قصة جبل - نورسين ( بالدارجة المغربية )

💛 الفصل 15💛

الفصل 1: جبل نورسين الجزء 48:سلات الاغنية و حلات نورسين عينيها وتنهدات هزات راسها شافت فالسماء اللي كانت سوداء قاتمة مزينة بالقمر المضيئ ونجوم و قالتنورسين : كيقولك كن ما ظلام الليل ما تشوف لا قمرة و لا نجومها حياتي دايرة بحال هاد الظلام اللي فالسما فوقاش غايضوي فيها القمر و يلمعو فيها النجوممررات يديها على شعرها و تنهدات غافلة على العيون اللي كانو مترقبينها و حاضيينها منين كانت تسمع للموسيقى شكون من غيرو جبل اللي شافها فالكاميرات اللي داير اونفاص مع دارهم حاضيها فكل خطوة كاتخطيها تعصب فاش شافها خارجة من دارهم و هي عاد مدوشة خاف يفرعها البرد و هز معاه ملاية خفيفة من دارو قبل ما يطلع لعندها ....قرب بخطوات بطيئة و حط ديك الملاية على كتيفاتها نورسين ما عرفات باش تبلات حسات بشي حاجة تحطات فوق كتافها تخلعات و قفزت من بلاصتها بالدورة باش كدور كتشوف جبل واقف من موراها حولات نظرها لكتفها لقات ملاية خفيفة فوق كتيفاتهابقات مصدومة كتشوف فيه حتى نطق ..جبل : [بابتسامة ] قريب يضوي القمر اللي فالسما ديالك و غايلمعو نجومهانورسين زادت تصدمات حيت عرفاتو كان معاها فاش كانت جالسة كتهضر مع راسها ...نورسين : كنتي كاتجسس عليا ؟؟جبل حرك راسو بنفي و عينيه اونفاص مع عينيها بيناتهم بضع سنتيمترات ...جبل : نتي اللي كنتي كتهضري بجهدنورسين : [ تنهدات ] و نتا شنو كتدير هنا ؟؟؟شاف فيها و ابتاسم ما عرفش باش يجاوبها شنو غايقولها ؟؟ يقولها تابعك و لا يقولها انا خاصني نكون فاي بلاصة كنتي فيها حيت نتي هي الهوا اللي كنتنفسوعندو بزاف ما يقول لو كان البحر مداد لكلماتو كن نفد البحر قبل ما ينفدو كلماتو بقوة العشق و الكلام اللي مخبيه فصدرو ؛ عطاها بالضهر و مشا للقنت تكا على الحيط و جبد من جيبو كارو و حطو ففمو شعلو و نتر نيترة و صاط دخان و جاوبها ...جبل : علاش طالعة للسطح ولابسة حوايج خفاف و نتي عاد مدوشة هممنورسين : [ بصدمة ] و نتا باش عرفتيني مدوشةجبل : شعرك كيبان فازكنورسين : أصلن صهدجبل : [نتر نتيرة و صاط دخان ] و لكن هنا البرد و هاد البرد خايب كنقولك بقاي تردي البال لراسكنورسين بقات ساكتة كتشوف فيه ما كتعرف باش تجاوبو و لات كتحس بيه تابعها من قنت لقنتنورسين : عرفتي وليت كنشوفك أكثر من مالين دارجبل : [بابتسامة ] هادي حاجة زوينةنورسين : غانقولك واحد الحاجة و ما تقلقش منيجبل : [صاط دخان ] آخر حاجة نديرها هي نتقلق منك ما نقدرشنورسين : [بخجل ] علاش نتا بحال هاكاجبل : ما فهمتش وضحي أكثرنورسين : كاتجيني فشكل كنحس بيك إنسان غامضجبل : [ابتاسم ] غير كيبان ليكنورسين : و لكن علاش عندك اوطيل قد الخلا و كتبان ميسور تبارك الله و فضلتي تعيش فهاد الحي من المفروض واحد بحالك ما خاصوش يكون كيعرف هاد الاحياء فين جاو فالخريطةجبل ضحك بطريقة زوينة بزاف و لاح الكارو و زطم عليه و بقا ساكت لمدة عاد هز راسو و شاف فيها مع بريق خطير فعينيه و جاوبها...جبل : ماشي مهم فين كتعيش المهم فين كتلقى راحتك شكون قال بلي لابس عليه من المفروض يعيش فالقصور و الفيلات و ليزوطيل انا باغي نكون مختلف على ناس المهم نكون انا مرتاح