قصة جبل - نورسين ( بالدارجة المغربية )

💛 الفصل 113💛

جبل نورسين الجزء 601 :بمجرد ماانهات نورسين كلامها جبل شاف فيها بسرعة مصدوم من جملتها و كأنها تجرأت و وضحات غيرتها زعمات زعمة وحدة لدرجة خرجات نيابها فجوري كأنها رجعات كقطة متوحشة ماقدرش يستوعب بلي قالت لجوري "خديتي ليا بلاصتي " و كأنها كتوصل ليه رسالة خفية بين طيات كلامها بلي مكانها بجنبو فقط الشيئ اللي فرح قلبو و خلا ابتسامة عريضة تبان على وجهو و لكن صدمة كانت قوية أكثر فاش زدحات نورسين الكتوبة اللي جاب ليها فوق طاولة بطريقة وضحات بيها عصبيتها اكثر و أكثر و نطقات ....نورسين:بغيتك تقريني لونݣلي انا ما عنديش الوقت اللي نضيعو فالافلامجبل عض على شنايفو و بقا ساكت مدة عدة ثواني كيشوف فنورسين بطريقة ربكاتها و وتراتها و لكن حاولت تبقى ثابتة ما تبين والو خاصة فاش لمحاتو حيد يدو من مور ضهر جوري و وقف مقرب ليها حتى ما بقات كتفصلو عليها حتى سنتيم كيحس بانفاسها كتضرب فانفاسو و عينيه كيشوفو فعينيها مباشرة هنا نورسين حسات بقلبها كينبض بقوة و العرق كيتصبب من جبينها حتى ريقها كتصرطو بصعوبة و زاد فشل ذاتها فاش قرب لودنها و قال بصوت منخافض بورش لحمها و كل خلية بداخل جسدها ....جبل:علاش كديري هاد تصرفات أنورسين ممكن تعطيني شي تفسير همم ؟؟نورسين بعدات عليه بخطوة للوراء و رجعات خصلات شعرها من مور ودنيها و نطقات مجاوباه بتوتر نظرا لتلعثمها فالكلام ....نورسين:أن..أنا انا ما كندير والوجبل طول شوفة فعينيها و وضع يدو فجيابو و قال بهدوء مع صوت حنين قريب للهمس ...جبل:ممكن تكوني كتغيري مثلانورسين اتاسعو حدقتيها بطريقة كبيرة ما متيقاش كلامو حيت عرفات أمرها تكشف أمامو ماكرهتش تحل الارض و تبلعها غضات بصرها و ساد الصمت بيناتهم لثواني حتى قالت جوري ....جوري:اكيد غادي تكون كتغير عليك حيت هي مراتك و من واجبها تغير عليك أو لا أنورسين ؟؟؟نورسين نقلات نظراتها شافت فيها بطريقة غاضبة و كأنها ما كرهاتش طير عليها بترييشة لان كلامها استفزها و كأنها استهزءات بيها الشيئ اللي دفع نورسين تقول ....نورسين:شكون قالك غرت من نيتك ؟؟نورسين ابتاسمت ابتسامة مزيفة و دازت فجبل قاستو فكتفو عنوة و نطقات بصوتها الانثوي الرقيق ....نورسين:اوبس قستك سمحلياتجاهت جلسات بجانب جوري وضعات رجل على رجل و ربعات يديها و قالت بكل ثقة رافعة راسها بكل شموخ ....نورسين: حشومة تقولي هاد الهدرة علاه مالي حمقة نغير منك عارفاه كيحماق عليا و مايقدرش يشوف فشي وحدة من غيري واخا طير ولا تنزل انا ملكة قلبو و حتى واحد مايقدر ياخد العرش من موراي غير بنتو اللي الا كتب الله وجات لدنيا سمعتيني أحبيبة الحمد الله ثايقة فراسي و فراجلي ودليل نقدر نوريهليك أحبيبة ما يحتاجشجوري اتاسعو عينيها بدهشة صدمتها بجرأتها فحين جبل ما مستوعبش شنو كيسمع من نورسين بحال كبيتي عليه سطل ديال الما جامد لدرجة دخلات ليه الشك فراسو خاف لا يكون اعتارف ليها و هو ما حاسش حيت كتهدر بواحد ثقة فالنفس عجيبة مرر يدو على لحيتو كيشوف فيها بعيون تلمع حبا كلامها الرائع كيتكرر فودنو كلحن جميل او كشدى طير لا يتمناه ان يتوقف حقا عبرات على أحاسيسو من جيهتها بطريقة راقية حقا نورسين هي ملكة قلبو و ما عمر شي بنت المراة يبغيها كيفما كيبغيها هي .....جوري شافت فجبل و رجعات شافت فنورسين و قالت بابتسامة مع نظرات تحدي ....جوري:شنو تقدري تديري مثلا ؟؟؟نورسين:ما طلبتي غير الموجود ها نتي غاتشوفي شنو غانديرناضت نورسين من مكانها و وقفات اونفاص مع جبل مجددا عينيها كتشوف فعينو مباشرة تجرأت و هزات يديها حطاتها على لحيتو لدرجة جبل غمض عينو و رجع حلهم بسرعة و كأنه ما مصدقش شنو كتشوف عينو لمساتها كيحرقوه و كيشعلو بداخلو براكين لا تهدئ و لا تنطفئ و لو اجتمعت مياه البحار و الانهار و جداول القارات الست و مع نظراتها الخطيرة بعويناتها المسبلين كتزيد تلعب ليه و توترو أكثر و أكثر و كأن هدفها من هاد نظرات انها تفقدو صوابو و اللي زاد كمل عليه كلامها المعسول اللي اخترق فؤادو مباشرة ....نورسين:قولها شحال كتبغي مرتك اللي هي أناجبل تبنج فهاد اللحظة و كأنه خدا جرعة من المخدر اكتفى فقط بنظر الى عيونها و كلامها كيتكرر فودنو و كأنه أصبح أبكم لا يتقن الكلام و لا السمع فقط يجيد فن نظر الى عيونها و الغرق فحبها حقا نورسين قدما بقات غا توقف ليه القلب كتقول الهضرة اللي ما قادرش يقولها من زمان عمرو ما كان كيتصور غادي تجي تقول هاد الكلام بهاد الطلاقة و بهاد الجرأة و عيونهم فعيون بعض سالت معاه لدرجة ما بقاش قدر يهضر ، كان غارق فيها و بهاد تصرفات كتخليه يزيد يغرق فيها أكثر و أكثر كل مرة كتأكد ليه بلي هي روحو و حياتو و عمرو ندم على سنين الغرام اللي كان هاز فقلبو من جيهتها ما كرهش يطيح على ركابيه و يقولها شحال كيبغيها ممكن هادي هي الفرصة اللي خاصو يعتارف ليها بحبو ....نورسين فاش شافتو طول فسكاتو طلعات نيڤو أكثر و أكثر رققات صوتها أكثر و قالت ...نورسين:جبيلو ما جاوبتينيش أ حبيبي قولها شحال كتحماق عليا