قصة جبل - نورسين ( بالدارجة المغربية )

💛 الفصل 19💛

الفصل 1: جبل نورسين الجزء 70:تحل الباب ديال العمارة و هي تقفز نورسين منين شافت العساس ديال حومتهم اللي ساكن فوق منهم داخل و شافهم فداك المشهد ؛ نورسين بعدات فالبلاصة على جبل و شافت فالعساس اللي كان واضح انه فاهم الموضوع غلط و ضربها ليهم بتخنزيرة ديال انه غير مالقى ليها جهد اما كن يضرب بيها الطر فالعمارة ...نورسين كلها بدات كترعد خافت يوصلها لباباها بدات تبيض بيضة فالطاس و بيضة فالعش قالت هادي هي لخرة ليا و مع هي خوافة تحدو ليها ....داز العساس من حداهم ما هضرهم ما كلمهم و طلع لدارو اما نورسين بقات واقفة فآخر درجة و كتحس بدموع كيتجمعو فعينيها و سبقات جبل اللي كان واقف من موراها و خرجات من العمارة و بقات غادة للقدام و كتحس بدموع كايهبطو ليها غير بوحدهم كتفكر فأسوء توقعات الا مشا حتى قالها لباباها و الله حتى ينحرها مع العلم انها ما دايرة والو و ما عمرها دارت شي حاجة خايبة و لكن ناس ما كيرحموش ....جبل ما فهمش علاش بقات غادة و كتزرب بخطواتها كأنها هاربة من شي حاجة تخلع عليها و لكن بقا غادي من موراها حتى وصلو من مور العمارة و وصلو حدا السيارة ديالو و لكن نورسين كانت مرفوعة كملات طريق حتى سمعاتو نده ليها بصوت مرتفع ما عرفش مالها ...جبل : نورسيننورسين حتى سمعات صوتو عاد فاقت من سهوتها مسحات دموعها بزربة عاد التافتت لعندو و لكن جبل ما يخفاوش عليه عيونها الحومر اللي كيبانو ذبلانين و واضح انها كانت باكية فهاد اللحظة بالضبط حس بقلبو تزير عليه ما فهمش مالها ياك عاد كانت ناشطة و فرحانة واش دار ليها شي حاجة بلا ما يعرف واش آداها بلا ما يشعر شعلات فقلبو العافية و باغي غير يعرف سبب هاد الدموع ...قربات ليه نورسين و ابتاسمت غير بزز بغات تحل الباب باش تطلع و هي تشوف يدو تحطات على الباب كأنه مانعها و نطق بعصبية مكتومة بين طيات صوتو الحنون ...جبل : علاش كاتبكي ؟؟؟نورسين هزات عينيها و شافت فيه و دموع تجمعو فعينيها و نطقات بصوت فيه شهقة د البكا ...نورسين: واش باين فوجهي باكية ؟؟جبل حس بقلبو غايسكت بقوة الكياتة اللي فيها كايحس براسو صافي ما بقاش قادر يتحمل تنهد و حط يدو على خدها و مرر إبهامو عليه و قال بصوت حنون ...جبل: اللي بكاك نحيه من دنيا واخا يكون انانورسين بقات ساهية و كتشوف فعينيه غافلة على يدو اللي تحطات على خدها أصلن مرفوعة بقوة التفكير كأنها غايبة عن العالم الخارجي نطقات بصوت مكسور ...نورسين : العساس شافني معاك خايفة يقولها لبابا يدبحني أ جبل و الله حتى يدبحني ما يعقلش علياجبل تفكر العساس اللي كان داخل و شافهم عاد فهم البلان غمض عينو و عاود حلهم و حرك راسو بنفي ديك نبرة د صوتها و هي كتهضر بحرقة كتدبحو من لداخل ...جبل : كنحلف ليك بلي خلق السما و الارض ما نخلي حتى حاجة تقيسك ا نورسين