قصة جبل - نورسين ( بالدارجة المغربية )

💛 الفصل 65💛

جبل نورسين الجزء 320 :جوهرة بقوة الفقصة عطاتهم بالضهر وخرجات بحالاتها خلات نورسين و سلمى واقفين حدا الباب ؛ فحين سلمى حشات يديها فدراع نورسين من جديد وقالت بمكر ...سلمى:ناري يا ختي طلعتي ما ساهلاش أش هاد الوحش كيخرج منك مرة مرة كدهشري ليا البشرنورسين : [تنهدات ] بنادم كيبقى يحك على دبرة حتى كيخرج القيح بلهلا يطريه ليه واش انا جبدتها كتستافزني ديك زبيلة بزاف لدرجة كتخرجني على وعيي ما كنعرف شنو كانقول ڭاع داك المعيار اللي كنعرف كنطلقو فوجههاسلمى:يا ختي عرفتي كيف غاتجي مع جبل كتحمقي هو كالم و ضريف و نتي شعواقة و حميمقةنورسين غلباتها الضحكة و قالت ...نورسين:والله ما شعواقة أنا ضريفة ولكن مابقيتش قادة نتحمل شي حد يزطم عليا زطمو عليا ما كفى مابقيتش قادرة نكون ديك البخوشة اللي كيعفطو عليها بصباطهم و واخا يعتابروني بخوشة اللهم نكون مسمومة باش حتى الا زطمو عليا نخرج فيهم سميسلمى : أ لالا ما خليتي ليا ما نقول تبارك الله عليك و خلاص و دابا زيدي نخرجو أ الله نوصلو عند مسعود راه بحال غانسافرو مع الفيرمة بعيدة على المدينة خاصنا شي ساعة و نص و لا ساعتين ديال طريقنورسين: واخا اه بعدا خليتي سارة بوحدها واش ما تديهاش معاناسلمى:راها جالسة فبيتها ما تخافيش عليهانورسين:واخا أ ختي يالاه نمشيو أ بحرا نوصلوخرجات نورسين و سلمى من الفيلا و هي تنطق نورسين بعفوية ...نورسين : واش غانمشيو فالطوبيس و لا فطاكسيسلمى جبدات السوارت الطوموبيل ديال يعقوب من صاكها و قالت بمزاح ...سلمى: لواه غايديونا الخطافة زيدي قدامي و سكتيبركات سلمى على الزر المتواجد فمفتاح سيارة و هو يطلع صوت من سيارة كدليل على أن بيبانها تحلو و هي تنطق نورسين باستغراب ...نورسين : لا واش من نيتك غانمشيو فطوموبيلسلمى : وي فين كاين المشكل ؟؟نورسين : و نتي عندك البيرمي ؟؟سلمى : اه عندي علاش ؟؟نورسين: كتصدميني حق الله العظيم و فوقاش درتيه ؟؟سلمى : اوووف شحال فيك ديال الأسئلة مالكي حڭارة مالكسلمى سبقاتها و طلعات فمكان القيادة بينما نورسين بقات مسروطة و جامدة فمكانها ياك سلمى كانت خدامة معاها فالمكتبة و هي منين غاتجيب الفلوس باش دير البيرمي ربما يكون دارو ليها يعقوب ما فاقت من تخميناتها حتى سمعات سلمى كطوط عليها عاد تحركات من بلاصتها و تقدمات بخطواتها حتى حلات الباب الأمامي بيديها و ما جا فبالها غير جبل اللي من ديما كيحل ليها الباب فالطلعة و فالهبطة ما حسات حتى لقات الابتسامة خارجة من ثغرها ...طلعات و زدحات الباب و شافت قدامها و مزالها كضحك غير هي و عظامها كي الهبيلة حتى نطقات سلمى اللي حاضياها ...سلمى: أ سبحان الله كيهروك ملائكتك و حنا ما فراسناش ؟؟نورسين التافتت عندها و مزال الابتسامة مرسومة على شفايفها ...نورسين : لا غير تفكرت شي حاجة و صافيسلمى : ما تكونش هاد الحاجة عندها علاقة بحبيب القلب همم ؟؟نورسين: [كشرات ملامح وجهها ] و ما تندميناش حيت قلنا ليك جبل كيعجبناسلمى : لا واش من نيتك نتي طايحة فيه ديال بصح و مزال كتنفخي يا البڭرةنورسين غلباتها الضحكة و نطقات بعد تنهيدة خارجة من اعماق فؤادها و حطات يديها على جانب صدرها الأيسر و بالضبط مكان قلبها و جاوبات سلمى مع ابتسامة بينات ملامحها الطفولية البريئة الجميلة ....نورسين: علاه انا غير طايحة فيه شي حاجة بزااف يا ختيسلمى عجبها الحال بهاد الإعتراف و ما كرهاتش تسجلها و تصيفط كلامها لجبل اكيد غايتسطى و يجن بقوة الفرحة ...سلمى: الله يدومها محبة أ زيننورسين: أمينسلمى ديمارات اللوطو و رجعات مراش أريار و شدات طريق فإتجاه صالون مسعود اللي غايبدل لنورسين اللوك ديالها كليا ؛ سلمى بقوة الفرحة اللي كتحس بيها مدات يديها لراديو شعلاتو و هي تطلق أغنية زوينة بزااف ديال دنيا باطمة كشكول شعبي جهدات ليها و بدات تغني سلمى معاها بينما نورسين غير كتشوف و تسمع و تضحك ...سلمى: عيتيني يا بالكدوب شلااا واا حبيبي و دار القاضي عامرة جرادي واا حبيبي و دار الباشا عامرة كراسى وا حبيبي مزال الحب يضور بيك و يجيبك ليا تاني و مزال الصورة تجيب جوجطلقاتها سلمى بتزغريتة حتى قفزات نورسين من بلاصتها و قالت بحب ...سلمى : هاكا غانزغرت ليك فعرسك مع با جبلنورسين تنهدات و شافت فزاجة ما جاوباتهاش فحين سلمى قللات من الموسيقى و قالت بتساؤل ...سلمى: مال الفريزة مقلقة ؟؟نورسين التافتت شافت فسلمى و حاسة بقلبها مقبوض عليها و نطقات بحزن ...نورسين : عرفتي ا ختي سلمى من الأحسن ما تبقايش تدخلي ليا فكرة زواج من جبل باغا نخرج بأقل الأضرار و الله انا عمري بغيت شي حد لدرجة اللي كنبغي بيها جبل و خايفة ما يكونش مكتاب ليا و لا تديه شي وحدة واخا غالبا هادشي اللي غايكونسلمى : ياااا ربي تصبرني مع هاد البنت آخر مرة غانهضر فهاد الموضوع نتي لجبل و جبل ليك و سدينا و كلشي غايكون مزيان الا حيدتي هاد الافكار التشاؤمية من مخك و سمعتي لكلاميجبل نورسين الجزء 321 :فحين جوهرة غير خرجات من الفيلا و بقات غادة كتبكي ما عارفة فين غادة المهم غير كتمشى على رجليها و كتبكي بكل حرقة على قلبها اللي وهباتو لجبل و فالأخير نورسين هي اللي كيبغي و كايحبها حب ماشي طبيعي علاش ما تكونش فبلاصتها علاش جبل ما يبغيهاش بحال نورسين علاش الدنيا ضالمة لهاد الدرجة علاش اللي كنبغيوهم ما كيبغيوناش شنو دارت فهاد الحياة باش تعدب بألم الحب و هي فهاد السن صغير...ما حسات حتى ضربات فصدر شي حد بالهزة باش هزات عويناتها تشوف شكون هدا حتى كتلمح رشيد اللي لمسات فعينو نوع من الخوف عليها خاصة فاش حط يدو على خدودها بدون شعور منو و نطق بعدة أسئلة متتالية كتبين مدى إهتمامو و قلقو عليها ...رشيد : جوهرة مالك ؟؟ شكون وصلك لهاد الحالة ؟؟ علاش كتبكي ؟؟ واش شي حد قالك شي حاجة ؟؟؟ هضري عفاك جوهرة واش كتسمعينيجوهرة بقات صامتة و كأنها بلعات لسانها غير ساهية بعينيها الزرقواتين الصافيتين كصفاء البحر فعينين رشيد حتى دارت حركة صدمات بيها قلب رشيد اللي كيعاني من سنين طاحت على صدرو و ضورات يديها على ضهرو عنقاتو زيرات عليه خلات رشيد متفاجئ و مصدوم و فنفس الوقت مسرور تخالط عليه كلشي واش جوهرة هي دابا بين احضانو و لا غير كيتخايل ما حس حتى دوز يدو على شعرها الرطب و ابتاسم بحب و هو يسمع جوهرة نطقات بصوتها الباكي الحزين ...جوهرة : علاش انا وقع ليا هادشي علاشرشيد : شووت كلشي غايتحل غير ما تبكيش عفاكجوهرة بعدات على رشيد و مسحات دموعها و قالت بتعب ...جوهرة : عييت أرشيد شنو ندير باش ننسى شنوحدرات راسها كتبكي و كترعد بقوة الأعصاب حتى حسات بيد رشيد فدقنها طلع ليها وجهها حتى شافت فعينيه و قال ...رشيد : ما عرفتش علاش كتبكي و علاش عييتي و لكن الحاجة اللي غانقول ليك نتي مزال صغيرة ديها فقرايتك و فمستقبلك و شنو ما كان نوعية المشكل اللي كتعاني منو غايتحل مع الوقتجوهرة : ما عندو حلرشيد : [بابتسامة ] نسايه بكل بساطةجوهرة : [باستغراب ] شنو غانسىرشيد : [غميزة ] المشكل اللي داير ليك هاد الحالة كاملةجوهرة : غا نحاول واخا صعيبرشيد : غاتقدري تنسايه غير حاوليعم صمت بيناتهم حتى نطقات جوهرة بعد مدة سكوت استغرقات عدة ثواني ...جوهرة: واش انا خايبة أرشيد كيف كانجيك واش انا بصح برهوشة و قلبي كحلرشيد بقا ساكت و ربع يدو كيشوف فيها حتى نطق مجاوبها بهدوء ...رشيد: من ناحية برهوشة ماشي برهوشة نتي فعمرك 18 العام يعني نتي ففترة مراهقة كيكون بنادم طايش شوية و ما كيعرفش شنو كايدير و شي بعض المرات كيجرح بزاف د ناس ضايرين بيه بسبب تهور ديالو و لكن كلشي كايتصلح غير الواحد خاصو يدير عقلو شوية فهاد السن اللي كايكون صعيب شوية اما من ناحية قلبك كحل لا قلبك أحمر حيت عامر بالدمجوهرة ضحكات واخا ما فيها ما يضحك على كلام رشيد الأخير ...جوهرة : لا زعما واش أنا ضريفة ولا خايبة واش بصح انا مسمومةرشيد : صراحة كتباني ضريفة غير نتي مرة مرة كتنفاعلي و كتعصبي دغيا و لكن انا ما معاشركش بزاف باش نعرف شخصيتك الحقيقية ما نقدرش نحكم هاد سؤال غايجاوب عليه شي واحد اللي كيعرفك مزيان و لكن غير أنك حسيتي بدنب و كتسولي بحال هاكا هدا دليل على ان قلبك بيض و باغا تصلحي المشكلجوهرة : [طاحت دمعة من عينيها ] شكرا بزاف أ رشيد و الله كنت محتاجة نهضر مع شي واحدرشيد : هانية فأي وقت بغيتيني انا موجود و لكن ما غانبقاش هناجوهرة : بصح ؟! فين غاديرشيد : غانسافر لميريكان نقابل المزرعة ديال جبل تماكجوهرة : اه الله يسر ليك أخويا تستاهلرشيد ما عجباتوش ديك كلمة خويا اللي خرجات من بين ثنايا ثغرها هو كيشوفها جوهرة غالية على قلبو و باغي يخطبها على سنة الله و رسوله و لكن عارف جبل ما غايعطيهاش ليه حيت مزال صغيرة و هي ما كتبغيهش و خاصها تكمل قرايتها و محال جبل يقبل بشخص خدام عندو يزوجو بجوهرة اللي بحال بنتو اكيد غايبغي ليها شي واحد من مستوى ميسور ...رشيد : [بتردد ] واش عندك فايسبوك و لا انستغرام نقدرو نهضرو تماك الا بغيتي ؟؟جوهرة : اه نهضرو فواتساب قيد نمرتي عندكرشيد جبد تيليفونو بسرعة قيد نمرتها عندو بفرحة عارمة فقلبو كان هاز الهم كيفاش غايتواصل معاها و كيفاش غايقدر على غيابها فاش يمشي لأمريكا و ها هو لقا الحل ها هي نمرتها عندو و يقدر يتواصل معاها بسهولة و شكون عرف ممكن علاقتهم تطور للحب غايدخلها من باب صداقة و هو غرضو قلبها يطيح فشبكة غرامو....جوهرة : [بابتسامة ] فينما نبغي نخوي قلبي غانهضر معاكرشيد : حنا دابا اصدقاء كوني اكيدة ديما غاتلقايني بجنبكوكم من حب مخفي تحت حجة صداقة