غانمشي من هنا ديريكتسلمى : [بأسف ] نورسين فنظري انا غير بلا ما تجي ا ختي و الله خايفة عليكنورسين: ما تخافيش ما غايوقع والوسلمى: المهم عنداك تنساي ما تجيبي معاك داك البخاخ واخا ؟؟؟نورسين تنهدات و نطقات ...نورسين: روحي اللي مخنوقة فهاد الساعة و ما لقيت ليها دوا المهم قطعي دابا الله يعاونفمكان آخر و بالضبط داخل غرفة كايغلب عليها اللون الأسود واقف جبل امام المرآة كيسد أزرار الشوميز الأبيض و لبس فيستة سوداء من فوق منو سمع الباب تحل و هو يلمح يعقوب داخل عندو بكل أناقة بكوستيم فالازرق حتى وقف بجانبو و قال بهدوء....يعقوب : فين غادي بحماقك أسي العريس المزور ؟؟جبل ابتاسم و قال ببرودة ...جبل : حتى نشوفو شكون غايربح واش حماقي ولا حماقهايعقوب : تلاقيتو المهم أنت تعرف نورسين اليوم تسكت ليها القلبجبل : و ما شفتيهاش هي اللي خرجات ليا العقليعقوب ضحك و قال بمزاح ...يعقوب : و يا سيدي حتى دابا غاتخرجو تعادلجبل: ماباغي نربحها ما باغي نخرج تعادل باغيها غير دير عقلهايعقوب : فوقاش غاتصرحها ؟؟؟جبل: قريب ما بقاش بزافيعقوب : غاتصدم منين غاتعرف الحقيقةجبل : حتى انا باغيها تصدم باش تعرف الغلط اللي دارتيعقوب : اوا اش غانقول ليك الله يهديكم على بعضياتكمجبل : طلب ليها هي الهداية اما انا قلبي و عقلي و عيني ما كيشوفش غيرها و هادشي اللي درت ليها ما هو الا نقطة فبحر من تبرهيش اللي كنت نقدرو نديرو باش نبين ليها بلي عمرنا ما كنعالجو مشكل بمشكل و تعلم تصارحني و ما تبقاش تمشي بدون سبب حيت كاتصعبها عليا و على راسهايعقوب بغا يجاوبو و هي دخل سلمى عندهم لابسة قفطان فالموڤ بمكياج خفيف مزين ملامح وجهها نطقات ...سلمى : نورسين علاين تجي نزلو دغياجبل حرك راسو بالايجاب و تقدم بخطوات بطيئة حتى وقف امام سلمى ابتاسم و قال بمزاح ....جبل: نتي صديقة شريرة فراسك ؟؟سلمى دلات شنيفاتها و تغرغرو عينيها بدموع و نطقات ...سلمى : نتا اللي داير هادشي كامل حرام عليك و الله بقات فيا صحيبتي و لكن حتى هي تستاهل ما دوزاتش عليك القليل حنا دايرين ليها غا مقلب خفيف و صافي ياكجبل ابتاسم و حرك راسو بالايجاب و قال...جبل: بحال داكشي و لكن انا ما درتش هادشي حيت ما كنبغيهاش و لا باغي نشوفها كتبكي هادي هي آخر حاجة نتمنى نشوفها أنا توحشت نشوف ديك لمعة ديال الحب فعينيها و هادشي ما كيوقع غير فاش كاتغير عليا