قصة جبل - نورسين ( بالدارجة المغربية )

💛 الفصل 23💛

الفصل 1: جبل نورسين الجزء 91:ناض جبل من مكانو و تقدم بخطوات بطيئة و كيحس بقلبو كينبض بقوة ربما هو الخوف او ربما الحب البريئ اللي بدا كيتسلل لقلبو بشوية ...وقف على راسها و بانت ليه مزال مركزة مع رسم ديالها يديه كيترعدو و قلبو كينبض بقوة ما عرفش كيفاش يتصرف فهاد اللحظة أما نورسين حسات بشي حد وقف التافتت لعندو بان ليها طفل واقف كيشوف فيها طلعات فيه و هبطات و قالت بصوت طفولي ...نورسين: أس حب الخاطر أسريف ؟؟؟ (أش حب الخاطر اشريف )جبل باقي ساهي فديك رنة ديال صوتها و ملامح وجهها عن قرب كاتبان أجمل ؛صدفة جميلة ، نورسين عندها سمية بحال سمية ماماه و شعرها مبوكل كيفما كانت كاتبغي ماماه و لابسة الابيض اللون المفضل ديال ماماه حسب ما قالت ليلى كأن ربي مصيفط ليه ملاك فيه جميع المواصفات ديال الأم ديالو اللي ما عمرو شافها فالواقع ...ما فيقو من سهوتو غير صوتها ...نورسين: أس حب الخاطر اسريف واس ما كتسمعنيس واس نتا صمك ولا زيزون ؟؟سكون نتا أصلن ؟؟؟ واس كتعرفني بعدا باس تجي لعندي ؟؟؟جبل: ان...أنا جبلنورسين حطات دفتر ديالها فالأرض و ناضت وقفات كتطلع فيه و تهبط جاها طويل عليها ...نورسين : سنو قلتي سميتك ؟؟جبل: جبلنورسين : نتا منين جبتي هاد سمية عمري سمعتها و لكن زوينة حبيتهاضحكات نورسين على كلامها حتى بانو سنيناتها اللي طايحين الشيئ اللي ضحك حتى جبل معاها حتى ضحيكة ديالها فيها شي حاجة مميزة اختارقت قلبو شعور مختلف كيحس بيه فهاد اللحظة و ما عندو عليه حتى فكرة ...نورسين مدات يديها كأنها كتصافحو ...نورسين : و انا سميتي نورسينجبل صافح يديها بحب اول وحدة غايهضر معاها هي نورسين عجبو الحال بزااف اول مرة ما كيعايروش شي واحد بشكل وجهو ولا يتنمر عليه نورسين تصرفات معاه على طبيعتها ...جبل: و ..واش نقدر نلعب معاكنورسين هزات كتيفاتها و قالت ببراءة ...نورسين: انا مافيا ما نلعب صراحة باغا نرتاح أصلن كنت كنرسمجلسات فمكانها و هزات دفتر ديالها و كملات تلوين ديالها بينما جبل حس بيها ما باغاش تلعب معاه حس بقلبو تزير عليه بقا فيه الحال بغا يمشي بحالو عند ليلى و هو يسمعها نادات عليه ...نورسين: جبلالتافت جبل لعندها و ابتاسم ...جبل : نعامنورسين: جلس معايا أصاحبي سفتك (شفتك) بقيتي واقفجبل فهاد اللحظة حس براسو غايطير بالفرحة يعني هي بصح باغا تلعب معاه و باغا تهضر معاه و الكلمة اللي عجباتو بزاف هي "صاحبي " اللي نطقات بيها بعفوية . جبل ما فكرش جوج مرات فالبلاصة جلس حداها و ربع رجيلاتو و بقا حاضيها شنو كترسم ...كانت راسمة بنت و قابط فيديها ولد رسم بسيط لطفلة و لكن جبل عجباتو رسمة ديالها بزااف رغم انه هو كيرسم بإحتراف و لكن ديك رسمة ديالها لامست قلبو ....جبل: كيعجبك ترسمينورسين سدات دفتر ديالها و حطاتو فالارض و ضارت لعندو كان جالس حداها و بجنبها ...نورسين: اه تايعجبني نرسم فاس ماكايكون عندي مايدار بحال داباجبل: تبغي نلعبو انا و ياكنورسين : امم ماعرفتس صراحة سنو غانلعب معاك ،قولي باس نعرف نتا سنو كتبغي تلعب ؟؟؟جبل بقا ساكت حتى تغرغرو عويناتو بدموع و نطق بقهرة ...جبل: انا ما عمري لعبت مع شي واحدنورسين طرطقات فيه عينيها ما صدقاتش هضرتو ...نورسين: هاااويلي على ما عمرك لعبتي مع سي واحد واس كتفلا عليا ؟؟؟جبل: و الله ما عمري لعبت مع شي واحد نتي اول وحدةنورسين: و علاس زعما ؟؟؟جبل حس بدمعة نزلات ليه و قال ...جبل: كايقولو ليا نتا باطوز و خايب حتى واحد ما كيبغي يهضر معايا